တိုက်မိပျက်ကျ

October 11, 2020

ပြင်သစ်တွင် လေယာဉ်အသေး ၂ စီး တိုက်မိပျက်ကျသဖြင့် ၅ ဦး သေဆုံး

ပြင်သစ်နိုင်ငံအနောက်ပိုင်းမှာ အောက်တိုဘာ ၁၀ ရက်က လေယာဉ်အသေး ၂ စီး လေထဲမှာ တိုက်မိပျက်ကျလို့ လူ ၅ ယောက် သေဆုံးပါတယ်။  လိုချက်စ်မြို့ထဲက လမ်းဘေးတွေမှာ မီးလောင်ထားတဲ့ အပျက်အစီးတွေကို မျက်မြင် သက်သေတွေက ရုပ်သံရိုက်ကူးထားပါတယ်။  လူ ၂ ယောက်ကို တင်လာတဲ့ မိုက်ခရိုလိုက်ထ်လေယာဉ်က ကမ္ဘာလှည့်ခရီးသည် ၃ ယောက်ကို တင်လာတဲ့ ဒိုင်းမွန်း DA40 လေယာဉ်နဲ့ တိုက်မိ ပျက်ကျခဲ့တာပါ။  လေယာဉ်  ၂ စီးလုံးက ခရီးသည် ၅ ဦးစလုံး သေဆုံးတယ်လို့ ဒေသခံအရာရှိတွေက ပြင်သစ် မီဒီယာကို ပြောခဲ့ပါတယ်။ ဒီဖြစ်ရပ်နဲ့ ပတ်သက်ပြီး စုံစမ်းစစ်ဆေးဖို့ ရဲက အမှုဖွင့် ထားပါတယ်။  
7 months Ago

October 1, 2020

အမေရိကန်တိုက်လေယာဉ် ဆီဖြည့်လေယာဉ်နှင့် တိုက်မိပျက်ကျဟု မရိန်းတပ်ဖွဲ့ပြော

အမေရိကန်တိုက်လေယာဉ်တစီးဟာ ဆီဖြည့်လေယာဉ်တစီးနဲ့တိုက်မိပြီး ပျက်ကျခဲ့တာလို့ အမေရိကန်မရိန်းတပ်ဖွဲ့က  စက်တင်ဘာ ၃၀ ရက်မှာ ပြောဆိုခဲ့ပါတယ်။  လေယာဉ် ၂ စီး တိုက်မိပြီးနောက်  F-35B တိုက်လေယာဉ်မှူးဟာ  အရေးပေါ် ခုန်ထွက်ခဲ့ပြီး ဆေးကုသခံယူနေသလို KC-130J ဆီဖြည့်လေယာဉ် အမှုထမ်းတွေကလည်း လေယာဉ်ကို ဘေးကင်းကင်း ဆင်းသက်နိုင်ခဲ့တယ်လို့  အမှတ် ၃  မရိန်းလေကြောင်းတပ်ဖွဲ့က ပြောဆိုပါတယ်။ စက်တင်ဘာ ၂၉ ရက်နေ့ ညနေ ၄ နာရီအချိန် လေယာဉ် နှစ်စီး ဆီဖြည့် ပျံသန်းနေချိန်မှာပဲ တိုက်မိပြီး F-35B တိုက်လေယာဉ်ပျက်ကျခဲ့တယ်လို့ မရိန်းတပ်ဖွဲ့က ပြောပါတယ်။  တိုက်လေယာဉ် ပျက်ကျရတဲ့ အကြောင်းကို စုံစမ်းနေတယ်လို့ မရိန်းတပ်ဖွဲ့က ဆိုပါတယ်။ ဆီဖြည့်လေယာဉ်ကတော့ သာမယ်လေဆိပ်ကို ပြန်ခဲ့ပြီး လေယာဉ်ပေါ်ပါ အမှုထမ်းအားလုံး ဘေးကင်းတယ်လို့ မရိန်းတပ်ဖွဲ့က ဖြည့်စွက် ပြောဆိုခဲ့ပါတယ်။ 
7 months Ago
Up