တိမ်ပင်လယ်ခရီးစဉ်သစ်

December 21, 2020

 နောင်ချိုမြို့နယ်တွင် တိမ်ပင်လယ်ခရီးစဉ်သစ် ဖော်ဆောင်ရန် ပြင်ဆင်နေမှု မြင်ကွင်း

ရှမ်းပြည်နယ် မြောက်ပိုင်း၊ နောင်ချိုမြို့နယ် နောင်ချိုကြီးကျေးရွာ တိမ်ပင်လယ်ခရီးစဉ်သစ်ကို ၂၀၂၁ မှာ ဖော်ဆောင်ဖို့ ပြင်ဆင်နေပြီလို့ ဟိုတယ်နှင့်ခရီးသွာလာရေးဝန်ကြီးဌာနက ထုတ်ပြန်ထားပါတယ်။ ဒီဇင်ဘာ ၂၀ ရက်နေ့ မနက်ပိုင်းက တာဝန်ရှိသူတွေနဲ့ နောင်ချိုမြို့ ခရီးစဉ်ဒေသစီမံခန့်ခွဲမှုကော်မတီ (DMO) အဖွဲ့ဝင်တွေဟာ တိမ်ပင်လယ်ခရီးစဉ်သစ် ဖော်ဆောင်နေတဲ့ နောင်ချိုမြို့နယ်၊ နောင်ချိုကြီးကျေးရွာကို သွားရောက်ပြီး ကျေးရွာခရီးသွားမြှင့်တင်ရေး ကော်မတီအဖွဲ့ဝင်တွေနဲ့ တွေ့ဆုံခဲ့တယ်လို့ ဆိုပါတယ်။ ခရီးစဉ်သစ် ဖော်ဆောင်နိုင်ရေး ကိစ္စရပ်တွေ ညှိနှိုင်းဆွေးနွေးခဲ့ပြီး တိမ်ပင်လယ်စခန်းမှာ နားနေဆောင်တွေ၊ တည်ဆောက်နေမှုတွေကို ကြည့်ရှုစစ်ဆေးခဲ့ကြတယ်လို့ ဆိုပါတယ်။ ဓာတ်ပုံ ~ Ministry of hotel and tourism
5 months Ago
Up