တရားဆွဲဆိုခံရသည့် စစ်ကိုင်းအလုပ်သမား ၅၁ ဦးကို အကျဉ်းထောင်ပို့

May 19, 2016

တရားစွဲဆိုခံရသည့် စစ်ကိုင်းအလုပ်သမား ၅၁ ဦးကို အကျဉ်းထောင်ပို့

စစ်ကိုင်းအလုပ်သမားသပိတ်က ဖမ်းဆီးထိန်းသိမ်းခံရတဲ့ အလုပ်သမား ၅၁ ဦးကို တရားရုံးမှာ ရမန်ယူပြီး ရမည်းသင်းအကျဉ်းထောင်ကို ပို့လိုက်ပြီဖြစ်ပါတယ်။ ဒါနဲ့ပတ်သတ်ပြီး နေပြည်တော်တိုင်းရဲတပ်ဖွဲ့မှူး ရဲမှူးကြီး ကိုကိုအောင်က “မနေ့က ပြန်ချင်တဲ့သူ အယာက် ၂၀ ပြန်လွတ်ပေးလိုက်တယ်။ ကျန်တဲ့ ၅၁ ယောက်ကိုတော့ တရားစွဲထားတယ်။ တပ်ကုန်းမြို့နယ်တရားရုံးမှာ ရမန်ယူပြီးတော့ ရမည်းသင်း အကျဉ်းထောင်ကို ပို့လိုက်တာပါ”လို့ မေးမြန်းမှုကို ဖြေကြားခဲ့ပါတယ်။ အဲ့ဒီအလုပ်သမားတွေကို ပုဒ်မ ၄ ခုနဲ့ တပ်ကုန်းမြို့နယ် ရဲတပ်ဖွဲ့မှူး ကျော်လွင်ဦးက တရားလိုပြုလုပ်ပြီး အမှုဖွင့်ထားတာပါ။ ဆွဲဆိုခံထားရတဲ့ ပုဒ်မတွေကတော့ ပုဒ်မ ၁၄၃ (ဥပဒေနဲ့ ဆန့်ကျင်သော အစုအဝေးမှာပါဝင်မှု)၊ ပုဒ်မ ၁၄၅ (လူစုခွဲရန် အသိပေးနေတာကိုသိလျက်နဲ့ ဥပဒေကိုဆန့်ကျင်တဲ့ အစုအဝေးမှာပါဝင်မှု)၊ ပုဒ်မ ၁၄၇ (ရုန်းရင်းဆန်ခတ်မှု)၊ ၅၀၅ (ခ) (အများပြည်သူ အကျိုးစီးပွားပျက်စေမှု) စတာတွေပဲ ဖြစ်ပါတယ်။ စစ်ကိုင်းအလုပ်သမားသပိတ်မှာ ပါဝင်ခဲ့တဲ့ လူဦးရေ ၇၁ ယောက်ကို မေ ၁၈ ရက်နေ့ နေ့လယ်ပိုင်းက ဖမ်းဆီးထိန်းသိမ်းခဲ့တာပါ။  
6 years Ago
Up