တင်ဒါ

September 14, 2020

တစ်တော့ခ်အပလီကေးရှင်းကို  မိုက်ကရိုဆော့ဖ် မရဘဲ အော်ရကယ်လုပ်ငန်းစုက တင်ဒါအောင်

တရုတ်နိုင်ငံက ဘိုက်ဒန့်စ်နည်းပညာကုမ္ပဏီဟာ သူ့ရဲ့ရုပ်သံဗီဒီယို အတိုလေးတွေ မျှဝေ နိုင်တဲ့ တစ်တော့ခ်အပလီကေးရှင်းကို ရောင်းရာမှာ အော်ရကယ်ကော်ပိုရေးရှင်း ဦးဆောင်တဲ့ လုပ်ငန်းစုကို တင်ဒါအောင်သူအဖြစ် ရွေးချယ်လိုက်ပါတယ်။  ပြိုင်ဘက်လေလံဆွဲသူ မိုက်ခရိုဆော့ဖ်ကော်ပိုရေးရှင်းကို အနိုင်ရလိုက်တာလို့ ဒီကိစ္စ နဲ့ နီးကပ်သူကို ကိုးကားပြီး ရိုက်တာသတင်းဌာနက စက်တင်ဘာ ၁၄ ရက်မှာ ဖော်ပြပါတယ်။  တစ်တော့ခ်ကို အမေရိကန်စီးပွားရေးလုပ်ငန်းတွေဆီ မရောင်းရင် အမေရိကန်နိုင်ငံအတွင်း သုံးစွဲခွင့် ပိတ်မယ်လို့ အမေရိကန်သမ္မတ ဒေါ်နယ်ထရမ့်က အရင်လက ခြိမ်းခြောက်ခဲ့တာပါ။  အဲဒီနောက် ဘိုက်ဒန့်စ်ဟာ ဝယ်မယ့် အလားအလာရှိသူတွေဆီမှာ တစ်တော့ခ် အပလီ ကေးရှင်းကို ရောင်းဖို့ ဆွေးနွေးခဲ့ပါတယ်။  အခု အရောင်းအဝယ်ဖြစ်ဖို့ကိုလည်း ဘိုက်ဒန့်စ်ဟာ အမေရိကန်နဲ့တရုတ်အစိုးရ ၂ရပ်လုံး ဆီက အတည်ပြုချက်ရဖို့ လိုပါတယ်။  အမေရိကန်နိုင်ငံအတွင်း တစ်တော့ခ်ရဲ့ လုပ်ငန်းလည်ပတ်မှုကို မိုက်ခရိုဆော့ဖ်ကို ရောင်းမှာ မဟုတ်တဲ့အကြောင်း ဘိုက်ဒန့်စ်က အကြောင်းကြားခဲ့တယ်လို့ မိုက်ခရိုဆော့ဖ်က စက်တင်ဘာ ၁၃ ရက် အစောပိုင်းမှာ ပြောခဲ့ပါတယ်။ 
9 months Ago

July 9, 2020

ကရဝိတ်မြေနေရာ တင်ဒါပြန်မရပါက ဒေါ်လာ သန်း ၃၀ လျော်ကြေးတောင်းမည်ဟု ဇေကမ္ဘာပြော

ကန်တော်ကြီး ကရဝိတ်မြေနေရာ တင်ဒါပြန်မရရင် ဂုဏ်သိက္ခာအတွက် ဝန်ကြီးဌာနဆီက ကန်ဒေါ်လာ သန်းသုံးဆယ် လျော်ကြေးပြန်တောင်းမယ်လို့ ဇေကမ္ဘာကုမ္ပဏီကပြောပါတယ်။  ကန်တော်ကြီးကရဝိတ်အပါအဝင် မြေလေးဧကလောက်ကို ဇေကမ္ဘာကုမ္ပဏီက ၂၀၀၀ ပြည့်နှစ်ကတည်းက နဝတ အစိုးရဆီက ငှားရမ်းပြီး လုပ်ငန်းလုပ်ကိုင်ခွင့်ရခဲ့တာပါ။  အခု ၂၀၂၀ မှာ သက်တမ်းနှစ် ၂ဝ ပြည့်ပြီဖြစ်ပေမယ့် ထပ်တိုးလုပ်ငန်းလုပ်ကိုင်ခွင့် ၁၀ နှစ်ကျန်သေးတယ်လို့ ဇေကမ္ဘာကုမ္ပဏီက ပြောပါတယ်။  ဒါပေမယ့် ဟိုတယ်နဲ့ခရီးသွားလာရေးဝန်ကြီးဌာနက သက်တမ်းနှစ် ၂၀ ပြည့်ချိန်မှာ တင်ဒါပြန်လည်ခေါ်ယူခဲ့ပြီး ဇူလိုင် ၈ ရက်နေ့မှာ ဖွင့်ဖောက်မယ်လို့ ကြေညာခဲ့ပါတယ်။  ဝန်ကြီးဌာနက ဒီလိုဆောင်ရွက်တာဟာ ဇေကမ္ဘာကုမ္ပဏီရဲ့ နှစ်ပေါင်း ၂၀ ကြာ ရင်းနှီးမြှုပ်နှံမှုတွေနဲ့ ဂုဏ်သိက္ခာကို ထိခိုက်စေတဲ့အတွက် တင်ဒါပြန်မရရင် ကန်ဒေါ်လာ သန်းသုံးဆယ် လျော်ကြေးပြန်တောင်းမယ်လို့ ဇေကမ္ဘာကုမ္ပဏီ ဒါရိုက်တာအဖွဲ့ဝင် ဦးရဲဝင်းရှိန်က ပြောပါတယ်။ ဟိုတယ်နဲ့ခရီးသွားလာရေးဝန်ကြီးဌာနက ဇူလိုင် ၈ ရက်နေ့မှာ တင်ဒါသစ်ခေါ်ယူတာကို ဖွင့်ဖောက်ကြေညာမယ်လို့ ဆိုခဲ့ပေမယ့် ဖွင့်ဖောက်ကြေညာမယ့်ရက်ကို ရွှေ့ဆိုင်းထားပါတယ်။  ဇေကမ္ဘာကုမ္ပဏီဘက်က လျော်ကြေး တောင်းမယ်ဆိုတဲ့ကိစ္စဟာလည်း ပြင်ပမှာ ပြောဆိုနေတာသာဖြစ်ပြီး ဝန်ကြီးဌာနကို တရားဝင်တင်ပြထားတာ မရှိသေးဘူးလို့ ဟိုတယ်နဲ့ခ ရီးသွားလာရေးဝန်ကြီးဌာန ဒုတိယညွှန်ကြားရေးမှူးချုပ် ဦးကောင်းထွဋ်က ပြောပါတယ်။  ဒီပြဿနာဖြစ်ရတာဟာ နဝတ စစ်အစိုးရလက်ထက်က အရာရှိတွေနဲ့ လုပ်ငန်းရှင်တွေ လက်သိပ်ထိုးပြီး အဂတိလိုက်စားခဲ့တာကြောင့်ဖြစ်တယ်လို့ ပြန်ကြားရေးဝန်ကြီးဟောင်း ဦးရဲထွဋ်က သုံးသပ်ပါတယ်။ ဟိုတယ်နဲ့ခရီးသွားလာရေးဝန်ကြီးဌာနက တင်ဒါဖွင့်ဖောက်မယ့်ရက်ကို ရွှေ့ဆိုင်းထားပြီး ဘယ်ရက်မှာ ကြေညာမယ်ဆိုတာကို ထုတ်ဖော်မပြောသေးပါဘူး။  ဦးသိန်းစိန်အစိုးရ လက်ထက်တုန်းကလည်း အဲဒီမြေနေရာပတ်ဝန်းကျင်က ဆိုင်တွေမှာ အရက်သေစာရောင်းချတဲ့အတွက် ပြဿနာဖြစ်ခဲ့ပါသေးတယ်။  ဦးသိန်းစိန်အစိုးရလက် ထက်တုန်းကတော့ အဲဒီမြေနေရာတွေနဲ့ ပတ်သက်ပြီး ရန်ကုန်တိုင်းအစိုးရက ကိုင်တွယ်ခဲ့တာလို့ သိရပါတယ်။  ဇေယျာချမ်းအေး
12 months Ago
Up