တာချီလိတ် တာလော့ဈေး မီးလောင်၊ အဘိုးအို ၁ ဦး သေဆုံး (ရုပ်သံ)

January 30, 2017

တာချီလိတ် တာလော့ဈေး မီးလောင်၊ အဘိုးအို ၁ ဦး သေဆုံး (ရုပ်သံ)

ထိုင်း-မြန်မာနယ်စပ် ရှမ်းပြည်အရှေ့ပိုင်း တာချီလိတ်မြို့ တာလော့ဈေးထဲမှာ ဒီကနေ့မနက်က မီးလောင်မှု ဖြစ်ပွားလို့  အဘိုးအို ၁ ဦး သေဆုံးခဲ့ပါတယ်။ တာလော့ဈေးထဲက ဆိုင်ခန်းတခုအပေါ်ထပ်မှာ ဘုရားမီးပူဇော်ရာက မီးလောင်မှုဖြစ်ပွားခဲ့ပြီး အဘိုးအို ၁ ဦး သေဆုံးခဲ့တယ်လို့ တာချီလိတ်မြို့နယ် မီးသတ်ဌာန တာဝန်ကျဝန်ထမ်းတဦးက ဒီဗွီဘီကို ပြောပါတယ်။ “အဲဒီမှာ မီးစလောင်တာက ဒီမနက် ၈ နာရီ ၁၅ မိနစ်က စတာကို၊ ၉ နာရီ ၅၅ မိနစ်မှာ ငြိမ်းပါတယ်။ သူက ဈေးဆိုင်လေ၊ တာလော့ဈေးဆိုတာ၊ သူတို့က အပေါ်ဆုံးထပ်မှာ ပစ္စည်းတွေ  သိုလှောင်ပစ္စည်းတွေထားတာ။ အဲဒီမှာ ဘုရားစင်လေးတခန်းထားပြီးတော့ အဘိုးအိုတယောက်နေတာ။ တရုတ်လူမျိုး၊ သူကဘုရားမီးပူဇော်တာကနေ စလောင်တာလို့ သိရတယ်၊ အဲဒီ အဘိုးကြီး ဆုံးသွားတယ်။  နာမည်ကိုတော့ စုံစမ်းတုန်းပဲ။” မီးလောင်ရာကို မီးသတ်ကား ၇ စီးနဲ့ သွားရောက်ငြိမ်းသတ်ခဲ့လို့  အပေါ်ထပ်သာလောင်ကျွမ်းပြီး အနီးနားရှိ ဈေးဆိုင်တွေ မီးကူးစက်ခြင်းမရှိဘူးလို့ဆိုပါတယ်။ မီးလောင်မှုနဲ့ ပတ်သက်ပြီး ဆုံးရှုံးမှုတန်ဖိုး ခန့်မှန်းခြေနဲ့ ဘယ်သူ့ကို ဘာပုဒ်မနဲ့ အမှုဖွင့်သလဲ ဆိုတာတော့ မီးသတ်သွားတဲ့ ဦးစီးအရာရှိတွေ ပြန်ရောက်မှသိမယ်လို့ ၀န်ထမ်းက ပြော သွားပါတယ်။
4 years Ago
Up