တတိယ ကမ္ဘာစစ်ရဲ့အရိပ် အငွေ့လေလား

April 17, 2017

တတိယ ကမ္ဘာစစ်ရဲ့အရိပ် အငွေ့လေလား

ခုရက်ပိုင်းအတွင်းမှာ အရှေ့အာရှဒေသတင်မကဘဲ ကမ္ဘာတဝန်းလုံး စိုးရိမ်ထိတ်လန့် ဖြစ်သွားကြတဲ့ ကိစ္စကတော့ မြောက်ကိုရီးယားနိုင်ငံရဲ့ နျူကလီးယာဗုံး စမ်းသပ်မှုကို ဒီအတိုင်း ကြည့်နေလို့ မဖြစ်တော့ဘူး၊ အရေးယူ ကိုင်တွယ်မှဖြစ်မယ်လို့ ဆုံးဖြတ်လိုက်တဲ့ အမေရိကန်သမ္မတ ဒေါ်နယ်လ်ထရမ့်ရဲ့ ဆုံးဖြတ်ချက်နဲ့ စတင်လှုပ်ရှား ဆောင်ရွက်လာတဲ့ စစ်ရေးလှုပ်ရှားမှုတွေ၊ အမေရိကန်နိုင်ငံရဲ့ အဲဒီလှုပ်ရှား ပြင်ဆင်မှုတွေအပေါ်ကို တုံ့ပြန်လာတဲ့ မြောက်ကိုရီးယားနိုင်ငံရဲ့ ပြင်းထန်တဲ့ တုံ့ပြန်မှုတွေကြောင့် ကမ္ဘာတဝန်းလုံး တတိယကမ္ဘာစစ်ကြီးများ စဖြစ်လာလေတော့မလားလို့ စိုးရိမ်သောက ဖြစ်ကြရတာာကို စာဖတ်သူတွေ သိရှိခဲ့ကြပြီး ဖြစ်ပါလိမ့်မယ်။ ဒီမတိုင်ခင် ပြီးခဲ့တဲ့ အပတ်ကတော့ ဒုံးကျည်နဲ့များ ကစားနေလေရော့သလား ဆိုပြီး မြောက်ကိုရီးယားရဲ့ ဒုံးကျည်စမ်းသပ်ပစ်ခတ်မှုတွေနဲ့ သက်ရောက်မှုတွေကို ကျနော် ဒီဗွီဘီရဲ့ အပတ်စဉ်ဆောင်းပါးအဖြစ် ရေးသားတင်ပြခဲ့ပြီး ဖြစ်ပါတယ်။ မြောက်ကိုရီးယားနိုင်ငံကလည်း ကုလသမဂ္ဂ အပါအ၀င် နိုင်ငံတကာက ကန့်ကွက်နေတဲ့ကြားကပဲ တာတိုပစ်၊ တာလတ်ပစ်နဲ့ တာဝေးပစ် ဒုံးကျည်တွေ၊ နျူကလီးယားထိပ်ဖူး သယ်ဆောင်နိုင်တဲ့ ဒုံးပျံတွေ၊ ယာဉ်တွေကို စမ်းသပ်လာခဲ့တာ ကြာပါပြီ။ အမြင့်ဆုံး ဟိုက်ဒရိုဂျင်ဗုံးအထိ စမ်းသပ်ခဲ့တာကို တွေ့ခဲ့ကြရပြီး ဖြစ်ပါတယ်။ ဒါတွေကတော့ အထူးပြောနေစရာမလိုတဲ့ မြောက်ကိုရီးယားနိုင်ငံရဲ့ အတင့်ရဲတဲ့၊ ငါ့နိုင်ငံမှာ ငါလုပ်ချင်တာ လုပ်မယ်၊ ဘယ်သူ့ ဂရုစိုက်ရမှာလဲဆိုတဲ့ ငါ အတွေးအခေါ်နဲ့ လုပ်ခဲ့တဲ့ လုပ်ရပ်တွေ ဖြစ်ပါတယ်။ ခုဖြစ်ရပ်ကတော့ မြောကိကိုရီးယားနိုင်ငံရဲ့ နိုင်ငံတည်ထောင်သူ ခေါင်းဆောင်ကြီး ကင်အီဆွန်းရဲ့ ၁၀၅ နှစ်ပြည့် မွေးနေ့မှာ မြေအောက် နျူကလီးယာဗုံး စမ်းသပ်မယ့်ကိစ္စကို အမေရိကန်သမ္မတသစ် ဒေါ်နယ်လ်ထရမ့်က တုံ့ပြန်အရေးယူဖို့ ကြိုးစားလာတဲ့ ကိစ္စကြောင့် ဖြစ်ပါတယ်။ ဒါကလည်း မြောက်ကိုရီးယားနိုင်ငံက သူ့တိုက်ချင်းပစ်ဒုံးတွေ စမ်းသပ်ပစ်ခတ် အောင်မြင်မှုရလာတဲ့အချိန်မှာ အမေရိကန်နိုင်ငံကို ရန်သူလို သဘောထားပြီး မီးလောင်ပြာကျ သွားချင်သလား၊ အမေရိကန်နိုင်ငံ ပျောက်သွားချင်သလားဆိုတဲ့ အသုံးအနှုန်းမျိုးတွေနဲ့ ပါးစပ် သေနတ်ပစ် တိုက်ခိုက်ခဲ့တာတွေကို သမ္မတ မဖြစ်ခင် စီးပွားရေးသမားတယောက် ဘ၀မှာကတည်းက ကြားခဲ့၊ ခံစားခဲ့ရတဲ့အတွက် သမ္မတ ဖြစ်လာချိန်မှာ ခံပြင်းဒေါသဖြစ်ပြီး ခုလို အရေးယူဖို့ ဆုံးဖြတ်လိုက်တာလည်း ဖြစ်ချင်ဖြစ်နိုင်ပါတယ်။ ဒီလိုမျိုး ရန်စတဲ့ အပြောကို ခံခဲ့ရတာက အမေရိကန်ဖြစ်ပြီး ဂျပန်နိုင်ငံကတော့ သူ့ရဲ့ ပင်လယ်ပြင်ထဲအထိ စမ်းသပ်ပစ်ခတ်လာတဲ့ ဒုံးကျည်တွေကို ရင်တမမနဲ့ သည်းခံခဲ့ရရှာပါတယ်။ လူမျိုး တမျိုးတည်းဖြစ်တဲ့ တောင်ကိုရီးယားနိုင်ငံဟာလည်း မြောက်ကိုရီးယားရဲ့ ရန်စတိုက်ခိုက်မှုကြောင့် ထိခိုက်နစ်နာ ဆုံးရှုံးမှုတွေ ကြုံတွေ့ခဲ့ရတာတွေလည်း များခဲ့ပါပြီ။ ဒါကြောင့်လည်း မြောက်ကိုရီးယားနိုင်ငံကို အစဉ်တစိုက် ကူညီထောက်ပံ့သလို ထောက်လည်း ထောက်ခံခဲ့တဲ့ တရုတ်ပြည်သူ့သမ္မတနိုင်ငံကတောင် ခု မြောက်ကိုရီးယားနိုင်ငံရဲ့ နျူကလီးယာဒ စမ်းသပ်မှုတွေကို ဆန့်ကျင် ကန့်ကွက်လာခဲ့တာကို တွေ့ရပါတယ်။ ရုရှားနိုင်ငံကတော့ ခုထိလည်း ထောက်ခံနေဆဲပဲ ဖြစ်ပါတယ်။ ဒါပေမယ့် ခုဖြစ်ခဲ့တဲ့ ဖြစ်ရပ်မှာ အမေရိကန်သမ္မတ ဒေါ်နယ်လ်ထရမ့်က တရုတ်ပြည်သူ့သမ္မတနိုင်ငံ သမ္မတ ရှီကျင်းပင်နဲ့ ဆွေးနွေး ပြောဆိုခဲ့ပြီး တရုတ်က ကြားဝင်ဖျောင်းဖျ ဖြေရှင်းပေးဖို့ မေတ္တာရပ်ခံခဲ့သလို အောင်အောင်မြင်မြင် ဖျောင်းဖျဖြေရှင်းပေးနိုင်မယ်လို့လည်း ယုံကြည်ထားတယ်လို့ ဆိုပါတယ်။ တရုတ်နိုင်ငံကလည်း တတ်နိုင်သမျှ ကြိုးစားဖျောင်းဖျခဲ့ပုံရပါတယ်။ ဒါပေမယ့် ခေါင်းမာလှတဲ့ မြောက်ကိုရီးယား ခေါင်းဆောင်လေးက စစ်ကြေညာမိန့်ခွန်းကိုပါ ပြောလာတဲ့အတွက် မြောက်ကိုရီးယား နယ်စပ်ကို သူ့တပ်အင်အား ထပ်မံတိုးချဲ့ချထားပေးပြီး တုံ့ပြန်သတိပေးခဲ့ပါတယ်။ ဒီကိစ္စမှာတော့ တို့မထောက်ခံဘူးလို့ အတိအလင်း ပြောလိုက်သလိုပါပဲ။ တရုတ်နိုင်ငံကလည်း အကျိုးစီးပွား အဓိကကြည့်တဲ့ နိုင်ငံတခု ဖြစ်လို့ သူ့အကျိုးစီးပွားကို ကြည့်ပြီး ရပ်တည်ချက် ပြောင်းလဲလာပုံရပါတယ်။ ဒီနေရာမှာတော့ စီးပွားရေး အကျိုးစီးပွားအကြောင်း အဓိကပြောလိုရင်း မဟုတ်တဲ့အတွက် ဒီလောက်ပဲ တင်ပြချင်ပါတယ်။ အမေရိကန်သမ္မတ ဒေါ်နယ်လ်ထရမ့်ကတော့ သမ္မတသစ် ပူပူနွေးနွေးဖြစ်သလို ပြောတဲ့အတိုင်း လုပ်တယ်ဆိုတဲ့ သူ့ရဲ့အပြောကိုလည်း တည်စေချင်ပုံ ရပါတယ်။ ဒါကြောင့်လည်း ဆီးရီးယားနိုင်ငံကို ခရူးစ်ဒုံးကျည်တွေနဲ့ ပစ်ခတ်တိုက်ခိုက်ပြခဲ့သလို မထင်မှတ်တဲ့ အာဖဂန်နိုင်ငံ အိုင်စက်စ်တွေရဲ့ အချက်အချာနေရာလို့ ယူဆရတဲ့ နေရာကို နျူကလီးယားဗုံးပြီးရင် အင်အားအကြီးဆုံး သမားရိုးကျ မိခင်ဗုံးကြီးကို ကြဲချပြလိုက်တာ တွေ့ရပါတယ်။ တကယ်တော့ ဒါဟာ စဉ်းစဉ်းစားစား လုပ်တတ်တဲ့ သမ္မတမျိုးဆိုရင်တော့ လုပ်ချင်မှ လုပ်မယ့်ကိစ္စလို့ ပြောရမှာပါပဲ။ ဒါပေမယ့် နိုင်ငံရေးသမား မဟုတ်တဲ့ ဒေါ်နယ်လ်ထရမ့်ကတော့ ခပ်ပြတ်ပြတ်ပဲ အမိန့်ပေးခဲ့တဲ့အတွက် ထိတ်လန့်တုန်လှုပ်စရာ ဖြစ်သွားခဲ့ရပါတယ်။ ဒါပေမယ့် ဒီလို နိုင်ငံနဲ့ချီပြီး အရေးကြီးတဲ့ တိုက်ခိုက်မှုမျိုးကို သမ္မတ တယောက်တည်း သူ့သဘောနဲ့ သူ ဆုံးဖြတ်တာမျိုး မရှိပါဘူး။ အနည်းဆုံး အမျိုးသားလုံခြုံရေး အကြံပေးအရာရှိ၊ အမေရိကန် ဗဟိုထောက်လှမ်းရေး (CIA) အကြီးအကဲနဲ့ ကာကွယ်ရေးဝန်ကြီး စသူတွေနဲ့ တိုင်ပင်ဆွေးနွေးပြီးမှသာ ဒီလို ဆုံးဖြတ်ချက်မျိုးကို ချမှတ်လေ့ရှိတာပါ။ ဒါဟာ ဒီမိုကရေစီနိုင်ငံတခုရဲ့ လုပ်ထုံးလုပ်နည်း ဖြစ်ပါတယ်။ အဲဒီတော့ ဆီးရီးယားနိုင်ငံ အစိုးရ ထိန်းချုပ်တဲ့ လေဆိပ်တခုကို ဒါဇင်နဲ့ချီတဲ့ ခရုစ် ဒုံးကျည်တွေနဲ့ ပစ်ခတ်တာ၊ အာဖဂန်နစ္စတန်က အိုင်အက်စ် အခြေစိုက်စခန်းကို အားအပြင်းဆုံး သမားရိုးကျဗုံးမိခင်ဗုံးကြီးသုံးပြီး တိုက်ခိုက်တာတွေဟာ သမ္မတ တယောက်တည်း စိတ်ရူးပေါက်ပြီး အမိန့်ပေးခဲ့တာ မဟုတ်ပါဘူး။ သက်ဆိုင်ရာ တာဝန်ရှိသူတွေရဲ့ သဘောတူညီချက်နဲ့မှသာ လုပ်လို့ရတဲ့ လုပ်ရပ်တွေ ဖြစ်ပါတယ်။ အမေရိကန်နိုင်ငံက အဓိကပြိုင်ဘက် ပါတီကြီး ၂ ခုမှာ အများရဲ့ နားလည်လက်ခံထားမှုအရ ရီပတ်ဗလစ်ကန်ပါတီရဲ့ ခေါင်းဆောင်တွေဟာ သိန်း(Hawk) တွေ များတယ်လို့ ဆိုပါတယ်။ တိုက်ခိုက်ချေမှုန်းလိုသူတွေ ဖြစ်တယ်လို့ ပြောတာပါပဲ။ ခု သမ္မတသစ် ဒေါ်နယ်လ်ထရမ့် ဆိုတာကလည်း ရီပတ်ဗလစ်ကန်ပါတီက သမ္မတ ဖြစ်ပါတယ်။ သူ့မှာလည်း ဒီအမြင်ရှိမယ်လို့ ယူဆရသလို သူ့ကို ၀ိုင်းရံထားတဲ့ သူတွေမှာလည်း ဒီလို စိတ်အခြေခံတွေရှိကြမှာကတော့ အသေအချာပဲ ဖြစ်ပါတယ်။ ဒါကြောင့်ပဲ ပြဿနာစဖြစ်တာနဲ့ နျူကလီးယားစွမ်းအင်သုံး လေယာဉ်တင် သင်္ဘောကြီး ကားလ်ဗင်ဆင်နဲ့ တိုက်ခိုက်ရေး ရေယာဉ်အုပ်စုကို ကိုရီးယားကျွန်းဆွယ်ဆီကို စေလွှတ်ခဲ့လို့ မြောက်ကိုရီးယားက သူတို့တော့ အမေရိကန်ရဲ့ စတင်တိုက်ခိုက်တာ မခံဘူး၊ သူတို့က လက်ဦးအောင် တိုက်ခိုက်ရလိမ့်မယ်လို့ ခပ်တင်းတင်း သတိပေးတုံ့ပြန်ခဲ့ပါတယ်။ ကျနော်တို့လည်း ဟန်ပြ မြန်မာသင်္ကြန်ကိုတောင် အာရုံမထားနိုင်ဘဲ ဘယ်တော့များ၊ ဘယ်ဘက်က စပြီး ပစ်ခတ်တိုက်ခိုက်လေမလဲလို့ ရင်တမမ စောင့်ကြည့်နေခဲ့ရတာပါ။ ဒါပေမယ့် ၄၈ နာရီအတွင်း၊ ၇၂ နာရီအတွင်း စတဲ့ ခန့်မှန်းမှုတွေဟာ ခု ကျနော် ဒီဆောင်းပါး ရေးတဲ့အချိန်အထိ ဖြစ်လာတာ မတွေ့ရသေးပါဘူး။ တရုတ်နိုင်ငံကတော့ ဆိုင်နေတဲ့ နိုင်ငံတွေအနေနဲ့ ပြန်ပြီးဆွေးနွေး အဖြေရှာကြဖို့၊ လက်မလွန်ကြဖို့ သတိပေးနေပါတယ်။ ခပ်မိုက်မိုက် ပြောတတ်တဲ့ ရုရှားနိုင်ငံကတောင် မဖြစ်သင့်တာ မဖြစ်၊ ပြန်ပြင်လို့ မရတော့တဲ့ အခြေအနေမျိုး မဖြစ်ခင် သတိနဲ့ စဉ်းစဉ်းစားစား ဖြေရှင်းကြဖို့ ပြောလာခဲ့ပါတယ်။ တကယ်လို့များ အမေရိကန် ရေတပ်သင်္ဘောအုပ်စု ကိုရီးယားကျွန်းဆွယ် ရောက်တာနဲ့ မြောက်ကိုရီးယားနိုင်ငံက စပြီး သူ့ရဲ့ဒုံးကျည်တွေနဲ့ လက်ဦးအောင် တိုက်ခိုက်မယ်၊ အမေရိကန် ရေတပ်သင်္ဘောတွေကလည်း သူတို့ရဲ့ စွမ်းအားကြီးမားတဲ့ တိုက်ခိုက်ရေး လက်နက်တွေနဲ့ တုံ့ပြန်တိုက်ခိုက်မယ်ဆိုရင်တော့ အနိမ့်ဆုံး အပြစ်မဲ့တဲ့ ကိုရီးယားပြည်သူတွေ အတိဒုက္ခရောက်ကြ၊ သေကျေ ပျက်စီးကြရမှာ ဖြစ်သလို အမေရိကန်ပြည်သူလူထုရဲ့ အခြေအနေကလည်း တိုက်ချင်းပစ်ဒုံးကျည်တွေ အချိန်မရွေး ကျရောက် ပေါက်ကွဲ သေကျေ ဒဏ်ရာရနိုင်စရာ ဖြစ်နေပါတယ်။ မြောက်ကိုရီးယား ပိုင်ဆိုင်ထားတဲ့ အစွမ်းထက်ဒုံးကျည်တွေကိုလည်း လျှော့တွက်လို့ မရပါဘူး။ နောက်ဆုံး နျူကလီးယား လက်နက်သုံးလာပြီဆိုရင်တော့ အရင်တုန်းက “ကောင်ကလေး” ဗုံးလိုမျိုး မဟုတ်တော့တဲ့ ဒီထက်အဖျက်စွမ်းအား ကြီးမားတဲ့ ဗုံးတွေ ဖြစ်နေကြတော့ ဘယ်ဘက်ကမဆို အပျက်အင်္စီး အထိအခိုက် များကြမှာကတော့ အသေအချာပါပဲ။ ဒီကိစ္စက ကောင်းဘွိုင်းကားတွေထဲကလို နှစ်ယောက်တည်း သေနတ်ချင်း ယှဉ်ပစ်ကြတဲ့ကိစ္စ မဟုတ်တဲ့အတွက် သက်ဆိုင်ရာနိုင်ငံတွေ ကုလ အပါအဝင် နိုင်ငံတကာက ၀ိုင်းဝန်းဖျောင်းဖျ တားဆီးကြရမယ့် ကိစ္စပါ။ တကယ်လို့ နှစ်ယောက်တည်း သေနတ်ချင်း ယှဉ်ပစ်ချင်တယ်ဆိုရင်တော့ လွှတ်ပေးလိုက်ကြရုံပါပဲ။ နှစ်ယောက်စလုံးက သူမသာ၊ ကိုယ် အသုဘဖြစ်နေကြတဲ့အတွက် လက်ခုပ်တီးပေးလိုက်ကြရုံပဲ လုပ်လို့ရမှာပါ။ စိုးနေလင်း
4 years Ago
Up