တိမ်းမှောက်

August 27, 2021

အောင်ဇေယျာတံတားအဆင်း ဆီသယ်ယာဉ် တိမ်းမှောက်၊ ၁ ဦး ဒဏ်ရာရ

ရန်ကုန်တိုင်း လှိုင်သာယာမြို့နယ်၊ အောင်ဇေယျတံတားအဆင်းမှာ သြဂုတ် ၂၆ ရက် ည ၆ နာရီ ၁၅ မိနစ်လောက် ဆီဘောက်ဆာယာဉ်တစ်စီး တိမ်းမှောက်ခဲ့တယ်လို့ လှိုင်သာယာမြို့နယ်မီးသတ်စခန်းက သိရပါတယ်။

အဲဒီ ဆီဘောက်ဆာယာဉ်ဟာ အင်းစိန်ဘက်ကနေ လှိုင်သာယာဘက်ကို မောင်းနှင်လာတာဖြစ်ပြီး ကားဘီးကျွတ်ထွက်ပြီး တိမ်းမှောက်ခဲ့တာလို့ သွားရောက်ကူညီခဲ့သူတွေက ပြောပါတယ်။

ယာဉ်တိမ်းမှောက်မှုကြောင့် ယာဉ်ပေါ်လိုက်ပါလာသူ နှစ်ဦးအနက် ယာဉ်မောင်းဖြစ်သူ ခြေထောက်ဒဏ်ရာရှိခဲ့ပေမယ် ယာဉ်နောက်လိုက်ကတော့ ထိခိုက်ဒဏ်ရာမရရှိခဲ့ပါဘူးလို့သိရပါတယ်။

ထိခိုက်ဒဏ်ရာရရှိတဲ့ ယာဉ်မောင်းကို မြတ်သုခလူမှုကူညီရေးအသင်းမှ သူနာတင်ယာဉ်နဲ့ လှိုင်သာယာပြည်သူ့ ဆေးရုံသို့ ပို့ဆောင်ပေးခဲ့ပါတယ်။

တိမ်းမှောက်ခဲ့တဲ့ ဆီဘောက်ဆာယာဉ်မှ ယိုစိမ့်နေတဲ့  ဆီများအား မီးလောင်မှုမဖြစ်ပွားစေရေးအတွက် လှိုင်သာယာမြို့နယ်မီးသတ်နဲ့ အင်းစိန်မြို့နယ်မီးသတ်က အမြှုပ်ဆေးရည်နဲ့ ပက်ဖြန်းခဲ့ကြတယ်လို့ သိရပါတယ်။

5 months Ago

August 9, 2021

မြဝတီ-ကော့ကရိတ်အာရှလမ်းတွင် ဂတ်စ်အိုးတင်ကားကြီး တိမ်းမှောက်ပြီး ၁ ဦးသေ၊ ၁ ဦးဒဏ်ရာရ

ကရင်ပြည်နယ်၊ ကော့ကရိတ်မြို့၊  မြဝတီ-ကော့ကရိတ်အာရှကားလမ်းမကြီးမှာ ဩဂုတ် ၈ ရက် မနေ့ည ၆ နာရီကျော်လောက်က ဂတ်စ်အိုးတင် ၂၂ ဘီးကားကြီး  ဘရိတ်ပေါက်တိမ်းမှောက်ပြီး ယာဉ်မောင်း အမျိုးသား ၁ ဦးသေဆုံးသွားကာ ယာဉ်နောက်လိုက် ၁ ဦး    မစိုးရိမ်ရတဲ့ ထိခိုက်ဒဏ်ရာ ရသွားတယ်လို့ မီးသတ်တပ်ဖွဲ့က သတင်းထုတ်ပါတယ်။ 

မြဝတီ-ကော့ကရိတ်အာရှကားလမ်းမကြီး မိုင်တိုင်အမှတ် ၁၅၄ နဲ့ ၁၅၅ အကြား နတ်စင်ကွေ့အနီးမှာ ဂတ်စ်  (၂၂) တန် သယ်ဆောင်မောင်းနှင်လာတဲ့ NISSAN ၂၂ ဘီး အမျိုးအစား တွဲယာဉ်ဟာ ဘရိတ်ပေါက်ကာ အရှိန်မထိန်းနိုင်ဘဲ လားရာတူရှေ့မှ မြေဆီအိတ်တွေ သယ်ဆောင်မောင်းနှင်လာတဲ့  FAW ၂၂ ဘီး တွဲကားကို ဝင်ရောက် တိုက်မိပြီး လမ်းပေါ်မှာ ကန့်လန့်ဖြတ် တိမ်းမှောက်ခဲ့ တာပါ။ 

ယာဉ်တိမ်းမှောက်မှုကြောင့်  သေဆုံးသွားတဲ့ ယာဉ်မောင်းနဲ့ ဒဏ်ရာရသွားတဲ့  ယာဉ်နောက်လိုက်တို့ကို ကော့ကရိတ်မြို့နယ်၊ “ပုလဲဖြူ”လူမှုကူညီရေးအသင်းပိုင်ယာဉ်နဲ့ သင်္ဃန်းညီနောင်ပြည်သူ့ဆေးရုံကြီးသို့ ကူညီပို့ဆောင်ပေးခဲ့တယ်လို့လည်း သိရပါတယ်။ 

Photo- MFSD

6 months Ago
More News
Up