တရားမ၀င်ငွေကြေးဝန်ဆောင်မှုကုမ္ပဏီများနှင့် မဆက်သွယ်ကြရန် သတိပေး

October 11, 2017

တရားမ၀င်ငွေကြေးဝန်ဆောင်မှုကုမ္ပဏီများနှင့် မဆက်သွယ်ကြရန် သတိပေး

  တရားမ၀င်ငွေကြေးဝန်ဆောင်မှု ကုမ္ပဏီတွေနဲ့ အစုရှယ်ယာရောင်းချခွင့်မရှိတဲ့ ကုမ္ပဏီတွေကို ဆက်သွယ်ဆောင်ရွက်ခြင်းမပြုကြဖို့ စီမံကိန်းနှင့် ဘဏ္ဍာဝန်ကြီးဌာနနဲ့ နိုင်ငံတော်ဗဟိုဘဏ်တို့က ပြည်သူလူထုတွေကို ပန်ကြားနှိုးဆော်လိုက်ပါတယ်။ ဒါ့အပြင် အတိုးနှုန်းမြင့်မားစွာပေးနေမှုတွေ၊ အစုရှယ်ယာအပေါ် အမြတ်ဝေစုများစွာ ခွဲဝေပေးမှုတွေ၊ (Multi-Level Marketing) ဆင့်ပွားဈေးကွက်ပုံစံ မက်လုံးပေးမှုတွေကိုလည်း အထူးသတိပြုရှောင်ရှားကြဖို့လည်း ထုတ်ပြန်ထားပါတယ်။ ခုအခါ ငွေကြေးဝန်ဆောင်မှုလုပ်ငန်းတွေကို လုပ်ငန်းလုပ်ခွင့်မရှိဘဲ လုပ်ကိုင်နေသူတွေ ကြောင့် အချို့နေရာဒေသတွေမှာ မသိနားမလည်တဲ့ ပြည်သူတွေ မှားယွင်းရင်းနှီးမြှုပ်နှံမိရာက ငွေကြေးဆုံးရှုံးမှုတွေဖြစ်ပေါ်နေတယ်လို့လည်းဆိုပါတယ်။ မြန်မာပြည်တွင်း ငွေကြေးဝန်ဆောင်မှုလုပ်ငန်းတွေ လုပ်ကိုင်ဆောင်ရွက်ရာမှာ တည်ဆဲဥပဒေတွေနဲ့ အညီ လုပ်ကိုင်ဆောင်ရွက်ကြဖို့လည်းတိုက်တွန်းထားပါတယ်။
4 years Ago
Up