တိုက်ကြီးမြို့နယ်

August 29, 2018

လှိုင်မြစ်ရေကြီးသဖြင့် တိုက်ကြီးမြို့နယ်ရှိ စာသင်ကျောင်း ၁၀ ကျောင်း ပိတ်ထားရ

ရန်ကုန်တိုင်းဒေသကြီး၊ တိုက်ကြီးမြို့နယ်အတွင်းရှိ ကျေးရွာတွေမှာ သြဂုတ် ၂၀ ရက်နေ့ကစပြီး လှိုင်မြစ်ရေ မြင့်တက်လာတဲ့အတွက် စာသင်ကျောင်း ၁၀ ကျောင်းကို အရေးပေါ်ပိတ် ထားရတယ်လို့ တိုက်ကြီးမြို့နယ်ပညာရေးမှူးရုံးက သိရပါတယ်။ တိုက်ကြီးမြို့နယ်ဒုပညာရေးမှူး ဦးမောင်မောင်လတ်က “သြဂုတ် ၂၈ ရက်နေ့အထိ စာသင်ကျောင်း ၁၀ ကျောင်းကို ၃၁ ရက်နေ့အထိပိတ်ထားတယ်။ အရင်နှစ်တွေက ကျောင်းပိတ်ရပေမယ့် ဘုန်းကြီးကျောင်းတွေမှာ စာသင်ပေးခဲ့တယ်။ ဒီနှစ်က နေရာအခက်အခဲကြောင့် ကလေးတွေကို စာမသင်ရပါဘူး။ လက်ရှိအချိန်မှာ ရေကတန့်နေတဲ့အတွက် ကျောင်းတွေ ထပ်ပိတ်ဖို့ မရှိသေးဘူးလို့"ပြောပါတယ်။ ဂေါ့ကျေးရွာအုပ်စု၊ ဘိန္နောကျေးရွာအုပ်စု၊ ပျဉ်းမကုန်းကျေးရွာအုပ်စုနဲ့ ကလော့သော ကျေးရွာအုပ်စု ကြွေပုဂံချောင်းကျေးရွာတို့မှာ  သြဂုတ် ၂၀ ရက်က စတင်ပြီး လှိုင်မြစ်ရေမြင့် တက်လာလို့ ကျေးရွာတွေ ဝင်ရောက်ခဲ့တာပါ။ ဂေါ့ကျေးရွာအုပ်ချုပ်ရေးမှူး ဦးသိန်းထွန်းက "ဧရာဝတီမြစ်ရေက ကျတယ်။ လှိုင်မြစ်ရေက တန့်နေတယ်။ ရေဘေးကယ်ဆယ်ရေးစခန်း ဖွင့်ဖို့အထိ စိုးရိမ်စရာမရှိသေးဘူး"လို့ပြောပါတယ်။ တိုက်ကြီးမြို့နယ်မှာ သုံးလေးနှစ်ဆက်တိုက် ဧရာဝတီမြစ်ရေနဲ့ လှိုင်မြစ်ရေကြီး တာကြောင့် ကျေးရွာများ ရေနစ်မြုပ်ခဲ့တဲ့အတွက် ရေဘေးကယ်ဆယ်ရေးစခန်းများဖွင့်ပြီး ကယ်ဆယ်ရေးလုပ်ငန်းတွေ လုပ်ဆောင်ခဲ့ရပြီး စိုက်ပျိုးမြေတွေလည်း ပျက်စီးဆုံးရှုံးခဲ့ပါတယ်။ သတင်း - မေသွယ်
3 years Ago

June 27, 2018

တိုက်ကြီးမြို့နယ်တွင် လယ်စိုက်ခင်းများကို ကြွက်များ ကျရောက်၍ စိုက်ခင်းများ ပျက်စီး

ရန်ကုန်တိုင်းဒေသကြီး၊ တိုက်ကြီးမြို့နယ်အတွင်းရှိ ကျေးရွာအုပ်စု ၅ အုပ်စုမှာ စိုက်ပျိုးထားတဲ့ စပါးခင်းတွေကို ကြွက်ဖလောင်းတွေ အုပ်စုလိုက် ဝင်ရောက် စားသောက်ဖျက်ဆီးနေတဲ့အတွက် တောင်သူတွေ မိုးစပါးစိုက်ပျိုးဖို့ အခက်အခဲကြုံနေရပါတယ်။ တော်လတီကျေးရွာအုပ်စု၊ ဖတ်ဝန်းကုန်းကျေးရွာအုပ်စု၊ အရှေ့ခုနှစ်ကျိုက်ကျေးရွာအုပ်စု၊ အနောက်ခုနှစ်ကျိုက်ကျေးရွာအုပ်စုနဲ့ အလယ်ဘုတ်ကျေးရွာအုပ်စုတွေမှာ ကြွက်တွေ အများဆုံး ကျရောက်ပြီး လယ်ဧက ၁၀၀၀ ကျော် ပျက်စီးဆုံးရှုံးခဲ့တာပါ။ အရှေ့ခုနှစ်ကျိုက်ကျေးရွာအုပ်စု အုပ်ချုပ်ရေးမှူး ဦးကျော်မင်းအောင်က "ကြွက်တွေက ၅ လပိုင်းလောက်ထဲက စပြီးရောက်လာတာ။ ဘယ်က ရောက်လာတာလဲဆိုတာ ကျနော်တို့ စောင့်ကြည့်နေတယ်။ ကြွက်တွေက ညဘက်မှာ လာစားတာ နေ့ဘက်ဆို ရှာလို့မတွေ့ဘူး။ စပါးခင်းတွေကို နေ့ဘက်ကြဲပြီး ညဘက်ဆို ဝင်စားသွားတာ အခုဆို ၂ ခါ ၃ ခါကြဲပြီး စိုက်ပျိုးရတာတွေလည်းရှိတယ်။ မြို့နယ်ကိုတင်ပြထားလို့ မြို့နယ်က အဖွဲ့အစည်းတွေ လာကြည့်ပြီး ဒီကြွက်တွေကို နှိမ်နှင်းဖို့ ဆောင်ရွက်နေပါတယ်"လို့ပြောပါတယ်။ အလယ်ဘုတ်ကျေးရွာ တောင်သူ ကိုဝဏ္ဏက "ကျနော့်စပါးခင်းတွေဆို ပြန်စိုက်တာ ၃ ခါ ရှိပြီ။ မျိုးစပါးဝယ်ရတာလည်း ခက်တယ်။ စပါးတတင်းကို ၈၀၀၀ ကျပ်အထိ ပေးဝယ်တာတောင် ၀ယ်လို့ မရဘူး။ တခါ ပြန်စိုက်ပျိုးမယ်ဆို ပြန်ထွန် ပြန်စိုက်ဆိုတော့ တောင်သူတွေမှာ ကုန်ကျစရိတ်ပိုများတယ်။ အခုပြန်မစိုက်နိုင်တဲ့ တောင်သူတွေလည်း ရှိတယ်။ ကျနော်တို့ ကျေးရွာအုပ်စုတင် လယ်ဧက ၂၀၀ ကျော်ရှိတယ်ဆိုတော့ တခြားကျေးရွာတွေနဲ့ဆို ဧက ၁၀၀၀ ကျော်တယ်" လို့ပြောပါတယ်။ တိုက်ကြီးမြို့နယ် အနောက်ဘက်ကျေးရွာအုပ်စုတွေမှာ ကြွက်တွေ ကျရောက်ပြီး တောင်သူတွေ စိုက်ပျိုးထားတဲ့ စိုက်ခင်းတွေကို ကြွက်တွေ ဝင်ရောက်စားသောက် ဖျက်ဆီးခဲ့တဲ့အတွက် တောင်သူတွေ လယ်ဧကများစွာ ပျက်စီးဆုံးရှုံးခဲ့သလို ဥက္ကံမြို့ အရှေ့ဘက် ကွင်းတွေမှာလည်း ရွှေခရုကျရောက်ပြီး တောင်သူတွေရဲ့ စိုက်ခင်းတွေ ပျက်စီးခဲ့ပါတယ်။ မေသွယ်
3 years Ago
More News
Up