တရုတ်အမျိုးသားကော်မတီ

May 22, 2020

တရုတ်အမျိုးသားကော်မတီ နှစ်ပတ်လည်အစည်းအဝေးများ ကျင်းပ

၁၃ ကြိမ်မြောက် တရုတ်ပြည်သူ့  နိုင်ငံရေးအတိုင်ပင်ခံကွန်ဖရင့် (CPPCC) ရဲ့   အမျိုးသားကော်မတီ နှစ်ပတ်လည်အစည်းဝေးတွေကို မြို့တော်ပေကျင်း ပြည်သူ့ခန်းမဆောင်မှာ  မေ ၂၁ ရက်က  စတင်ခဲ့ပါတယ်။ ကွန်ဖရင့်ကို တရုတ်သမ္မတ ရှီကျင့်ဖျင်နဲ့ တရုတ်ခေါင်းဆောင်တွေ တက်ရောက်ပြီး တက် ရောက်လာသူ အားလုံးက   COVID-19  ရောဂါကို တိုက်ဖျက်ရင်း သေဆုံးခဲ့တဲ့ အာဇာနည်တွေနဲ့ ကပ်ရောဂါအတွင်း သေဆုံးခဲ့တဲ့ နိုင်ငံသားတွေကို  ခေတ္တ ငြိမ်သက်  ဂုဏ်ပြုခဲ့ပါတယ်။  အဲဒီနောက် ကွန်ဖရင့်အစည်းဝေးမှာ တရုတ်နိုင်ငံအနေနဲ့ ပြည်သူ့ကျန်းမာရေးစနစ် ပိုမိုကောင်းမွန်အောင် ဆေးဘက်ပညာရေးနဲ့ သုတေသနလုပ်ငန်း အားကောင်းအောင်  ကြိုးပမ်းသင့်တယ်လို့ ဗွီဒီယိုလင့်ခ်ကတဆင့် ကော်မတီ အဖွဲ့ဝင် ပုဂ္ဂိုလ် ဝမ်ချန်က ပြောဆိုခဲ့ပါတယ်။   ဝမ်ချန်ဟာ  တရုတ်အင်ဂျင်နီယာကျောင်း ဒုဥက္ကဋ္ဌနဲ့  တရုတ်ဆေးသိပ္ပံ ဥက္ကဋ္ဌ ဖြစ်ပြီး  တရုတ်ပြည်သူ့ကျန်းမာရေးစနစ်  တိုးတက်ကောင်းမွန်အောင် ကြိုးပမ်းနည်းကို  ရှုထောင့် ၃- ခုကနေ  အကြံပြုခဲ့တယ်လို့ ရိုက်တာသတင်းမှာ ဖော်ပြထားပါတယ်။ 
11 months Ago
Up