တိုက်ပွဲဖြစ်

A d v e r t i s e m e n t With Us

February 26, 2021

ကော့ကရိတ်မြို့နယ်တွင် တိုက်ပွဲဖြစ်

ကရင်ပြည်နယ်၊ ကော့ကရိတ်မြို့နယ်မှာ အာဏာသိမ်းနိုင်ငံတော်စီမံအုပ်ချုပ်ရေးအဖွဲ့ရဲ့ စစ်တပ်နဲ့   ကရင်အမျိုးသားအစည်းအရုံး KNU-KNLA  တို့ တိုက်ပွဲဖြစ်ပွားခဲ့ပါတယ်။

KNLA တပ်မဟာ(၆) ထိမ်းချုပ်နယ်မြေမှာ ဖေဖေါ်ဝါရီ ၂၆ ရက် ၁၂ နာရီလောက်မှာ တိုက်ပွဲဖြစ်ပွားခဲ့တာလို့ ဒေသခံတွေက ပြောပါတယ်။

နိုင်ငံတော်စီမံအုပ်ချုပ်အဖွဲ့ရဲ့ စစ်တပ်က  တစ်မိုင်ကုန်းမှအသွားလမ်း မာနာကုန်းရွာ အရောက်မှာ KNLA နယ်မြေဖြစ်တဲ့အတွက် လုံခြုံရေးဂိတ်မှ ခွင့်ပြုချက်မရဘဲ သွားတဲ့အတွက် KNLA တပ်ဘက်က စတင်ပစ်ခတ်တာလို့   KNLA တပ်သားတစ်ဦးက ပြောပါတယ်။ 

ပစ်ခတ်တဲ့အချိန်မှာ စီမံအုပ်ချုပ်စစ်တပ်ဘက်မှ ၄ ဦးသေနတ်ထိမှန်ခဲ့တာကို လမ်းမပေါ်မှာ တွေ့ရှိရတယ်လို့လည်း ဆိုပါတယ်။

တိုက်ပွဲဖြစ်ပြီး မိနစ် ၂၀ လောက်အထိ  နှစ်ဘက်စောင့်ကြည့်နေရာအသင့်ယူထားပြီး တိုက်ပွဲဖြစ်နေရာမှ ထွက်ခွါခြင်း မရှိသေးဘူးလို့သိရပါတယ်။

ဖိုးစီ

1 week Ago

February 19, 2021

မိုင်းပန်မြို့နယ်၌ တိုက်ပွဲဖြစ်ပွားပြီး ဘုရားဆွမ်းကပ်ပြီးပြန်လာသူ ရွာသား ၁ ဦး ကျည်ဆန်ထိ သေဆုံး

ရှမ်းပြည်နယ်တောင်ပိုင်း မိုင်းပန်မြို့နယ် ပန်ပီးဒေသမှာ ရှမ်းပြည်တပ်မတော်တောင်းပိုင်း RCSS လက်နက်ကိုင်အဖွဲ့နဲ့ တပ်မတော်တို့ တိုက်ပွဲဖြစ်ပွားပြီး အရပ်သား တစ်ယောက် သေနတ်မှန်ပြီးသေဆုံးခဲ့ပါတယ်။

ဖေဖေါ်ဝါရီ ၁၉ ရက်မနက် ၉ နာရီလောက် ရွာသားတွေ ဘုရားဆွမ်းတော်လာကပ်ရာချိန် မြန်မာတပ်မတော်နဲ့ ရှမ်းပြည်ပြန်လည်ထူထောင်ရေးကောင်စီ RCSS/SSA တို့ ပစ်ခတ်မှုဖြစ်ပွား ပြီး ရွာသား ခွန်စု ကျည်ထိမှန်သွားတာပါ။

ပန်ပီးဒေသခံရွာသားတစ်ဦးက “ရွာသားတွေက ဒီနေ့ဥပုဒ်နေ့ဆိုတော့ ဆွမ်းတော်သွား ကပ်တာ၊ တပ်နဲ့ရှမ်းအဖွဲ့က ဘယ်လို ထိတွေ့တာလည်းမသိဘူး ရွာသားတွေ ဘာမှမသိဘူး သေနတ်သံတွေကြားနေတာပေါ့။ ဘယ်သူက ပစ်တာလဲမသိဘူး သိတဲ့အချိန်မှာ ဗိုက်ကျည်မှန်သွားပြီ”လို့ ပြောပါတယ်။

ရွာသား ခွန်စုဟာ သူ့ညီနဲ့ နှစ်ယောက် ဘုရားဆွမ်းတော်ကပ်ပြီးအပြန်မှာ သေနတ်ကျည်ဆန်ထိမှန်ခဲ့တာ ဖြစ်ပါတယ်။

အစ်ကိုဖြစ်သူ သေနတ်မှန်လို့ ညီဖြစ်သူက ရွာသားကိုသွားပြီးအကြောင်းကြားကာ ပြန်လာတဲ့ အချိန် အသက်မရှိတော့ဘူးလို့ ရွာသားတွေကပြောပါတယ်။
ခွန်ရာဇာ

2 weeks Ago
More News
Up