တရုတ်အာဏာပိုင်

A d v e r t i s e m e n t With Us

January 22, 2021

ပိတ်မိရွှေလုပ်သားများကို ကယ်ထုတ်ရန်  ၁၅ ရက် စောင့်ရမည်ဟု တရုတ်အာဏာပိုင်များ ပြော

ပိတ်မိနေတဲ့ တရုတ်ရွှေတွင်းလုပ်သားတွေကို ကယ်ဆယ်မယ့် လမ်းကြောင်းမှာ တစ်ဆို့ နေတဲ့ အရာရှိနေလို့ ပိတ်မိနေသူတွေကို ကယ်ထုတ်ဖို့ နောက်ထပ် ၁၅ ရက် စောင့်ဆိုင်း ရမယ်လို့ အာဏာပိုင်တွေက ဇန်နဝါရီ ၂၁ ရက်မှာ ပြောပါတယ်။  တရုတ်နိုင်ငံ ရှန်ဒေါင်းပြည်နယ်က ဟူရှန်ရွှေတွင်းဟာ ဇန်နဝါရီ ၁၀ ရက်က  ပေါက်ကွဲပြီး စုစုပေါင်း တွင်းလုပ်သား ၂၂ ယောက် ပိတ်မိခဲ့ပါတယ်။  ပိတ်မိနေသူတွေထဲက တစ်ယောက် သေဆုံးပြီး  ၁၁ ယောက်ကတော့ အသက်ရှင်နေသေးပါတယ်။ ကျန်လုပ်သား ၁၀ ယောက်ကတော့ ပျောက်ဆုံးနေဆဲ ဖြစ်ပါတယ်။ ကယ်ဆယ်ရေးသမားတွေဟာ တွင်းသစ်တွေတူးပြီး  ပိတ်မိလုပ်သားတွေထံ ဆေးဝါးနဲ့ အစားအစာတွေ ပို့ဆောင်ပေးနေပါတယ်။ 
1 month Ago

March 13, 2020

တရုတ်တွင် ကိုရိုနာဗိုင်းရပ်စ်တားဆီးရန် သွားလာနေသူများကို အချက်အလက်ကောက်မည်

အများပြည်သူဆိုင်ရာနေရာတွေမှာ သွားလာနေသူတွေကို  ခြေရာခံဖို့ တရုတ်အာဏာပိုင်တွေဟာ အချက်အလက်ကောက်ခံတာတွေ တိုးမြှင့်လုပ်ဆောင်နေပါတယ်။   ဒါဟာ ကိုရိုနာဗိုင်းရပ်စ် ထိန်းချုပ်ဖို့ ကြိုးပမ်းတာဖြစ်ပေမယ့် တကိုယ်ရည် လွတ်လပ်ခွင့်အပေါ် စိုးရိမ်တာတွေမြင့်တက်နေပါတယ်။  လူဦးရေ ၃၅၈ သန်းကျော်ရှိရာ  ပြည်နယ် ၁၅ ခုနဲ့ မြို့တွေမှာ  အဲဒီအချက်အ လက်ကောက်ခံရေးအစီအစဉ်ကို ဒီလထဲမှာ လုပ်မယ်ဆိုပြီး ကြေညာထားပါတယ်။ အဲဒီအတွက် မျက်နှာဖတ်တာမျိုး၊ ဖုန်းအချက်အလက်ခြေရာခံတာမျိုး စတဲ့  စောင့်ကြည့်ရေးကိရိယာတွေကို အသုံးပြုနေကြပါပြီ။  အခုဆိုရင် အများပြည်သူဆိုင်ရာနေရာတွေဆီ လာရောက်သူတွေကို မိုဘိုင်းဖုန်းအသုံးပြုပြီး  QR codes တွေ စကင်ဖတ်ခိုင်းတာမျိုး၊ သူတို့ရဲ့ ခရီးသွားရာဇဝင်တွေ၊ ကိုယ်အပူချိန်တွေကို ဖောင်ဖြည့်ရတာမျိုးတွေ လုပ်ဆောင်ခိုင်းနေပါတယ်။  တချို့ဒေသတွေမှာ အလီဘာဘာဂရုပ်တီထွင်ထားတဲ့ အလီပေးနဲ့ တန်းစန့်ဟိုးဒင်း ဖန်တီးတဲ့ We Chat အပလီကေးရှင်းတွေကို သုံးဖို့ ဒေသခံတွေကို ညွှန်ကြားထားပါတယ်။  ဒါပေမဲ့ ထပ်တိုးအစီအစဉ်တွေဟာ တကိုယ်ရည်လွတ်လပ်ခွင့်အပေါ်အငြင်းအခုံ များစေ တယ်လို့ ရိုက်တာသတင်းက ဆိုပါတယ်။ 
12 months Ago
Up