တန့်ဆည်မြို့

October 9, 2021

တန့်ဆည်မြို့တွင် စစ်ကောင်စီ စစ်ကားတစ်စီးကို TPC က မိုင်းဆွဲတိုက်ခိုက်

စစ်ကိုင်းတိုင်း၊ တန့်ဆည်မြို့နယ်၊ နဘက်ကြီး မယ်တော်နန်းအနီးမှာ အောက်တိုဘာ ၈ ရက်နေ့ မနက်ပိုင်းက ကင်းလှည့်ပြန်လာတဲ့ စစ်သား ၂၀ ခန့်ပါတဲ့ စစ်ကားတစ်စီးကို တန့်ဆည်ပြည်သူ့ရဲဘော်အဖွဲ့ (TPC) က မိုင်းဆွဲတိုက်ခိုက်ခဲ့တယ်လို့ ထုတ်ပြန်ပါတယ်။

ဒေသခံတဦးက “နဘက်ကြီးစခန်းက စစ်သားတွေ ရွာတွေကို ကင်းလှည့်ပြီးအပြန်မှာ စီတုံးလုံးချောင်း နဘက်ကြီး မယ်တော်နန်း မူးဘောင်အကူးမှာ မိုင်းဆွဲခံရတယ်လို့ သိရတယ်။ သေနတ်ပစ်ခတ်သံတွေလည်း ကြားတယ်” လို့ ပြောပါတယ်။

မိုင်းဆွဲတိုက်ခိုက်ခံရတဲ့ စစ်ကားဟာ နဘက်ကြီးစခန်းကဖြစ်ပြီး ကျေးရွာတွေဘက်ကို ကင်းလှည့်ပြီး အပြန်လမ်းမှာ မိုင်းဆွဲတိုက်ခိုက်ခဲ့တာဖြစ်ကာ စစ်ကားပေါ်မှာ စစ်သား ၂၀ လောက် ပါလာတာကြောင့် ထိခိုက်ကျဆုံးမှု ရှိနိုင်တယ်လို တန့်ဆည်ပြည်သူ့ရဲဘော်အဖွဲ့က ကြေညာထားပါတယ်။

တန့်ဆည်မြို့နယ် ပြည်သူ့ရဲဘော်အဖွဲ့ (TPC) အနေနဲ့ ဩဂုတ် ၁၆ ရက်နေ့ကလည်း ဒေါင့်ကြီးရွာဘက်က ပြန်လာတဲ့ စစ်ကား(အိမ်စီးကား) နှစ်စီးကို မိုင်းဆွဲတိုက်ခိုက်မှု ပြုလုပ်ခဲ့တာ ဖြစ်ပါတယ်။

2 weeks Ago

October 8, 2021

တန့်ဆည်မြို့တွင် အောက်ဆီဂျင်နှင့်လျှပ်စစ်ပစ္စည်းဆိုင်ရှင် သေနတ်ဖြင့် ပစ်သတ်ခံရ

စစ်ကိုင်းတိုင်း၊ တန့်ဆည်မြို့မှာ အောက်တိုဘာ ၈ ရက် မနက် ၆ နာရီလောက်က ထူးတော်ဝင် အောက်ဆီဂျင်အိုးနဲ့ လျှပ်စစ်ပစ္စည်းရောင်းဝယ်ရေးဆိုင်ပိုင်ရှင်  ဦးကျော်ဝင်းကို  အမည်မသိ အရပ်ဝတ် လက်နက်ကိုင်တွေက လာရောက်ပစ်ခတ် သတ်ဖြတ်သွားပါတယ်။

“သူက ပရဟိတ သမားဗျ။ ကိုဗစ်တတိယလှိုင်းမှာ အောက်ဆီဂျင်အခက်အခဲကို သူက အကျိုးဆောင်ဖြေရှင်းပေးနေတာ။ တန့်ဆည်အောက်ဆီဂျင်ရရှိရေး သူအလုပ်လုပ်ပေးတာတွေ ရှိတယ်။ ဘယ်သူကဘာကြောင့် ပစ်သတ်သွားတယ်ဆိုတာတော့ မသိရသေးဘူး”လို့ မြို့ခံတစ်ဦးကပြောပါတယ်။

တန့်ဆည်မြို့မှာ စစ်ကောင်စီတပ်တွေ လုံခြုံရေးတင်းကျပ် စစ်ဆေးမှုတွေ များပြားတဲ့ကြားက ဦးကျော်ဝင်းကို သေနတ်သမားတွေက ပစ်ခတ်သတ်ဖြတ်သွားတာဖြစ်တယ်လို့ သိရပါတယ်။

လတ်တလော စစ်တပ်နဲ့ရဲတပ်ဖွဲ့တွေဟာ ထူးတော်ဝင် ဆိုင်ပတ်ပတ်လည်မှာ နေရာယူပြီး မြို့ဝင်စစ်ဆေးမှုတွေကိုလည်း အရင်ကထက် တင်းတင်းကျပ်ကျပ် ပြုလုပ်နေတယ်လို့ မြို့ခံတွေက ပြောပါတယ်။

2 weeks Ago
More News
Up