တရားရုံးထုတ်

May 30, 2019

ဒေါင်းတို့မျိုးဆက် သံချပ်​အဖွဲ့ကို တရားရုံးထုတ်​စဉ်​ ရုန်းရင်းဆန်​ခတ်​ ဖြစ်​ပွား

တပ်မတော်က တရားစွဲထားတဲ့ ဒေါင်းတို့မျိုးဆက် သံချပ်အဖွဲ့ဝင် ၅ ဦးကို ရန်ကုန်  မရမ်းကုန်းမြို့နယ် တရားရုံးမှာ မေလ ၂၉ ရက်ညနေက ၅ ကြိမ်မြောက် ရုံးထုတ်စစ်ဆေးစဉ် ရုန်းရင်းဆန်ခတ် ဖြစ်ပွားခဲ့ပါတယ်။ ဒေါင်းတို့မျိုးဆက် သံချပ်အဖွဲ့ကို စစ်ဆေးဖို့ အင်းစိန်ထောင်ကနေ တရားရုံးကို ခေါ်ဆောင်လာပြီး စစ်ဆေးမှု မပြုလုပ်ခင် သူတို့ရှေ့နေတွေနဲ့ တွေ့ခွင့်တောင်းရာမှာ တွေ့ခွင့်မရတဲ့ အတွက် ရုန်းရင်းဆန်ခတ် ဖြစ်ပွားခဲ့တာပါ။ ရဲစည်းကမ်းနဲ့ မညီညွတ်တဲ့ လုပ်ကိုင်ဆောင်ရွက်မှုတွေကြောင့် အခုလို ပြဿနာတက်တာလို့ တရားစွဲခံထားရသူ ဒေါင်းတို့မျိုးဆက် သံချပ်အဖွဲ့ဝင်တဦးဖြစ်တဲ့ ကိုဇေယျာလွင်က ပြောပါတယ်။ အခုလို ဒေါင်းတို့မျိုးဆက် သံချပ်အဖွဲ့ကို လုံခြုံရေး တင်းတင်းကျပ်ကျပ်နဲ့ တရားရုံးထုတ်တဲ့ ပုံစံဟာ ဆိုးရွားတဲ့ပုံစံ ဖြစ်နေတယ်လို့ ဒေါင်းတို့မျိုးဆက် သံချပ်အဖွဲ့ကို ကူညီဆောင်ရွက်ပေးနေတဲ့ ရှေ့နေ ဒေါ်စန်းစန်းမြင့်က ပြောပါတယ်။ ဒါကြောင့် လုံခြုံရေးတင်းကျပ်မှုနဲ့ ပတ်သက်ပြီး ပြဿနာမဖြစ်ရလေအောင် ပြီးခဲ့တဲ့ ၂ ရက်လောက်က ရန်ကုန်တိုင်းဝန်ကြီးချုပ် အပါအဝင် ရန်ကုန်တိုင်းရဲမှူး၊ အနောက်ပိုင်းခရိုင်ရဲမှူး၊ မရမ်းကုန်းမြို့နယ် ရဲတပ်ဖွဲ့နဲ့ တရားသူကြီးဆီကို စာတင်ထားပေမယ့် အခုချိန်ထိ လုံခြုံရေးပိုင်းက တင်းကျပ်နေဆဲလို့လည်း ရှေ့နေက ပြောပါတယ်။ ဒေါင်းတို့မျိုးဆက် သံချပ်အဖွဲ့ဝင် ကျောင်းသားလူငယ် ၅ ဦးကို ပြီးခဲ့တဲ့ သင်္ကြန်ကာလက သံချပ်သီဆို ဖျော်ဖြေရာမှာ တပ်မတော်ရဲ့ ဂုဏ်သိက္ခာကို ထိခိုက်စေတဲ့ အသုံးအနှုန်းတွေ ပါဝင်တယ်ဆိုပြီး ရာဇသတ်ကြီး ဥပဒေပုဒ်မ ၅၀၅(က) နဲ့ ရန်ကုန်တိုင်းစစ်ဌာနချုပ်က ဒုဗိုလ်မှူးကြီး သန်းထွန်းမြင့်က တရားလိုလုပ်ပြီး တရားစွဲဆိုထားတာ ဖြစ်ပါတယ်။ သတင်း - နေလင်းအောင်
2 years Ago

May 10, 2019

ဗိုလ်ကြီးဟောင်း နေမျိုးဇင်ကို တတိယအကြိမ် ရုံးထုတ်

တပ်မတော် အကြည်ညိုပျက်စေမှုနဲ့ တရားစွဲခံထားရတဲ့ ဗိုလ်ကြီးဟောင်း နေမျိုးဇင်ကို  ဒီနေ့ နေ့လယ်က တတိယအကြိမ် ရုံးထုတ်ခဲ့ပါတယ်။ ဗိုလ်ကြီးဟောင်း နေမျိုးဇင်ကို ပြီးခဲ့တဲ့ ဧပြီ ၃ ရက်နေ့က တပ်မတော် အကြည်ညိုပျက်စေမှုနဲ့ တိုက်ကြီးမြို့နယ် တရားရုံးမှာ ပုဒ်မ ၅၀၅(က)/(ခ) နဲ့ တပ်မတော်က တရားစွဲခံထားတာပါ။ ပြီးခဲ့တဲ့ ဧပြီ ၁ ရက်က အဖျောက်မြို့မှာ ကျင်းပတဲ့ ၂၀၀၈ ဖွဲ့စည်းပုံပြင်ဆင်ရေး လူထုထောက်ခံပွဲမှာ စာရေးဆရာထင်လင်းဦး၊ ဗိုလ်ကြီးဟောင်း နေမျိုးဇင်နဲ့ ကိုနေရဲ (ခ) ကိုနန္နအောင်တို့က ပြည်သူတွေကို ဟောပြောခဲ့ပါတယ်။ ဗိုလ်ကြီးဟောင်းနေမျိုးဇင်က တပ်မတော်နဲ့ ပတ်သက်တဲ့ အကြောင်းအရာတွေ ဟောပြောခဲ့တာကြောင့် တိုက်ကြီးမြို့ အမှတ် (၁) တပ်မတော် တန်းမြင့်လေ့ကျင့်ရေးကျောင်းမှ ဒုဗိုလ်မှူးကြီးတိုးလွင်က တရားလိုလုပ်ပြီး ရာဇသတ်ကြီး ဥပဒေပုဒ်မ- ၅၀၅(က)/(ခ) နဲ့ အမှုဖွင့် တရားစွဲခဲ့ပါတယ်။ ဒီနေ့ရုံးထုတ်ကို ရန်ကုန်၊ သန်လျင်မြို့နဲ့ တိုက်ကြီး၊ အဖျောက်မြို့နေ ပြည်သူတွေက ကိုနေမျိုးဇင် လွတ်မြောက်ပါစေ စာတန်းပါ တူညီအင်္ကျီတွေ ဝတ်ဆင်ကာ ဝန်းရံခဲ့ပြီး ရွှေညဝါဆရာတော်လည်း လာရောက်ခဲ့ပါတယ်။ တရားလွှတ်တော်ရှေ့နေ ဦးရောဘတ်စန်းအောင်က အခုလို တရားစွဲဆိုတာဟာ ဥပဒေအရ လျော်ညီမှုမရှိဘူးလို့ တရားရုံးက ပြန်အထွက်မှာ ပြောခဲ့ပါတယ်။ သတင်း၊ ဓာတ်ပုံ - မေသွယ်
2 years Ago
Up