တိုက်ခိုက်မှု

September 29, 2022

ဘယ်လ်ဂျီယံတွင် တိုက်ခိုက်ရန် စီစဉ်နေသူများကို ရဲတပ်ဖွဲ့ စီးနင်း၊ ၁ ဦးသေဆုံး

ဘယ်လ်ဂျီယံနိုင်ငံမှာ စက်တင်ဘာ ၂၈ ရက်က လက်နက်တွေ တရားမဝင်ပိုင်ဆိုင်ပြီး တိုက်ခိုက်ဖို့ စီစဉ်နေတယ်လို့ သံသယရှိတဲ့ လက်ယာစွန်းလူတွေကို ရဲတပ်ဖွဲ့က ဝင်ရောက်စီးနင်းချိန်မှာ တိုက်ပွဲဖြစ်လို့ အမျိုးသားတယောက် သေဆုံးခဲ့ပါတယ်။

ရဲတပ်ဖွဲ့က မြောက်ပိုင်းဆိပ်ကမ်းမြို့ အန်းသွက်ထ်မှာရှိတဲ့ လိပ်စာ ၁၀ ခုလောက်ကို စီးနင်းရှာဖွေခဲ့တယ်လို့ ပြည်ထောင်စုအစိုးရရှေ့နေတွေက ပြောပါတယ်။ အပြန်အလှန် ပစ်ခတ်မှု တကြိမ်ဖြစ်ခဲ့ပြီး အမျိုးသားတယောက် သေဆုံးခဲ့တာပါ။

စုံစမ်းစစ်ဆေးသူတွေက သေနတ်နဲ့ ခဲယမ်းမီးကျောက် အများအပြားကို ရှာတွေ့ခဲ့တယ်လို့ ပြည်ထောင်စုအစိုးရရှေ့နေတွေရဲ့ ပြောခွင့်ရက ဆိုပါတယ်။

လူဘယ်လောက်ကို ဖမ်းဆီးထိန်းသိမ်းထားတယ်၊ ဒါမှမဟုတ် တိုက်ခိုက်ဖို့ အစီအမံနဲ့ ပတ်သက်ပြီး အသေးစိတ် အချက်အလက်တွေ ပြောဖို့ကိုတော့ သူက ငြင်းခဲ့ပါတယ်။

2 months Ago

September 26, 2022

ယူကရိန်းက တိုက်ခိုက်မှုများ ပြန်စတင်နေဟု ရုရှား ပြော

ယူကရိန်းတပ်ဖွဲ့တွေဟာ နိုင်ငံတောင်ပိုင်းက ဇာပိုရစ်ချ်ဇီယာ နျူကလီးယား ဓာတ်အားပေးစက်ရုံ တဝိုက်မှာ "ကာမိကာဇေ အသေခံ ဒရုန်းရှစ်စင်း" လွှတ်လိုက်တာ အပါအဝင် တိုက်ခိုက်မှုတွေကို ပြန်စတင်လိုက်ပြီလို့ ရုရှားကာကွယ်ရေးဝန်ကြီးဌာနက စက်တင်ဘာ ၂၅ ရက်မှာ ပြောပါတယ်။

“နျူကလီးယား ဓာတ်အားပေးစက်ရုံရဲ့ ပိုင်နက်အပြင်ဘက်က မောင်းသူမဲ့လေယာဉ် အားလုံးကို ရုရှားတပ်ဖွဲ့တွေက ပစ်ချခဲ့တယ်၊ ဇာပိုရစ်ချ်ဇီယာ နျူကလီးယား ဓာတ်အားပေး စက်ရုံက ဓာတ်ရောင်ခြည်သင့်မှု အဆင့်က ပုံမှန်အဆင့်မှာပဲ ရှိသေးတယ်” လို့ ရုရှားကာကွယ်ရေး ဝန်ကြီးဌာန ပြောခွင့်ရ အစ်ဂေါ ကိုနာရှန်ကို့ဗ်က ပြောပါတယ်။ 

စစ်မြေပြင်အစီရင်ခံစာတွေကို မီဒီယာတွေက သီးခြား လွတ်လွတ်လပ်လပ် စစ်ဆေး အတည်ပြု တာတော့ မလုပ်နိုင်သေးပါဘူး။ 

2 months Ago
More News
Up