တရားမဝင် ဘင်္ဂါလီ

A d v e r t i s e m e n t With Us

February 15, 2020

မကွေးတိုင်း မြို့နယ် ၃ ခုတွင် တရားမဝင် ဘင်္ဂါလီ ၂၀ ကျော် ဖမ်းမိ

မကွေးတိုင်း မင်းလှ၊ မင်းတုန်းနဲ့ ငဖဲမြို့နယ်တွေမှာ ရခိုင်ပြည်နယ်ဘက်ကနေ တရားမဝင် ဝင်ရောက်လာတဲ့ ဘင်္ဂါလီ ၂၂ ဦးကို ဖေဖော်ဝါရီ ၁၄ ရက်က ဖမ်းဆီးရမိခဲ့တယ်လို့ မင်းလှမြို့နယ် ရေနံမနယ်မြေစခန်းမှူး ရဲအုပ်အောင်မင်းဦးက ပြောပါတယ်။ မင်းလှမြို့နယ် လက်ပံတံခါးရွာ မြေနီလမ်းဘေးအရှေ့ဘက်မှာ ဘင်္ဂါလီ ၁၉ ဦး၊ မင်းတုန်းမြို့နယ်ထဲမှာ ဘင်္ဂါလီ ၂ ဦး၊ မင်းဘူး-အမ်းကားလမ်း ငဖဲမြို့နယ် မန်‌အောင်ကျေးရွာအုပ်စု၊ မရိုးကန်‌‌ရွာနားမှာ ဘင်္ဂါလီ ၁ ဦးတို့ကို ဖမ်းဆီးရခဲ့မိတာပါ။ မကွေးတိုင်းဟာ ရခိုင်ပြည်နယ်နဲ့ ဆက်စပ်နေတဲ့အတွက် ဘင်္ဂါလီတွေကို ပွဲစားတွေက ရန်ကုန် ဒါမှမဟုတ် ရန်ကုန်ကတဆင့် မလေးရှားကို ပို့ဖို့ ခေါ်လာချိန် ဖမ်းမိတာလို့ ရဲအုပ်က ပြောပါတယ်။ ရခိုင်ပြည်နယ်က တရားမဝင် ဝင်လာတဲ့ ဘင်္ဂါလီတွေကို ၁၉၄၉ ခုနှစ် မြန်မာနိုင်ငံအတွင်း နေထိုင်သူများ မှတ်ပုံတင်ရေးအက်ဥပဒေနဲ့ မင်းလှမြို့မရဲစခန်းက အမှုဖွင့် အရေးယူထားပါတယ်။ တင်ရွှေ(မင်းဘူး)၊ ဓာတ်ပုံ-ရေနံမနယ်မြေရဲစခန်း
1 year Ago

December 17, 2019

ကော့သောင်းအနီး ပင်လယ်ပြင်တွင် စက်လှေတစီးပေါ်က တရားမဝင် ဘင်္ဂါလီ ၁၇၀ ကျော် ဖမ်းမိ

တနင်္သာရီတိုင်းဒေသကြီး၊ ကော့သောင်းမြို့အနီး  မြန်မာ့ပင်လယ်ပြင်မှာ တရားမဝင် ခိုးဝင်လာတဲ့ ဘင်္ဂါလီ ၁၇၀ ကျော် ဖမ်းဆီးရမိတယ်လို့ တပ်မတော်ကာကွယ်ရေး ဦးစီးချုပ်ရုံးက သတင်းထုတ်ပြန်ပါတယ်။ မြန်မာ့ပင်လယ်ပြင်အတွင်း လုံခြုံရေး ဆောင်ရွက်နေတဲ့ တပ်ဖွဲ့ဝင်တွေက ဒီဇင်ဘာ ၁၅ ရက်မနက်က သံကျွန်းရဲ့ အနောက်ဘက် ရေမိုင် ၁၃၅ မိုင်ခန့်အကွာမှာ မသင်္ကာဖွယ် လှေတစင်း တွေ့ရှိလို့  သွားရောက်စစ်ဆေးရာ အလျား ၆၅ ပေ၊ အနံ ၁၁ ပေ၊ ရေစူး ၈ ပေခန့် ကျော်ခိုင်တိုး အမည်ရှိ လှေပေါ်မှာ တရားမဝင် လိုက်ပါလာသူတွေကို တွေ့ရှိခဲ့တာပါ။  စက်လှေပေါ်မှာ ပဲ့နင်း ဖြစ်သူ ဦးမျိုးဇော်အပါအဝင် အဖွဲ့ဝင် ခုနစ်ဦးနဲ့အတူ  တရားမဝင် ခိုးဝင်လာတဲ့ ဘင်္ဂါလီ အမျိုးသား ၈၂ ဦး၊ အမျိုးသမီး ၆၉ ဦး၊ ကလေး ၂၂ ဦး စုစုပေါင်း ၁၇၃ ဦးတို့နဲ့အတူ ဖမ်းဆီးရမိခဲ့ပြီး ကော့သောင်းမြို့နယ်ရှိ သက်ဆိုင်ရာကို အပ်နှံကာ လုပ်ထုံးလုပ်နဲ့အညီ ဆောင်ရွက်သွားမယ်လို့ တပ်မတော် သတင်းမှာ ဖော်ပြပါတယ်။ ဓာတ်ပုံ- CINCDS
1 year Ago
Up