တရားဥပဒေစိုးမိုးရေး

November 2, 2018

ငြိမ်းချမ်းရေးနှင့် တရားဥပဒေစိုးမိုးရေး စကားဝိုင်း မန္တလေးတွင်ကျင်းပ

မန္တလေးမြို့၊ ချမ်းအေးသာစံမြို့နယ်၊ မန္တလေး ဘူတာကြီးအပေါ်ထပ် Marvel ဟုမှာ အောက်တိုဘာ ၃၁ ရက်နေ့က  ငြိမ်းချမ်းရေးနဲ့ တရားဥပဒေစိုးမိုးရေး ခေါင်းစဉ်နဲ့ စကားဝိုင်းပြုလုပ်ခဲ့ပါတယ်။ ဆွေးနွေးပွဲမှာ တရားလွှတ်တော်ရှေ့နေ ဦးသိန်းသန်းဦး၊ ရှမ်းတိုင်းရင်းသားများဒီမိုကရေစီ အဖွဲ့ချုပ် (SNLD) ပါတီ ဗဟိုကော်မတီဝင် ဒေါ်နန်းထွေးခင်မှူံ၊ စာရေးဆရာ ညီပုလေးနဲ့ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (USDP) ပြောရေးဆိုခွင့်ရှိသူ ဦးသိန်းထွန်းဦး တို့က ဦးဆောင်ဆွေးနွေးခဲ့ကြပါတယ်​။ ပွဲစီစဉ်​တဲ့ ဦးမိုးမင်းအောင်က “အဓိက ဒီပွဲလုပ်ရတာက ငြိမ်းချမ်းရေး တရားဥပဒေစိုးမိုးရေး ကဏ္ဍတွေမှာ လူထုကိုယ်တိုင်ပူးပေါင်းပါဝင်မှု မြင့်တက်စေဖို့ နောက်ပြီးတော့ ဒေသတွင်းမှာ ဖြစ်လာတဲ့ ပဋိပက္ခတွေကို လူထုကိုယ်တိုင်သိရှိ ဖြေရှင်းနိုင်အောင် ရည်ရွယ်ပြီးကျင်းပတာ” လို့ ပြောပါတယ်။ ဆွေးနွေးပွဲမှာ ငြိမ်းချမ်းရေးနဲ့ တရားဥပဒေ ဆက်စပ်မှု၊ လက်ရှိ အစိုးရရဲ့ ငြိမ်းချမ်းရေးဆောင်ရွက်မှုနဲ့ တရားဥပဒေစိုးမိုးရေး ဆောင်ရွက်မှုတွေနဲ့ ပတ်သက်ပြီး ဆွေးနွေးခဲ့ကြ ပါတယ်​။ တရားဥ​ပဒေစိုးမိုး​ရေးနဲ့ ငြိမ်းချမ်း​ရေးဟာ အဓိကအကျဆုံးဖြစ်​သလို ဒီနှစ်​ချက်​စလုံးရရှိဖို့ အရေးတကြီးလိုအပ်​နေတယ်လို့  တက်​​ရောက်​လာသူ​တွေက ​ ဆွေးနွေးပြောဆိုခဲ့ကြပါတယ်​။ အောင်အောင်နိုင်
3 years Ago

March 20, 2018

တရားဥပဒေစိုးမိုးရေး အရှိန်အဟုန်မြှင့် လုပ်ဆောင်ရန် စစ်ကိုင်းတိုင်းလွှတ်တော် အတည်ပြု

စစ်ကိုင်းတိုင်းအတွင်း လုံခြုံရေးစီမံချက် ရေးဆွဲပြီး တရားဥပဒေစိုးမိုးရေးလုပ်ငန်းတွေ အရှိန်အဟုန်မြှင့် လုပ်ဆောင်ဖို့ တိုင်းအစိုးရကို တိုက်တွန်းတဲ့အဆို စစ်ကိုင်းတိုင်းလွှတ်တော်က မနေ့က မဲခွဲဆုံးဖြတ် အတည်ပြုခဲ့တာပါ။ ဒီအဆိုကို ရွှေဘိုမဲဆန္ဒနယ်အမှတ် ၁ မှ ဦးမိုးကျော်သူက သက်ဆိုင်ရာဌာန အဖွဲ့အစည်းတွေ၊ အရပ်ဘက်၊ ပြည်သူ ပူးပေါင်းကာ လုံခြုံရေး၊ တရားဥပဒေစိုးမိုးရေး လုပ်ငန်းတွေကို အရှိန်အဟုန်မြှင့် လုပ်ဆောင်နိုင်ဖို့ တိုင်းအစိုးရကို တိုက်တွန်းကြောင်း လွှတ်တော်မှာ တင်သွင်းခဲ့တာပါ။ အဆိုကို ဆွေးနွေးသူ ၁၉ ဦးက သူတို့ပတ်ဝန်းကျင်မှာ ကြုံတွေ့နေရတဲ့ တရားဥပဒေစိုးမိုးရေး ကိစ္စရပ်တွေကို ဥပမာထား တင်ပြဆွေးနွေးခဲ့ကြပြီး ကန့်ကွက်သူနဲ့ အကြံပြုဆွေးနွေးသူတွေလည်း ရှိခဲ့ပါတယ်။ အဆိုနဲ့ပတ်သက်ပြီး တပ်မတော်သား လွှတ်တော်ကိုယ်စားလှယ်တဦး အပါအဝင် ကိုယ်စားလှယ် ၁၉ ဦးက ဆွေးနွေးခဲ့တာပါ။ လွှတ်ေတာ်ကိုယ်စားလှယ် ၁၉ ဦးအထိ ဆွေးနွေးတာက စစ်ကိုင်းတိုင်းဒေသကြီး လွှတ်တော်သက်တမ်းမှာ ကိုယ်စားလှယ်အများဆုံး ဆွေးနွေးတဲ့ အဆိုတခုလည်း ဖြစ်ပါတယ်။ အဆိုမှာ ပါဝင်တဲ့ စကားလုံးအသုံးအနှုန်းအချို့ ပြောင်းလဲပြီး ဝင်ရောက်စွက်ဖက်တာမျိုး မဖြစ်အောင် လွှတ်တော်ကိုယ်စားလှယ်တွေက ထိန်းညှိ လုပ်ဆောင်နိုင်ဖို့တော့ လိုတယ်လို့လည်း သက်ဆိုင်ရာဝန်ကြီးဖြစ်တဲ့ လုံ/နယ်ဝန်ကြီး ဗိုလ်မှူးကြီးကျော်သန်းနိုင်က လွှတ်တော်မှာ တင်ပြဆွေးနွေးခဲ့ပါတယ်။ ဒီအဆိုနဲ့ပတ်သက်ပြီး လွှတ်တော်ရဲ့ လုပ်ထုံးလုပ်နည်းနဲ့အညီ လျှို့ဝှက်ဆန္ဒမဲပေးရာမှာ မဲပေးသူစုစုပေါင်း ၈၆ ဦးရှိတဲ့အထဲက ထောက်ခံသူ ၆၁ ဦး၊ ကန့်ကွက်သူ ၁၇ ဦး၊ ကြားနေ ၇ ဦးနှင့် ပယ်မဲ ၁ ဦးတို့ရှိခဲ့ပြီး ထောက်ခံသူများတဲ့အတွက် အဆိုကို လွှတ်ေတာ်က အတည်ပြုခဲ့ပါတယ်။ ဒုတိယအကြိမ် စစ်ကိုင်းတိုင်းဒေသကြီးလွှတ်တော် ၁၃ ကြိမ်မြောက် ပုံမှန်အစည်းအဝေးကို လည်း ၁၁ ရက်ကြာအထိ ကျင်းပခဲ့ပြီး ရပ်နားခဲ့ကာ ၁၄ ကြိမ်မြောက် ပုံမှန်အစည်းအဝေးကိုတော့ ဧပြီလ နောက်ဆုံးပတ်လောက်မှာ ကျင်းပမယ်လို့ လွှတ်တော်ဥက္ကဋ္ဌက ကြေညာခဲ့ပါတယ်။
3 years Ago
Up