တိုက်စစ်မှူး ရက်ရှ်ဖို့ဒ်

November 7, 2019

အဆင့် ၄ အတွင်းဝင်ရေး ဆက်လက်တိုက်ပွဲဝင်မည်ဟု မန်ယူတိုက်စစ်မှူး ရက်ရှ်ဖို့ဒ် ပြော

မန်ချက်စတာယူနိုက်တက်အသင်းဟာ ပရီးမီးယားလိဂ်မှာ အဆင့် ၄ အတွင်းဝင်ဖို့ ဆက်လက်တိုက်ပွဲဝင်သွားမယ်လို့ တိုက်စစ်မှူး ရက်ရှ်ဖို့ဒ်က ပြောလိုက်ပါတယ်။ ပရီးမီးယားလိဂ်ပွဲစဉ် ၁၁ ပွဲကစားအပြီးမှာ ၃ ပွဲနိုင်၊ ၄ ပွဲသရေ၊ ၄ ပွဲရှုံး၊ ရမှတ် ၁၃ မှတ်နဲ့ အဆင့် ၁၀ အထိ ရောက်ရှိနေတဲ့ မန်ချက်စတာယူနိုက်တက်အသင်းဟာ ချန်ပီယံလိဂ်ဝင်ခွင့်ရရှိမဲ့ အဆင့် ၄ က ချဲလ်ဆီးအသင်းနဲ့ ၁၀ မှတ်အထိ ကွာဟနေတာပါ။ ဒါပေမဲ့ ယူနိုက်တက်တိုက်စစ်မှူး ရက်ရှ်ဖို့ဒ်ကတော့ အဆင့် ၄ အတွင်းဝင်ဖို့ မဖြစ်နိုင်စရာ အကြောင်းမရှိဘဲ အနိုင်မခံ အရှုံးမပေးစိတ်ဓာတ်နဲ့ ဆက်လက်တိုက်ပွဲဝင်မယ်လို့ ပြောပါတယ်။   တခြားအသင်းတွေရဲ့ရလဒ်ကို ထည့်စဉ်းစားနေစရာမလိုဘဲ ကိုယ့်ကိုယ်ကိုယ် အာရုံစိုက်ပြီး အကောင်းဆုံးကစားမယ်ဆိုရင် တိုးတက်လာမှာဖြစ်ကြောင်းလည်း ရက်ရှ်ဖို့ဒ်က ဆိုပါတယ်။ မန်ယူအသင်းဟာ လာမယ့် နိုဝင်ဘာ ၁၀ ရက်နေ့မှာတော့ ဘရိုက်တန်အသင်းကို အိမ်ကွင်းမှာ လက်ခံကစားရမှာပါ။  
1 year Ago
Up