တာ့ခ်ခရိုင်

October 10, 2021

ထိုင်းနိုင်ငံ တာခ်ခရိုင်တွင် ဘန်ကောက်သွားမည့် ရွှေ့ပြောင်းမြန်မာအလုပ်သမား ၃၇ ဦး အဖမ်းခံရ

ထိုင်း-မြန်မာနယ်စပ် ထိုင်းနိုင်ငံ၊ တာခ်ရိုင်အတွင်း တရားမဝင် ဝင်ရောက်လာတဲ့ ရွှေ့ပြောင်းမြန်မာအလုပ်သမား ၃၇ ယောက် အောက်တိုဘာ  ၁၀ ရက် နေ့က ဖမ်းဆီးခံရတယ်လို့ ထိုင်းအာဏာပိုင်တွေထံက သိရပါတယ်။ 

ဖမ်းဆီးခံရတဲ့ ရွှေ့ပြောင်းမြန်မာအလုပ်သမားတွေဟာ ကရင်ပြည်နယ် မြဝတီမြို့ကနေ ထိုင်းနိုင်ငံ မဲဆောက်မြို့ကို ကျော်ဖြတ်ပြီး ထိုင်းနိုင်ငံအတွင်းပိုင်းမှ ဘန်ကောက်မြို့ကို ဦးတည်ထွက်ခွာလာရာစဉ် ဝမ်းကျောက်တိုက်နယ်၊ ရပ်ကွက် ၇ မှာ  ထိုင်းအုပ်ချုပ်ရေးအဖွဲ့၊ ထိုင်းရဲတပ်ဖွဲ့နဲ့ ဌာနဆိုင်ရာတို့က ပူးပေါင်းဖမ်းဆီးခဲ့တာပါ။

ဖမ်းဆီးမိတဲ့ ရွှေ့ပြောင်းမြန်မာအလုပ်သမားတွေကို ဝမ်းကျောက်တိုက်နယ် ဆေးရုံမှာပဲ ကိုဗစ်-၁၉ ရောဂါရှိ၊ မရှိ စစ်ဆေးရာမှာ ရောဂါကူးစက်ခံရတာ မရှိတဲ့အတွက် မြန်မာအလုပ်သမား  ၃၇ ဦးနဲ့ အတူ ကူညီပံ့ပိုးသူ ထိုင်းနိုင်ငံသား ၁ ဦးတို့ကို ထိုင်းနိုင်ငံရဲ့ ဥပဒေတွေအတိုင်း အရေးယူမယ်လို့ သိရပါတယ်။

2 weeks Ago

October 1, 2021

တာ့ခ်ခရိုင်တွင် တရားမဝင် ဝင်ရောက်လာသည့် မြန်မာ ၂၃ ဦး ဖမ်းဆီးခံရ

ထိုင်း-မြန်မာနယ်စပ်၊ တာ့ခ်ခရိုင်၊ မဲ့လမတ်မြို့နယ်ထဲမှာ အောက်တိုဘာ ၁ ရက် ဒီကနေ့  တရားမဝင် ဝင်ရောက်လာတဲ့ မြန်မာရွှေ့ပြောင်းလုပ်သား ၂၃ ဦး  ဖမ်းဆီးရမိတယ်လို့  ဒေသဆိုင်ရာ အာဏာပိုင်တွေက ပြောပါတယ်။

ထိုင်းနိုင်ငံအတွင်းပိုင်းမှာ အလုပ်သွားလုပ်ဖို့အတွက် နယ်စပ်ကနေ တရားမဝင် လလုပ်သမားတွေ သယ်ဆောင်လာမယ်လို့ ကြိုတင်သတင်းရထားတာကြောင့် ထိုင်းစစ်တပ် တပ်မဟာ ၃၅ နဲ့ တပ်မဟာ ၃၅၀၅  ပူးပေါင်းတပ်ဖွဲ့ဝင်တွေဟာ မယ်လမတ်မြို့နယ်အုပ်ချုပ်ရေးရုံးက တာဝန်ရှိသူ တွေနဲ့အတူ ဘန့်တိန်ထတ် ၊ ဘန့်ဆမ်မိန် ၊ ဘန့်ဆဲန်စတဲ့ ကျေးရွာတဝိုက်မှာ လှည့်လ ည်စစ်ဆေးနေခဲ့တယ်လို့ ဆိုပါတယ်။ 

ကင်းလှည့်နေချိန်မှာ မယ်လမတ်မြို့နယ်  ဆမ်မိန်အုပ်စု ဆဲင်ဟိုင့်ကျေးရွာဘက်ကနေ မောင်းနှင်လာတဲ့ကား ၂ စီးကို တွေ့ရှိတာကြောင့် တားဆီးစစ်ဆေးရာမှာ တရားမဝင် ဝင်ရောက်လာတဲ့ မြန်မာနိုင်ငံသား ၂၃ ဦးကို တွေ့ရှိပြီး ယာဉ်မောင်းနဲ့လမ်းပြကတော့ ထိုင်းလူမျိုးဖြစ်ကာ ၁ ဦးမှာ ထွက်ပြေးလွတ်မြောက်သွားခဲ့တယ်လို့ ဆိုပါတယ်။ 

တာဝန်ရှိသူတွေက သူတို့ကို မယ်လမတ်ဆေးရုံမှာ  ရောဂါရှာဖွေစစ်ဆေးပြီး တရားဥပဒေအရ အရေးယူသွားမယ်လို့ ဒေသတွင်းတာဝန်ရှိသူက ပြောပါတယ်။ 

ဒီကိစ္စနဲ့ ပတ်သက်ပြီး သနေးရှင်းထိုင်းတီဗွီသတင်းမှာတော့ သူတို့ဟာ သောင်ရင်းမြစ်ကို ကူးဖြတ်ဝင်ရောက်လာကြောင်း ၊ ကျား ၁၅  ဦး ၊ မ ၇ ဦး နဲ့ ကလေး ၁ ဦးပါဝင်တယ်လို့ ဆိုပါတယ်။ 

သူတို့ကို ဘန့်ဆဲန်ဆေးရုံမှာ အပူချိန်တိုင်းရာမှာ ၅ ဦးက အဖျားရှိနေတာတွေ့ရလို့ တခြားသူတွေနဲ့ သီးသန့်ခွဲထားပြီး ကိုဗစ်-၁၉ ကူးစက်ရောဂါပိုးဆက်လက်စစ်ဆေးကာ ဥပဒေအရအရေးယူဖို့ မဲ့လမတ်ရဲစခန်းကို ပို့ဆောင်သွားမယ်လို့ ဖော်ပြထားပါတယ် ။ 

ဓာတ်ပုံများ - https://www.nationtv.tv/news/378843344

3 weeks Ago
More News
Up