တင်ပြ

A d v e r t i s e m e n t With Us

July 4, 2020

မွန်ပြည်သစ်ပါတီထိန်းချုပ်နယ်မြေ လူဦးရေစာရင်းတင်ပြလာပါက မဲစာရင်းတွင် ထည့်ပေးမည်

မွန်ပြည်သစ်ပါတီ ထိန်းချုပ်နယ်မြေက လူဦးရေ စာရင်း တင်ပြလာပါက မဲစာရင်းမှာ ထည့်သွင်းပေးဖို့ အသင့်ရှိတယ်လို့ မွန်ပြည်နယ် ရွေးကောက်ပွဲ ကော်မရှင်အဖွဲ့ခွဲ တာဝန်ရှိသူက ပြောပါတယ်။ မွန်ပြည်နယ် ရွေးကောက်ပွဲ ကော်မရှင်အဖွဲ့ခွဲဟာ လာမယ့် ရွေးကောက်ပွဲအတွက် မဲစာရင်း ပြုလုပ်စုတဲ့ လုပ်ငန်းကို ပြီးခဲ့တဲ့နှစ်ကတည်းက စတင်လုပ်ဆောင်နေတာပါ။ အဲလို လုပ်ဆောင်ရာမှာ မဲစာရင်း ပြန်လည် စိစစ်တဲ့ လုပ်ငန်းကို လစဉ် ဆောင်ရွက်နေတာပါ။ ဒါပေမယ့် မွန်ပြည်နယ်ရဲ့ မဲစာရင်းထဲမှာ မွန်ပြည်သစ်ပါတီ ထိန်းချုပ်နယ်မြေက ကျေးရွာပေါင်း ၁၉ ရွာက မဲပေးနိုင်တဲ့ လူဦးရေ ၂၀၀၀ နီးပါး မပါဝင်သေးတဲ့အပေါ်မှာ ဝေဖန်မှု တချို့ ရှိနေတာပါ။ ဒါကြောင့် ကော်မရှင်အဖွဲ့ခွဲ့အနေနဲ့ မဲစာရင်း ပြုစုရာမှာ အထွေထွေအုပ်ချုပ်ရေး ဦးစီးဌာနက တင်ပြလာတဲ့ လူဦရေး စာရင်းအပေါ် မူတည်ပြီး ပြုစုရတဲ့အတွက်ကြောင့် သူတို့ဆီက တင်ပြလာရင် မဲစာရင်းမှာ ထည့်သွင်းဖို့ အသင့်ရှိတယ်လို့ မွန်ပြည်နယ် ရွေးကောက်ပွဲ ကော်မရှင်အဖွဲ့ခွဲ့ အတွင်းရေးမှူး ဦးဟိဏ်းလင်းထက်က ပြောပါတယ်။ မွန်ပြည်သစ်ပါတီ ထိန်းချုပ်နယ်မြေမှာတော့ ကျေးရွာပေါင်း ၃၅ ရွာ ၊ အိမ်ထောင်စု ၆၀၀၀ ၊ လူဦးရေ ၃၀၀၀၀ နီးပါးလောက်ရှိနေတာပါ။ အဲဒီထဲမှာတော့ ကျေးရွာပေါင်း ၁၉ ရွာက မဲပေးနိုင်တဲ့ လူဦးရေ ၂၀၀၀ နီးပါး မှတ်ပုံတင်မရှိတဲ့အတွက် မဲစာရင်းထဲမှာ မပါဝင်သေးတာပါ။ မွန်ပြည်သစ်ပါတီ ထိန်းချုပ်နယ်မြေက ပြည်သူတွေကို မှတ်ပုံတင်ရရှိရေးအတွက် လဝကနဲ့ ညှိနှိုင်းထားတယ်လို့ ရေးချောင်းဖျားဒေသ မှတ်ပုံတင်ရရှိရေး လှုပ်ရှားနေသူ ဦးလွင်က ပြောပါတယ်။ ဒါ့အပြင် မွန်ပြည်သစ် ထိန်းချုပ်နယ်မြေအတွင်းမှာတော့ မဲရုံ ၆ ရုံသာ ရှိတဲ့အတွက်ကြောင့် အရမ်းဝေးတဲ့ ရွာတွေက ပြည်သူတွေ မဲလာထည့်ဖို့  အခက်အခဲ ရှိနေတာပါ။ အဲဒါကြောင့် ရွာ ၅ ရွာမှာ မဲရုံ ၁ ရုံဆီ ထားပေးဖို့ လိုအပ်တယ်လို့ ဆိုပါတယ်။ မွန်ပြည်သစ်ပါတီ ထိန်းချုပ်နယ်မြေက ပြည်သူတွေ မှတ်ပုံတင်ရရှိရေးအတွက် သက်ဆိုင်ရာဌာနတွေနဲ့ ပူးပေါင်းဆောင်ရွက်နေတယ်လို့ မွန်ပြည်သစ်ပါတီ ဗဟိုအလုပ်မှုဆောင်အဖွဲ့ဝင် နိုင်ဗညားလယ်က DVB ကို ပြောပါတယ်။ ဇော်လွင်ထွဋ် 
7 months Ago

May 22, 2020

သူနာပြုတက္ကသိုလ်ပြိုကျမှု  စုံစမ်းစစ်ဆေးရေးအဖွဲ့က ရန်ကုန်တိုင်းအစိုးရထံ တင်ပြမည်

သူနာပြုတက္ကသိုလ် (ရန်ကုန်)ရဲ့ လေးထပ်ဆောင်ပြိုကျခဲ့တဲ့ အခြေအနေနဲ့ ပြန်လည်ပြင်ဆင်ရမယ့်အပိုင်းတွေကို စုံစမ်းစစ်ဆေးရေးအဖွဲ့က သက်ဆိုင်ရာဌာနတွေကို တင်ပြသွားဖို့ ရှိနေပါတယ်။  လမ်းမတော်မြို့နယ်မှာရှိတဲ့ သူနာပြုတက္ကသိုလ်လေးထပ်ဆောင်ဟာဆို ပြီးခဲ့တဲ့သီတင်းပတ်  မေလ ၁၇ ရက်နေ့က ပြိုကျခဲ့တာဖြစ်ပါတယ်။ အဲ့ဒီလိုပြိုကျခဲ့တဲ့အခြေအနေနဲ့ပတ်သတ်ပြီး မေလ ၁၈ ရက်နေ့က မြန်မာနိုင်ငံအင်ဂျင်နီယာ အသင်းချုပ်က ဦးဆောင်ပြီး စုံစမ်းစစ်ဆေးရေးအဖွဲ့ဖွဲ့စည်းခဲ့ပါတယ်။ ဒီအဖွဲ့အနေနဲ့ လတ်တလော စုံစမ်းသိရှိထားတာတွေနဲ့ ပတ်သက်လို့ ရန်ကုန်တိုင်းအစိုးရ အဖွဲ့အပါအဝင် သက်ဆိုင်ရာဌာနသုံးခုကို ပို့ဆောင်သွားမယ်လို့  မြန်မာနိုင်ငံအင်ဂျင်နီယာအသင်းချုပ် ဥက္ကဋ္ဌ ဦးမြင့်အောင်က ပြောပါတယ်။  လက်တလော ပြိုကျပျက်စီးခဲ့တဲ့အခြေအနေနဲ့ပတ်သတ်ပြီး စုံးစမ်းစစ်ဆေးရေးအဖွဲ့က အဆင့်သုံးဆင့်နဲ့ လုပ်ဆောင်ခဲ့တယ်လို့လည်းဆိုပါတယ်။ ကျောင်းဆောင်ပြိုကျခဲ့တဲ့အခြေအနေနဲ့ ပျက်စီးဆုံးရှုံးမှုအနည်းအများကို ကြည့်ပြီး ပြန်လည်ပြင်ဆင်သင့်လား အသစ်ဆောက်သင့်လားဆိုတာကို ဆုံးဖြတ်သွားမှာဖြစ်တယ်လို့ စုံးစမ်းစစ်ဆေးရေး အဖွဲ့ဝင်တစ်ဦးဖြစ်တဲ့ ဦးစောထွေးဇော်က ပြောပါတယ်။ သူနာပြုတက္ကသိုလ်ကျောင်းဆောင် ပြိုကျခဲ့ချိန်မှာ လေးထပ်ဆောင်ရဲ့အပေါ်ဆုံးထပ်နဲ့ ဆင်ဝင်ပေါက်တို့မှာ ထိခိုက်ပျက်စီးမှု အများဆုံးဖြစ်ခဲ့ပြီး ကျောင်းပိတ်ထားချိန်ဖြစ်လို့ ကျောင်းသူ ကျောင်းသားတွေတော့ ထိခိုက်ဒဏ်ရာရတာ မရှိခဲ့ပါဘူး။  ပြိုကျခဲတဲ့ အဆောက်အအုံထဲမှာ တန်းဖိုးကြီးတဲ့ သင်ထောက်ကူပစ္စည်းတွေရှိနေသေး တဲ့အတွက် တခြားတစ်နေရာကို ရွှေ့ပြောင်းထားနိုင်ဖို့ ပြင်ဆင်နေတဲ့အပိုင်းတွေ ရှိနေတယ်လို့ လမ်းမတော်မြို့နယ် လွှတ်တော်ကိုယ်စားလှယ်က ပြောပါတယ်။ ပြိုကျခဲ့တဲ့ သူနာပြုတက္ကသိုလ်ဟာ သမ္မတ ဦးသိန်းစိန်ခေါင်းဆောင်တဲ့ ကြံ့ခိုင်ရေးပါတီ အစိုးရလက်ထက် ၂၀၁၁ ခုနှစ်က စတင်ဆောက်လုပ်ခဲ့တာဖြစ်ပြီး  ၂၀၁၃  ခုနှစ်မှာ  ဒေါက်တာ ဖေသက်ခင်ကဖွင့်လှစ်ခဲ့တာပါ။ သက်တမ်းအားဖြင့် ၇  နှစ်သာရှိသေးတဲ့ တက္ကသိုလ်ကျောင်းဆောင်ကြီး  သူ့အလိုလို ပြိုကျ ပျက်စီးသွားခဲ့တာလည်း ဖြစ်ပါတယ်။   
8 months Ago
Up