တရားစွဲမည်

September 13, 2020

သင်္ဃန်းကျွန်းမြို့နယ်က Music Zone ပိုင်ရှင်ကို တရားစွဲမည်

သင်္ဃန်းကျွန်းမြို့နယ်က Music Zone ပိုင်ရှင်ကို မြို့နယ်ကိုဗစ်ကော်မတီ ဆုံးဖြတ်ချက်နဲ့ ရပ်ကွက်အုပ်ချုပ်ရေးမှူးက တရားလိုလုပ်ပြီး တရားစွဲဆိုသွားမယ်လို့ သင်္ဃန်ကျွန်းမြို့နယ် မဲဆန္ဒနယ်မြေရဲ့ ရန်ကုန်တိုင်းလွှတ်တော်ကိုယ်စားလှယ် ဦးမောင်မောင်ဦးက ပြောပါတယ်။  တရားစွဲဆိုရေးလုပ်ငန်းစဉ်တွေကို မြို့နယ်ရဲတပ်ဖွဲ့မှူးက ဆောင်ရွက်နေတာဖြစ်ပြီး တရားစွဲဆိုရေးလုပ်ငန်း စတင်နေပြီဖြစ်တယ်လို့ ဆိုပါတယ်။  လက်ရှိမှာ Music Zone ပိုင်ရှင်ဟာ ဘယ်သူလဲဆိုတာ မသိသေးပေမယ့် မြေဂရန်ပိုင်ရှင်ကို သိရှိထားတယ်လို့ ပြောပါတယ်။  Music Zone ပိုင်ရှင်ကို တရားစွဲဆိုတာနဲ့ပတ်သက်လို့ ရန်ကုန်တိုင်းအစိုးရရဲ့ ညွှန်ကြားချက်ကြောင့်မဟုတ်ဘဲ မြို့နယ်ကိုဗစ်ကော်မတီရဲ့ ဆုံးဖြတ်ချက်နဲ့ လုပ်တာဖြစ်ပြီး ဘယ်လိုပုဒ်မနဲ့ တရားစွဲဆိုမလဲ ဆိုတာကတော့ ဥပဒေအကြံပေးအရာရှိရဲ့ သဘောထားမှတ်ချက်အပေါ်မှာ မူတည်သွားမယ်လို့ ဦးမောင်မောင်ဦးက ပြောပါတယ်။  Music Zone ထဲမှာရှိတဲ့ လူ ၁၁၉ ဦးထဲကနေ ကိုဗစ်အတည်ပြုလူနာ ၉၂ ဦး တွေ့ရှိခဲ့ပြီး Quarantine စင်တာ ပို့ထားသူ ၂၇ ဦး ရှိပါတယ်။  သင်္ဃန်းကျွန်းမြို့နယ် စက်တင်ဘာလ ၁၂ ရက်နေ့ ထုတ်ပြန်ချက်တွေအထိ ကိုဗစ်-၁၉ ရောဂါကူးစက်ခံရသူ ၂၂၀ ကျော်ရှိတဲ့အထဲမှာ Musice Zone ကနေ လူ ၉၀ ကျော် ပါဝင်နေတာပါ။
8 months Ago

June 13, 2020

တာဝန်ရှိသူများကို အကြောင်းမကြားဘဲ အိန္ဒိယမှ တမူးမြို့ ပြန်လာသူ ၆ ဦးအား တရားစွဲမည်

သက်ဆိုင်ရာတာဝန်ရှိသူတွေကို အကြောင်းမကြားဘဲ အိန္ဒိယကနေ မြန်မာနိုင်ငံ တမူးနယ်စပ်ကို ပြန်ဝင်လာသူ ၆ ဦးကို ဖမ်းဆီးထိန်းသိမ်းထားပြီး တရားစွဲအရေးယူဖို့ စီစဉ်နေတယ်လို့ တမူးမြို့ အထွေထွေအုပ်ချုပ်ရေးမှူး ဦးမျိုးမင်းအောင်က DVB ကို ပြောပါတယ်။ အိန္ဒိယကနေ ခိုးဝင်လာသူတွေဟာ ချင်းပြည်နယ်က ဖြစ်ပြီး လက်ရှိမှာတော့ ဆေးရုံမှာထားရှိပြီး ကျန်းမာရေး ဓာတ်ခွဲအဖြေ ရရှိလာတဲ့ မူတည်ပြီး အရေးယူသွားမယ်လို့ ဆိုပါတယ်။ ချင်း​ပြည်နယ်ကို ပြန်မယ့် အဲဒီ ၆ ဦးကို တမူးမြို့ချောင်း နက်ကြီးရဲကင်းအနီးက တမူးစေတီ သွားကားလမ်းပေါ်မှာ ရဲကင်းမှူး ဒုရဲအုပ်နိုင်မင်းထွန်းအဖွဲ့၊ အုပ်ချုပ်ရေးတာဝန်ရှိသူတွေနဲ့ ကျန်းမာရေးဌာနက ဇွန်လ ၁၂ ရက်နေ့ မနက် ၁၀ နာရီလောက်မှ တွေ့ရှိခဲ့တာပဲ ဖြစ်ပါတယ်။ ဒါနဲ့ပတ်သက်ပြီး လက်ရှိမှာ တရားဝင် လာနိုင်ဖို့ နှစ်ဖက်အစိုးရက လုပ်ဆောင်နေကြတယ်လို့ သိရတယ်။  ဒီတောအတွင်း တရားမဝင် ဝင်လာရင်တော့ အရေးယူခံရမယ်လို့ တမူးဒေသခံ ကိုဗစ်အရေးကူညီသူ ကိုအောင်သူချမ်းက ပြောပါတယ်။ ဇွန်လ ၁၂ ရက်နေ့က အ​​ထောက်အထားမဲ့ နယ်စပ်ဖြတ်ပြန်လာသူတွေဟာ အိန္ဒိယနိုင်ငံ နာဂလန်းပြည်နယ်ရှိ Phek Pfutsero မြို့ရှိ Baptist Theological College မှာ ပညာသင်ကြားနေတဲ့ လူငယ်တွေ ဖြစ်တယ်လို့ သိရပါတယ်။ မေလဆန်းကစပြီး အိန္ဒိယနိုင်ငံကနေ ကယ်ဆယ်ရေးလေယာဉ်တွေနဲ့  ပြန်လာသူစုစုပေါင်း ၃၆၅ ယောက်ရှိပြီး အဲ့ဒီအထဲက ၄၅ ယောက် ရောဂါပိုး ကူးစက်ခံထားရတယ်လို့ ကျန်းမာရေးဝန်ကြီးဌာန ထုတ်ပြန်ချက်တွေအရ သိရပါတယ်။ မင်းရဲစစ်နိုင်
11 months Ago
More News
Up