တင်သွင်း

October 27, 2018

လာမည့်နှစ် ဘယ်မောင်းကားများသာ တင်သွင်းခွင့်ပြုမည်

လာမယ့်နှစ်မှာ ဘယ်မောင်းကားတွေကိုပဲ တင်သွင်းခွင့်ပြုမှာဖြစ်ပြီး လူစီးယာဉ်တွေအတွက် အနိမ့်ဆုံး ၂၀၁၆ ခုနှစ်ထုတ်ဖြစ်ရမယ်လို့ မော်တော်ယာဉ်တင်သွင်းတာနဲ့ သက်ဆိုင်တဲ့ လုပ်ငန်းများကြီးကြပ်ရေး ကော်မတီက ထုတ်ပြန်လိုက်ပါတယ်။ ၂၀၁၉ ခုနှစ်အတွက် မော်တော်ယာဉ်တင်သွင်းရာဖို့ သတ်မှတ်ခုနှစ်တွေကို မနေ့က အမိန့်ကြော်ငြာစာ ထုတ်ပြန်တာပါ။ ယာဉ်အို၊ ယာဉ်ဟောင်းအစီအစဉ်နဲ့ တင်သွင်းတဲ့ လူစီးယာဉ်တွေအတွက် ၂၀၁၆ ခုနှစ်၊ လူပုဂ္ဂိုလ် တယောက်ချင်းအစီအစဉ်နဲ့ တင်သွင်းမယ့် လူစီးယာဉ်တွေအတွက် ၂၀၁၇ ခုနှစ်ထုတ် အနိမ့်ဆုံး ဖြစ်ရမယ်လို့ သတ်မှတ်ထားပါတယ်။ ကုန်တင်ယာဉ်တွေနဲ့ ခရီးသည်တင်ယာဉ်တွေအတွက်ကတော့ ဘယ်လိုပုံစံနဲ့ တင်သွင်းတာ ဖြစ်ပါစေ ၂၀၁၅ ခုနှစ် အနိမ့်ဆုံးဖြစ်ရမယ်လို့ သတ်မှတ်ထားပါတယ်။ ပြည်ပက လှူဒါန်းတဲ့မော်တော်ယာဉ်ပါမစ် လျှောက်တာအပါအဝင် ပုံမှန် လိုင်စင်နဲ့ လျှောက်ထားရာမှာ လူစီးယာဉ်တွေက ၂၀၁၇ ခုနှစ်၊ လုပ်ငန်းသုံးယာဉ်တွေ၊ သာသနာရေးယာဉ်တွေနဲ့ ခရီးသည်တင် ယာဉ်တွေအတွက် ၂၀၁၅ ခုနှစ်၊ ယန္တရားတွေ၊ မီးသတ်ယာဉ်၊ လူနာတင်ယာဉ်၊ နိဗ္ဗာန်ယာဉ်တွေ ကတော့ ၂၀၁၀ ခုနှစ် အနိမ့်ဆုံးထားပြီး တင်သွင်းရမှာပါ။ အစိုးရဌာနတွေက မော်တော်ယာဉ်လျှောက်ထားရာမှာတော့ လူစီးယာဉ်တွေကို ၂၀၁၇ ခုနှစ်၊ လုပ်ငန်းသုံးနဲ့ ခရီးသည်တင်ယာဉ်တွေက ၂၀၁၅ ခုနှစ်နဲ့ ယန္တရားတွေကတော့ ၂၀၁၀ ပြည့်နှစ် အနိမ့်ဆုံးသတ်မှတ်ပေးထားပါတယ်။ ဒီယာဉ်တွေအားလုံးဟာ ဘယ်မောင်းတွေပဲ ဖြစ်ပြီး ၂၀၁၉ ခုနှစ်ထုတ် အမြင့်ဆုံး တင်သွင်းရမှာပါ။ နိုင်ငံတော်အတွက် လှူဒါန်းတဲ့ မီးသတ်နဲ့ လူနာတင်ယာဉ်တွေကို ၂၀၀၇ ခုနှစ်မော်ဒယ်အထိ လက်ခံဆောင်ရွက်ပေးမှာဖြစ်ပြီး အများပြည်သူသုံးလမ်းတွေမှာ မောင်းနှင်တာ မဟုတ်တဲ့ မြေတူးစက်၊ မြေညှိစက်၊ ကရိန်း၊ ကတ္တရာခင်းစက် စတဲ့ လုပ်ငန်းသုံးယန္တရားတွေကို လွန်ခဲ့တဲ့ ၁၅ နှစ်အတွင်း ထုတ်လုပ်ခဲ့တာဆိုရင် တင်သွင်းခွင့်ပြုမယ်လို့ ဆိုပါတယ်။ နိုင်ငံတကာအဖွဲ့အစည်းတွေ၊ အစိုးရမဟုတ်တဲ့ အဖွဲ့အစည်းတွေက ဝယ်ယူတာအတွက် ယာဉ်အို၊ ယာဉ်ဟောင်းအစီအစဉ်၊ လူပုဂ္ဂိုလ် တယောက်ချင်းအစီအစဉ်မှာ သတ်မှတ်ထားတဲ့အတိုင်း အရောင်းပြခန်းတွေက ဝယ်ယူခွင့် ပြုထားပါတယ်။
2 years Ago

February 4, 2018

ရန်ကုန်မြို့တော် စည်ပင်သာယာရေးဥပဒေကြမ်း တင်သွင်း

ရန်ကုန်မြို့တော်စည်ပင်သာယာရေးဥပဒေကြမ်းကို ရန်ကုန်တိုင်းလွှတ်တော် အစည်းအဝေးမှာ တိုင်းအစိုးရအဖွဲ့က တင်ပြထားပါတယ်။ အဲ့ဒီအစည်းအဝေးမှာ ရန်ကုန်တိုင်းအစိုးရအဖွဲ့ကိုယ်စား စည်ပင်သာယာရေးဝန်ကြီး၊ မြို့တော်ဝန် ဦးမောင်မောင်စိုးက လွှတ်တော်ကိုတင်သွင်းခဲ့တာပါ။ ရန်ကုန်မြို့တော်စည်ပင်သာယာရေးကော်မတီကို အစိုးရအဖွဲ့အစည်းဌာနအဖြစ်ကနေ ဝန်ဆောင်မှုပေးတာ ပိုမိုတိုးတက်လာစေဖို့အတွက် ဌာနကြီး ၃ ခု၊ အာဏာပိုင် ၇ ဖွဲ့၊ စီးပွားရေးအဖွဲ့အစည်းတွေနဲ့ ပြောင်းလဲဖွဲ့စည်းမယ့် ဥပဒေကြမ်းဖြစ်တယ်လို့ ဦးမောင်မောင်စိုးကဆိုပါတယ်။ အန်အယ်လ်ဒီ အစိုးရလက်ထက်မှာ ဒီမိုကရေစီစံချိန်စံညွှန်းနဲ့ ညီညွတ်ပြီး မြို့တော်သူမြို့တော်သားတွေရဲ့ ရပိုင်ခွင့်တွေကို ပွင့်လင်းမြင်သာစွာ အပြည့်အဝရယူခံစားနိုင်ဖို့နဲ့  လူနေမှုဘဝမြင့်မားတိုးတက်စေဖို့ ရည်ရွယ်တာလို့လည်း ဆိုပါတယ်။ အာဏာပိုင်အဖွဲ့တွေကတော့ မြို့ပြစီမံကိန်း အာဏာပိုင်အဖွဲ့၊ အဆောက်အဦဆိုင်ရာ အာဏာပိုင်အဖွဲ့၊ လမ်းတံတားဆိုင်ရာ အာဏာပိုင်အဖွဲ့၊ ရေရရှိရေးနဲ့ရေပေးဝေရေး အာဏာပိုင်အဖွဲ့၊ ရေစီးရေလာနဲ့ရေဆိုး စီမံခန့်ခွဲမှု အာဏာပိုင်အဖွဲ့၊ ပြည်သူ့ကျန်းမာရေးနဲ့ ဈေးများအာဏာပိုင်အဖွဲ့၊ ပတ်ဝန်းကျင်စီမံခန့်ခွဲရေး အာဏာပိုင်အဖွဲ့တို့ ဖြစ်ပါတယ်။ ဌာနတွေကတော့ စီမံခန့်ခွဲရေး၊ ပြည်သူ့ဆက်ဆံရေးနဲ့ ပြန်ကြားရေးဌာန၊ လုံခြုံရေးနဲ့ စည်းကမ်းထိန်းသိမ်းရေးဌာန၊ ဘဏ္ဍာရေးနဲ့ ငွေစာရင်းဌာန ဆိုပြီး ဌာနသုံးခုနဲ့ ဖွဲ့စည်းထားပါတယ်။ ပြီးတော့ တည်ဆောက်ရေးလုပ်ငန်းများ၊ ဝန်ဆောင်မှုလုပ်ငန်းများ၊ အပန်းဖြေလုပ်ငန်းများ၊ အခြားစီးပွားရေးလုပ်ငန်းများဆိုပြီး စီးပွားရေးအဖွဲ့အစည်းတွေ ပါဝင်မယ်လို့ ဥပဒေကြမ်းမှာ ဖော်ပြထားပါတယ်။ ဒီဥပဒေကြမ်းပေါ်လာဖို့အတွက် ရန်ကုန်တိုင်းဒေသကြီးအစိုးရအဖွဲ့ရုံးမှာ ဝန်ကြီးချုပ် ဦးဖြိုးမင်းသိန်း ဦးဆောင်ပြီး ၂၀၁၇ သြဂုတ်ကနေ အောက်တိုဘာလအထိ အစည်းအဝေး ၈ ကြိမ်ပြုလုပ် ရေးဆွဲခဲ့တာလို့ သိရပါတယ်။
3 years Ago
Up