တိုက်ပွဲများ

October 28, 2022

မကွေးတိုင်းအတွင်း တိုက်ပွဲများတွင် စစ်ကောင်စီဘက်က ထိခိုက်သေဆုံးမှုများပြား

မကွေးတိုင်း၊ ထီးလင်းမြို့နယ်အတွင်း တလကျော်လောက် စစ်ကြောင်းထိုးကာ ဒေသခံတွေကို ဖမ်းဆီးသတ်ဖြတ်ပြီး ပြည်သူ့နေအိမ်တွေ မီးရှို့နေတဲ့ ဂန့်ဂေါမြို့ ခလရ ၅၀ လက်အောက်ခံ စစ်‌ကောင်စီတပ်အင်အား ၁၂၀ ကျော်ပါ စစ်ကြောင်းကို အောက်တိုဘာ ၂၇ ရက်က ယောဒေသကာကွယ်ရေးပူးပေါင်းတပ်ဖွဲ့က စောင့်ကြိုတိုက်ခိုက်ခဲ့တယ်လို့ သိရပါတယ်။

မနေ့ မနက် ၇ နာရီလောက်မှာ ထန်းပင်ကုန်းကျေးရွာ နေအိမ်တွေကို မီးရှို့ထွက်ခွာစဥ် YDF ထီးလင်း၊ YDF တပ်ရင်း ၁၄၊ KKG တပ်ရင်း ၅၊ PDF ထီးလင်း တပ်ရင်း ၂ (ခွဲ) (၇)၊ နပတ တပ်ရင်း (၇၀၇ ADF) တို့က အနီးကပ် တိုက်ခိုက်ခဲ့တာလို့ ဆိုပါတယ်။

တိုက်ပွဲမှာ ပူးပေါင်းတပ်ဖွဲ့က တပ်စု ၃ စုခွဲပြီး ထိုးစစ်ဆင်ခဲ့လို့ စစ်ကောင်စီတပ်ဖွဲ့ဝင် အယောက် ၃၀ ထက်မနည်း ကျဆုံးခဲ့ပြီး YDF-14 မှ ရဲဘော်တယောက် ပျောက်ဆုံးနေကာ ပူးပေါင်းအဖွဲ့က ကျန်ရဲဘော်တွေ အထိအခိုက် ကျဆုံးမှုမရှိ အောင်မြင်စွာ ဆုတ်ခွာနိုင်ခဲ့တယ်လို့ ယောဒေသကာကွယ်ရေးတပ် YDF ထီးလင်းဘက်က ထုတ်ပြန်ပါတယ်။

YDF ထီးလင်းရဲ့ ဗျူဟာမှူး သခင်ဇော်က “တိုက်ပွဲဖြစ်ပွားချိန် တနာရီလောက် ကြာမြင့်ခဲ့ပြီး YDF တပ်ရင်း ၁၅ နဲ့ YDF-PMR တို့က လက်နက်ကြီးပစ်ကူ ပေးခဲ့ကြတယ်။ အင်အား ၁၂၀ ကျော်ပါတဲ့ စစ်ကောင်စီတပ်သားတွေက ထန်းပင်ကုန်းကျေးရွာအနီးရှိ မောချောင်းကို ရေကူးစဉ် အင်အား ၅၀ လောက်က တဖက်ကမ်းကို ရောက်သွားပြီ။ ‌ချောင်းကူးဖို့ စောင့်ဆိုင်းနေတဲ့ အင်အား ၇၀ နဲ့ ရေကူးနေတဲ့ စစ်ကောင်စီတပ်သားတွေကို ကျနော်တို့ဘက်က စုပေါင်းအင်အား ၅၀ နဲ့ တရစပ် ဝင်ရောက်ပစ်ခတ်ခဲ့တာ။ အဲဒီလို ပစ်ခတ်စဉ်မှာ စစ်ကောင်စီတပ်သားတွေ အများအပြား သေဆုံးသွားတာကို တိုက်ပွဲမှာပါဝင်တဲ့ မျက်မြင်ရဲဘော်တွေက တွေ့ခဲ့ရတယ်။ ချောင်းထဲမျောပါသွားတဲ့ စစ်ကောင်စီတပ်သား ရုပ်အလောင်းတွေကိုလည်း ဒေသခံတွေက တွေ့ရတယ်။ နယ်မြေရှင်းလင်းရေး ဝင်ရောက်တဲ့အခါမှာလည်း စစ်ကောင်စီတပ်သား ရုပ်အလောင်းတွေ သင်္ဂြိုဟ်ထားတာ တွေ့ရတယ်။ ကျနော်တို့ဘက်က လက်နက်ကြီး ၈၀ မမ နှစ်ခုနဲ့ ၆၀ မမ တခုလည်း ဆုံးရှုံးသွားတယ်။ ‌ရဲဘော်ဆိုင်ကယ် ၅ စီးနဲ့ ဒေသခံဆိုင်ကယ် ၅ စီး စုစုပေါင်း ၁၀ စီးလောက်ကိုလည်း စစ်ကောင်စီတပ်က မီးပုံရှို့သွားတယ်။ ထီးလင်းမြို့ပေါ် ပြန်လည်ဝင်ရောက်သွားတဲ့အခါ စစ်ကောင်စီတပ်သား ၉၇ ယောက်သာ ပါဝင်တယ်လို့ မျက်မြင်ပြည်သူတွေ၊ YDF တပ်ဖွဲ့ဝင် ကင်းထောက်တွေ တွေ့ရတယ်” လို့ ပြောပါတယ်။

ယောကာကွယ်ရေးတပ် YDF-ထီးလင်း အနေနဲ့ မနှစ်က ဆောင်းဦးပေါက်အချိန် စစ်ကောင်စီနဲ့ တိုက်ပွဲမှာ အသက်ပေးခဲ့ရတဲ့ ရဲဘော် ၁၄ ယောက်ရဲ့ နှစ်ပတ်လည်နေ့အမီ ထိရောက်စွာ လက်တုံ့ပြန်နိုင်ခဲ့တဲ့အတွက် အထူးကျေနပ် ဝမ်းသာပီတိ ဖြစ်ရတယ်လို့ သူက ဆက်ပြောပါတယ်။

မနေ့ မနက် ၉ နာရီလောက်က ထီးလင်းမြို့နယ် ထန်းပင်ကုန်းကျေးရွာအနီးမှာ နယ်မြေရှင်းလင်းရေး ဆောင်ရွက်နေတဲ့ လုံခြုံရေးတပ်ဖွဲ့ဝင်တွေနဲ့ PDF တွေ ထိတွေ့တိုက်ပွဲ ဖြစ်ပွားခဲ့ပြီး PDF အဖွဲ့ဝင် တယောက်နဲ့ လက်လုပ်စိန်ပြောင်း ၅ လက်၊ လက်လုပ်ဗုံးသီး ၂၅ လုံးတို့ကို သိမ်းဆည်းရမိကြောင်း စစ်ကောင်စီဘက်က သတင်းထုတ်ပြန်ထားပါတယ်။

‌အဲ့ဒီစစ်ကြောင်းက စစ်ကောင်စီတပ်သားတွေဟာ အောက်တိုဘာ ၂၆ ရက်နဲ့ ‌၂၇ ရက်က ထီးလင်းမြို့နယ်က အိုင်းမရွာနဲ့ ထန်းပင်ကုန်းကျေးရွာက ဒေသခံနေအိမ်တွေကို မီးရှို့ ဖျက်ဆီးသွားခဲ့ပါသေးတယ်။

အလားတူ မကွေးတိုင်း၊ ဂန့်ဂေါမြို့နယ်ရှိ ခလရ ၅၀ ကထွက်လာတဲ့ စစ်ကောင်စီတပ်ဖွဲ့ဝင်တွေနဲ့ ယောဒေသကာကွယ်‌ရေးတပ်ဖွဲ့တွေကြား ရှုံးရှီရွာအနီးမှာ အောက်တိုဘာ ၂၆ ရက်‌က တိုက်ပွဲတွေဖြစ်ပွားခဲ့တယ်လို့ သိရပါတယ်။

တိုက်ပွဲပြင်းထန်ခဲ့ပြီး နှစ်ဖက် လက်နက်ကြီး၊ လက်နက်ငယ်တွေနဲ့ အပြန်အလှန် ပစ်ခတ်ခဲ့ကြကာ ပြည်သူ့ကာကွယ်ရေးတပ်ဘက်က ထိခိုက်ကျဆုံးမှု မရှိခဲ့ဘူးလို့ ဂန့်ဂေါ PDF တာဝန်ရှိသူတယောက်က ဒီဗွီဘီကို ပြောပါတယ်။

အဆိုပါတိုက်ပွဲမှာ စစ်ကောင်စီတပ်ဖွဲ့ဝင် ၂၆ ယောက် ထိခိုက်‌ဒဏ်ရာရရှိခဲ့ကြောင်း မြေပြင်သတင်းအချက်အလက်တွေအရ အတည်ပြုနိုင်ခဲ့ပြီး ယောဒေသကာကွယ်ရေး ပူးပေါင်းတပ်ဘက်က ရဲဘော်တွေ ထိခိုက်ကျဆုံးမှု မရှိဘူးလို့ ဆိုပါတယ်။

“CDF-KKG၊ ပကဖ၊ ဂန့်ဂေါခရိုင် အမှတ် ၇ တပ်ရင်း ကျနော်တို့ဘက်က အင်အား ၆၀ လောက်နဲ့ ဝင်တိုက်ခဲ့တာ။ စစ်‌ကောင်စီဘက်က ခန့်မှန်းအင်အား ၁၀၀ ဝန်းကျင်တော့ရှိတယ်။ သူတို့ဘက်ကတော့ ထိခိုက်ကျဆုံးမှုသတင်းတော့ မရဘူး။ ဒဏ်ရာရသူတွေ များပြားတယ်လို့ သိရတယ်။ ကျနော်တို့ဘက်က တပ်ရင်းကရဲဘော်တွေ ထိခိုက်ဒဏ်ရာရတာတွေ မရှိဘူး။”

အောက်တိုဘာ ၂၂ ရက်ကလည်း ဂန့်ဂေါမြို့နယ် ကန်ရွာအနီး တိုက်ပွဲမှာ ဒေသခံကာကွယ်ရေးတပ်ဘက်က ရဲဘော် ၂ ယောက် ထိခိုက်ဒဏ်ရာရရှိခဲ့သလို စစ်ကောင်စီဘက်ကလည်း ထိခိုက်ကျဆုံးမှုတွေ ရှိခဲ့ပါသေးတယ်။

အောက်တိုဘာ ၁၇ ရက်ကလည်း ဂန့်ဂေါမြို့နယ် ကန်ရွာအနီးမှာ စစ်ကောင်စီတပ်ဖွဲ့ဝင်တွေနဲ့ ဒေသခံကာကွယ်ရေးတပ်ဖွဲ့တွေကြား တိုက်ပွဲဖြစ်ပွားခဲ့ပြီး စစ်ကောင်စီတပ်ဖွဲ့ဝင် ၈ ယောက် ကျဆုံးကာ ပြည်သူ့ကာကွယ်ရေးတပ်ဘက်က ရဲဘော် ၂ ယောက် ထိခိုက်ဒဏ်ရာ ရရှိခဲ့ပါသေးတယ်။

လတ်တလောမှာ စစ်ကောင်စီတပ်ဖွဲ့ဝင်တွေဟာ ဂန့်ဂေါနယ်မြောက်ပိုင်းကို အင်အားအလုံးအရင်းနဲ့ စစ်ကြောင်းထိုး ထိုးစစ်ဆင်နေသလို ဒေသခံတွေလည်း ဘေးလွတ်ရာ ဒေသတွေမှာ ထွက်ပြေးတိမ်းရှောင်နေရပါတယ်။

စစ်ကောင်စီက ဂန့်ဂေါနယ်ကို အင်တာနက်လိုင်းတွေ ဖြတ်တောက်ထားပြီး သတင်းအမှောင်ချထားတာ တနှစ်ကျော် ကြာမြင့်နေပြီလည်း ဖြစ်ပါတယ်။

1 month Ago

August 17, 2019

လက်ရှိတိုက်ပွဲများနှင့် ပတ်သက်၍ ညီနောင်မဟာမိတ် ၃ ဖွဲ့၏ ရှင်းလင်းချက် ထုတ်ပြန်

လက်ရှိဖြစ်နေတဲ့ တိုက်ပွဲတွေနဲ့ ပတ်သက်ပြီး ညီနောင်မဟာမိတ် ၃ ဖွဲ့ရဲ့ စစ်ရေးနဲ့ နိုင်ငံရေး အခြေအနေ ရှင်းလင်းချက်ဆိုပြီး ထုတ်ပြန်လိုက်ပါတယ်။ ဒါကို လက်ကမ်းစာစောင်အနေနဲ့လည်း သူတို့တပ်ဖွဲ့ဝင်တွေက သွားလာနေတဲ့ ကားတွေကိုလည်း ဖြန့်ဝေနေတာကို ပလောင်ပြည်နယ် လွတ်မြောက်ရေးတပ်မတော်/ တအာင်းအမျိုးသား လွတ်မြောက်ရေး တပ်မတော် (PSLF/TNLA) က ထုတ်ပြန်ထားပါတယ်။ ကိုးကန့်တပ်ဖွဲ့ MNDAA ရက္ခိုင့်တပ်တော် AA နဲ့ TNLA တို့ ပူးတွဲထုတ်ပြန်ထားတာ ဖြစ်ပါတယ်။ တပ်မတော်၊ အစိုးရတို့နဲ့ တွေ့ဆုံဆွေးနွေးပြီး နိုင်ငံရေး သဘောတူညီချက်တွေရမှပဲ တိုက်ပွဲတွေ အမှန်တကယ် ရပ်ဆိုင်းပြီး အေးချမ်းတည်ငြိမ်မှုကို ဖော်ဆောင်နိုင်မှာဖြစ်လို့ မြန်မာအစိုးရ၊ စစ်တပ်နဲ့ တွေ့ဆုံနိုင်မယ့် နည်းလမ်းကို ရှာဖွေနေတယ်လို့ ဆိုပါတယ်။ ညီနောင် မဟာမိတ် ၃ ဖွဲ့နဲ့ ငြိမ်းချမ်းရေးကော်မရှင်တို့ဟာ ၂၀၁၉ ခုနှစ် မတ်လမှာ နေပြည်တော်၊ ဧပြီလမှာ မူဆယ်နဲ့ ဇွန်လမှာ မိုင်းလားတို့မှာ တွေ့ဆုံခဲ့ပြီး ပဏာမ အပစ်ရပ်စာချုပ် မူကြမ်းကို ပေးခဲ့ပြီး တပ်မတော်က အဆိုပြုတဲ့ ပဏာမအပစ်ရပ်စာချုပ် မူကြမ်းကိုလည်း ပြန်ပေးခဲ့တယ်လို့ ဆိုပါတယ်။ တပ်မတော်က အဆိုပြုတဲ့ မူကြမ်းဟာ တဖက်သတ်ဆန်လွန်းတာကြောင့် လက်မခံနိုင်ပေမယ့် အကောင်းဆုံး နိုင်ငံရေးအဖြေကိုရှာဖို့ ဆက်လက်ဆွေးနွေးဖို့ နေရာ အခက်အခဲကြောင့် အခုထိ မတွေ့နိုင်သေးဘူးလို့လည်း ဆိုပါတယ်။ ၂၀၁၈ ဒီဇင်ဘာကစလို့ တပ်မတော်က စစ်တိုင်း ၅ ခုမှာ အပစ်ရပ်ဆိုင်းတယ်လို့ ကြေညာခဲ့ပြီး ရခိုင်မှာ တိုက်ခိုက်နေတာ၊ ကိုးကန့်နဲ့ တအာင်းဒေသတွေမှာ စစ်ရေးလှုပ်ရှားတာတွေ လုပ်နေပြီး စစ်ရေးအရ အရေးပါတဲ့ ဗျူဟာစခန်းတွေ ဆောက်တာတွေနဲ့ ဖြတ် ၄ ဖြတ်ကို စနစ်တကျ လုပ်လာနေတယ်လို့ သူတို့က ထုတ်ပြန်ပါတယ်။ မြန်မာစစ်တပ်ဟာ နိုင်ငံတော်အာဏာနဲ့ လုပ်ပိုင်ခွင့်တွေကို သူတို့လက်ထဲမှာ ဆက်လက်တည်မြဲဖို့နဲ့ စစ်တပ်ခေါင်းဆောင်တွေနဲ့ ခရိုနီတွေရဲ့ အကျိုးစီးပွားကို ကာကွယ်ဖို့ နိုင်ငံရေးပြဿနာတွေကို မဖြေရှင်းဘဲ တိုက်ပွဲတွေ ပိုဖြစ်အောင်လုပ်နေတယ်လို့ သူတို့ ထုတ်ပြန်ချက်မှာ ဖော်ပြပါတယ်။ ညီနောင်မဟာမိတ် ၃ ဖွဲ့နဲ့ ဒေသခံတွေဟာ စစ်ဘေးဒဏ်က လွတ်မြောက်ဖို့ တွေ့ဆုံ ဆွေးနွေးတာကို မျှော်လင့်ပေမယ့် အမှန်တကယ် ဖြစ်မလာလို့ ခုခံကာကွယ်တဲ့ စစ်ပွဲတွေကို မလွှဲမရှောင်သာ လုပ်နေရတယ်လို့လည်း ဆိုပါတယ်။ ၂၀၁၈ ခုနှစ် ဒီဇင်ဘာကနေ ၂၀၁၉ သြဂုတ်လအထိ တပ်မတော်နဲ့ အေအေတို့ တိုက်ပွဲ ၃၄၅ ကြိမ်၊ MNDAA နဲ့ တပ်မတော်တို့ ၂၅ ကြိမ်၊ TNLA နဲ့ တပ်မတော်တို့ကတော့ ၆၅ ကြိမ် ဖြစ်ခဲ့တယ်လို့ ဆိုပါတယ်။ ~~~~~~~~~~~~~~~~~~~~~~~~~~~~~~~~~~~~~~~~~~~~~ Zawgyi_version လက္ရွိတိုက္ပြဲမ်ားႏွင့္ ပတ္သက္၍ ညီေနာင္မဟာမိတ္ ၃ ဖြဲ႕၏ ရွင္းလင္းခ်က္ ထုတ္ျပန္ လက္ရွိျဖစ္ေနတဲ့ တိုက္ပြဲေတြနဲ႔ ပတ္သက္ၿပီး ညီေနာင္မဟာမိတ္ ၃ ဖြဲ႕ရဲ႕ စစ္ေရးနဲ႔ ႏိုင္ငံေရး အေျခအေန ရွင္းလင္းခ်က္ဆိုၿပီး ထုတ္ျပန္လိုက္ပါတယ္။ ဒါကို လက္ကမ္းစာေစာင္အေနနဲ႔လည္း သူတို႔တပ္ဖြဲ႕ဝင္ေတြက သြားလာေနတဲ့ ကားေတြကိုလည္း ျဖန႔္ေဝေနတာကို ပေလာင္ျပည္နယ္ လြတ္ေျမာက္ေရးတပ္မေတာ္/ တအာင္းအမ်ိဳးသား လြတ္ေျမာက္ေရး တပ္မေတာ္ (PSLF/TNLA) က ထုတ္ျပန္ထားပါတယ္။ ကိုးကန႔္တပ္ဖြဲ႕ MNDAA ရကၡိဳင့္တပ္ေတာ္ AA နဲ႔ TNLA တို႔ ပူးတြဲထုတ္ျပန္ထားတာ ျဖစ္ပါတယ္။ တပ္မေတာ္၊ အစိုးရတို႔နဲ႔ ေတြ႕ဆုံေဆြးေႏြးၿပီး ႏိုင္ငံေရး သေဘာတူညီခ်က္ေတြရမွပဲ တိုက္ပြဲေတြ အမွန္တကယ္ ရပ္ဆိုင္းၿပီး ေအးခ်မ္းတည္ၿငိမ္မႈကို ေဖာ္ေဆာင္ႏိုင္မွာျဖစ္လို႔ ျမန္မာအစိုးရ၊ စစ္တပ္နဲ႔ ေတြ႕ဆုံႏိုင္မယ့္ နည္းလမ္းကို ရွာေဖြေနတယ္လို႔ ဆိုပါတယ္။ ညီေနာင္ မဟာမိတ္ ၃ ဖြဲ႕နဲ႔ ၿငိမ္းခ်မ္းေရးေကာ္မရွင္တို႔ဟာ ၂၀၁၉ ခုႏွစ္ မတ္လမွာ ေနျပည္ေတာ္၊ ဧၿပီလမွာ မူဆယ္နဲ႔ ဇြန္လမွာ မိုင္းလားတို႔မွာ ေတြ႕ဆုံခဲ့ၿပီး ပဏာမ အပစ္ရပ္စာခ်ဳပ္ မူၾကမ္းကို ေပးခဲ့ၿပီး တပ္မေတာ္က အဆိုျပဳတဲ့ ပဏာမအပစ္ရပ္စာခ်ဳပ္ မူၾကမ္းကိုလည္း ျပန္ေပးခဲ့တယ္လို႔ ဆိုပါတယ္။ တပ္မေတာ္က အဆိုျပဳတဲ့ မူၾကမ္းဟာ တဖက္သတ္ဆန္လြန္းတာေၾကာင့္ လက္မခံႏိုင္ေပမယ့္ အေကာင္းဆုံး ႏိုင္ငံေရးအေျဖကိုရွာဖို႔ ဆက္လက္ေဆြးေႏြးဖို႔ ေနရာ အခက္အခဲေၾကာင့္ အခုထိ မေတြ႕ႏိုင္ေသးဘူးလို႔လည္း ဆိုပါတယ္။ ၂၀၁၈ ဒီဇင္ဘာကစလို႔ တပ္မေတာ္က စစ္တိုင္း ၅ ခုမွာ အပစ္ရပ္ဆိုင္းတယ္လို႔ ေၾကညာခဲ့ၿပီး ရခိုင္မွာ တိုက္ခိုက္ေနတာ၊ ကိုးကန႔္နဲ႔ တအာင္းေဒသေတြမွာ စစ္ေရးလႈပ္ရွားတာေတြ လုပ္ေနၿပီး စစ္ေရးအရ အေရးပါတဲ့ ဗ်ဴဟာစခန္းေတြ ေဆာက္တာေတြနဲ႔ ျဖတ္ ၄ ျဖတ္ကို စနစ္တက် လုပ္လာေနတယ္လို႔ သူတို႔က ထုတ္ျပန္ပါတယ္။ ျမန္မာစစ္တပ္ဟာ ႏိုင္ငံေတာ္အာဏာနဲ႔ လုပ္ပိုင္ခြင့္ေတြကို သူတို႔လက္ထဲမွာ ဆက္လက္တည္ၿမဲဖို႔နဲ႔ စစ္တပ္ေခါင္းေဆာင္ေတြနဲ႔ ခ႐ိုနီေတြရဲ႕ အက်ိဳးစီးပြားကို ကာကြယ္ဖို႔ ႏိုင္ငံေရးျပႆနာေတြကို မေျဖရွင္းဘဲ တိုက္ပြဲေတြ ပိုျဖစ္ေအာင္လုပ္ေနတယ္လို႔ သူတို႔ ထုတ္ျပန္ခ်က္မွာ ေဖာ္ျပပါတယ္။ ညီေနာင္မဟာမိတ္ ၃ ဖြဲ႕နဲ႔ ေဒသခံေတြဟာ စစ္ေဘးဒဏ္က လြတ္ေျမာက္ဖို႔ ေတြ႕ဆုံ ေဆြးေႏြးတာကို ေမွ်ာ္လင့္ေပမယ့္ အမွန္တကယ္ ျဖစ္မလာလို႔ ခုခံကာကြယ္တဲ့ စစ္ပြဲေတြကို မလႊဲမေရွာင္သာ လုပ္ေနရတယ္လို႔လည္း ဆိုပါတယ္။ ၂၀၁၈ ခုႏွစ္ ဒီဇင္ဘာကေန ၂၀၁၉ ၾသဂုတ္လအထိ တပ္မေတာ္နဲ႔ ေအေအတို႔ တိုက္ပြဲ ၃၄၅ ႀကိမ္၊ MNDAA နဲ႔ တပ္မေတာ္တို႔ ၂၅ ႀကိမ္၊ TNLA နဲ႔ တပ္မေတာ္တို႔ကေတာ့ ၆၅ ႀကိမ္ ျဖစ္ခဲ့တယ္လို႔ ဆိုပါတယ္။
3 years Ago
Up