တိုက်ခိုက်

A d v e r t i s e m e n t With Us

January 14, 2021

ဗဟိုအာဖရိကသမ္မတနိုင်ငံမြို့တော်ကို  သူပုန်တပ်ဖွဲ့က တိုက်ခိုက်

ဗဟိုအာဖရိကသမ္မတနိုင်ငံမှာ ဇန်နဝါရီ ၁၃ ရက်က   မြို့တော်ကို သူပုန်တွေ တိုက်ခိုက်ခဲ့ ပေမဲ့ အစိုးရတပ်တွေနဲ့ ကုလသမဂ္ဂငြိမ်းချမ်းရေး တပ်ဖွဲ့တွေက ပြန်တွန်းလှန်ခဲ့ပါတယ်။  ရုရှားနဲ့ ရဝမ်ဒါက ရောက်လာတဲ့ တပ်အကူအညီတွေနဲ့ CAR စစ်တပ်ဟာ ရွေးကောက်ပွဲ ရလဒ်ကို ပယ်ဖျက်ဖို့ ကြိုးပမ်းနေတဲ့ သူပုန်အဖွဲ့တွေကို ပြန်တိုက်ထုတ်နေပါတယ်။  မြို့ မြောက်ပိုင်းအပါအဝင် ဆင်ခြေဖုံး နေရာအတော်များများကို သူပုန်အဖွဲ့ တိုက်ခိုက်ခဲ့ပြီး နောက်မှာ ပေါက်ကွဲမှုတွေနဲ့ ရဟတ်ယာဉ်တွေ ပျံဝဲနေတာ တွေ့တယ်လို့ မျက်မြင်တစ်ဦးက ဆိုပါတယ်။ တိုက်ခိုက်မှုအတွင်း   ကုလသမဂ္ဂငြိမ်းချမ်းရေးတပ်ဖွဲ့ဝင် တစ်ဦး သေဆုံးတယ်လို့လည်း အင်အား ၁၀၀၀၀ လောက်ရှိတဲ့ ငြိမ်းချမ်းရေးတပ်ဖွဲ့က ဆိုပါတယ်။  ဒီဇင်ဘာ ၂၇ ရက် ရွေးကောက်ပွဲမှာ မဲလိမ်မှုရှိတယ်ဆိုပြီး ပြောဆိုနေပေမဲ့ လက်ရှိ   သမ္မတ တိုဒါတာကို အနိုင်ရသူလို့ ကြေညာခဲ့ပြီး နောက်မှာတော့  ရွေးကောက်ပွဲ ပဋိပက္ခတွေ မြင့်တက်လာပါတယ်။ သူပုန်တွေရဲ့ တိုက်ခိုက်မှုကို သမ္မတဟောင်း ဖရန်ကိုဘော်ဇီက ကူညီအားပေးနေတယ်လို့ ကုလသမဂ္ဂကဆိုပေမဲ့ သမ္မတဟောင်းကတော့ တိုက်ရိုက်တုံ့ပြန်တာ မရှိဘူးလို့ ရိုက်တာက ဖော်ပြပါတယ်။ 
2 months Ago

August 26, 2020

အမေရိကန်တွင် အဓိကရုဏ်းနှိမ်နင်းရေးရဲများကို ဆန္ဒပြသူများက တိုက်ခိုက်

အမေရိကန်ပြည်ထောင်စု ဝစ္စကိုဆင်ပြည်နယ် ကေနိုရှာမြို့လယ်မှာ သြဂုတ် ၂၅ ရက် ညနေက ဆန္ဒပြသူတွေက အဓိကရုဏ်းနှိမ်နင်းရေးရဲတွေကို မီးပန်းတွေ၊ ရေပုလင်းတွေနဲ့ ပစ်ပေါက်ခဲ့ကြပါတယ်။ ရဲက လူမည်း အမျိုးသားတယောက်ကို သေနတ်နဲ့ပစ်အပြီး တတိယမြောက်ညအထိ အရပ်ဘက် မငြိမ်သက်ဘဲ ပွဲဆူနေပါတယ်။ နေဝင်မီးငြိမ်း ညမထွက်ရ အမိန့်ထုတ်ထားပေမယ့် အာခံနေတဲ့ ဆန္ဒပြသူ ၂၀၀ လောက်ဟာ တရားရုံးအပြင်ဘက်နဲ့ အနားက ကေနိုရှာမြို့လယ် ပန်းခြံထဲမှာ စုရုံးခဲ့ကြပါတယ်။ မြို့နယ်တရားရုံးပတ်လည်မှာ သံချပ်ကာ ကင်းလှည့်ကားတွေ အတော်များများ ရပ်ထားပြီး လူအုပ်ကို မျက်ရည်ယိုဓာတ်ငွေ့တွေနဲ့ ပစ်ခတ်ပါတယ်။ ဝစ္စကိုဆင်ပြည်နယ် အုပ်ချုပ်ရေးမှူးက အရေးပေါ်အခြေအနေ ကြေညာပြီး အမျိုးသားအစောင့်တပ်ဖွဲ့ဝင်တွေကို ပိုပြီး တပ်ချထားမယ်လို့ ကတိပြုအပြီးမှာ အခြေအနေ ပိုဆိုးလာတာပါ။ သေနတ်နဲ့အပစ်ခံရတဲ့ အမျိုးသားရဲ့ မိခင်က အခြေအနေတည်ငြိမ်ကြဖို့ လူသိရှင်ကြား မေတ္တာရပ်ခံခဲ့ပါတယ်။ ကလေး ၆ ယောက်ဖခင် အသက် ၂၉ နှစ်အရွယ် အမျိုးသားဟာ ဩဂုတ် ၂၃ ရက်က ရဲတွေဆီကနေ သူ့ကားဆီ လမ်းလျှောက်လာပြီး ကားတံခါးဖွင့်ချိန်မှာ ရဲက နောက်ကျောကနေ သေနတ်နဲ့ ပစ်ခတ်တာ ခံခဲ့ရတယ်လို့ ရိုက်တာ သတင်းဌာနက ရေးပါတယ်။ သူဟာ ကိုယ်တခြမ်းသေခဲ့ပြီး အသက်ဘေး စိုးရိမ်ရတယ်လို့ မိသားစုနဲ့ ရှေ့နေတွေက ဩဂုတ် ၂၅ ရက်မှာ ပြောပါတယ်။
6 months Ago
More News
Up