တားမြစ်ဆေး

September 14, 2018

ရုရှားကွင်းလယ်လူ ချီရီရှက်ဗ် တားမြစ်ဆေးသုံးစွဲမှု ရှိမရှိ စစ်ဆေးခံရမည်

တားမြစ်ဆေးသုံးစွဲတယ်လို့ သံသယရှိနေတဲ့ ရုရှားနဲ့ ဗလင်စီယာ ကွင်းလယ်ကစားသမား ချီရီရှက်ဗ်ကို စပိန် တားမြစ်ဆေးတိုက်ဖျက်ရေး အေဂျင်စီက စုံစမ်းစစ်ဆေးနေပါတယ်။ ချီရီရှက်ဗ်ဟာ ကမ္ဘာ့ဖလားမတိုင်ခင်မှာ သူ့ရဲ့ဒဏ်ရာကို ဆေးထိုးကုသခဲ့တယ်လို့ သူ့အဖေက ပြောကြားခဲ့တာကြောင့် စုံစမ်းစစ်ဆေးမှုတွေ စတင်တော့မယ်လို့ စပိန်တားမြစ်ဆေးတိုက်ဖျက်ရေး အေဂျင်စီက အတည်ပြုပါတယ်။ ရုရှားဘောလုံးအဖွဲ့ချုပ်ဘက်ကတော့ ဆေးကုသမှုက တားမြစ်ဆေး မဟုတ်ဘူးလို့ ဖြေရှင်းထားပါတယ်။ ချီရီရှက်ဗ်ကို စပိန်တားမြစ်ဆေးတိုက်ဖျက်ရေး အေဂျင်စီက ရုရှားနဲ့ ကမ္ဘာ့တားမြစ်ဆေးတိုက်ဖျက်ရေး အဖွဲ့တွေနဲ့ ပူးပေါင်းပြီး စုံစမ်းစစ်ဆေးမှာပါ။ ချီရီရှက်ဗ်ကတော့ တားမြစ်ဆေးတခုမှ မသုံးစွဲတဲ့အကြောင်း ဖြေရှင်းထားပါတယ်။ အသက် ၂၇ နှစ်ရှိ ကွင်းလယ်ကစားသမား ချီရီရှက်ဗ်ဟာ ပြီးခဲ့တဲ့ ကမ္ဘာ့ဖလားမှာ ရုရှားအသင်းအတွက် ၄ ဂိုးအထိ သွင်းယူပေးခဲ့ပါတယ်။
3 years Ago

May 16, 2018

တားမြစ်ဆေးသုံးစွဲခဲ့သည့် ပီရူးအသင်းခေါင်းဆောင်ကို ၁၄ လ ပွဲပယ်ပြစ်ဒဏ် ချမှတ်

တားမြစ်ဆေးသုံးစွဲခဲ့တဲ့ ပီရူးအသင်းခေါင်းဆောင် ဂွါရဲရိုးကို ဖီဖာက ၁၄ လ ပွဲပယ်ပြစ်ဒဏ် ထပ်ပြီး ချမှတ်လိုက်တာကြောင့် ကမ္ဘာ့ဖလားကို လွဲချော်သွားပါတယ်။ အသက် ၃၄ နှစ်ရှိ ပီရူးတိုက်စစ်မှူး ဂွါရဲရိုးဟာ ပြီးခဲ့တဲ့ အောက်တိုဘာလက ကစားတဲ့ အာဂျင်တီးနားနဲ့ပွဲမှာ တားမြစ်ဆေးသုံးစွဲကြောင်း စစ်ဆေးတွေ့ရှိခဲ့တဲ့အတွက် ၆ လ ပွဲပယ်ခံထားရတာပါ။ ဒါပေမယ့် လက်ရှိအချိန်မှာ နောက်ထပ် ၁၄ လ ပွဲပယ်လိုက်တာကြောင့် ကမ္ဘာ့ဖလားနဲ့ လွဲချော်သွားတာလည်း ဖြစ်ပါတယ်။ ပီရူးအသင်းဟာ ၁၉၈၂ ခုနှစ်နောက်ပိုင်း ကမ္ဘာ့ဖလားကို ပထမဆုံးအကြိမ် ခြေစစ်ပွဲ အောင်မြင်ထားတာပါ။ ခြေစစ်ပွဲတလျှောက် အသင်းခေါင်းဆောင်အဖြစ် ခြေစွမ်းပြခဲ့တဲ့ ဂွါရဲရိုး ကမ္ဘာ့ဖလားနဲ့ လွဲချော်တော့မှာဖြစ်လို့ ပီရူးအသင်းအတွက် အခက်အခဲဖြစ်လာဖွယ် ရှိနေပါတယ်။
3 years Ago
Up