တက္ကစီ

January 10, 2019

တောင်ကိုရီးယား အငှားယာဉ်မောင်းတဦး ကိုယ့်ကိုယ်ကိုယ် မီးရှို့သတ်သေ

ကားမျှစီးတဲ့ ဝန်ဆောင်မှုကို ဆန့်ကျင်ဆန္ဒပြတဲ့အနေနဲ့ တောင်ကိုရီးယား အငှားယာဉ်မောင်းတဦး သူ့ကိုယ်သူ မီးရှို့သတ်သေခဲ့ပါတယ်။ တောင်ကိုရီးယားနိုင်ငံရဲ့ အကြီးဆုံး လက်ကိုင်ဖုန်း အပလီကေးရှင်းက မိတ်ဆက်တဲ့ ကားခမျှဝေစီးနင်းတဲ့ ဝန်ဆောင်မှုကို ဆန့်ကျင်ဆန္ဒပြတဲ့ အနေနဲ့ ခုလိုလုပ်တာပါ။ ဒါဟာ တောင်ကိုရီးယားမှာ တလအတွင်း ဒုတိယမြောက် သူ့ကိုယ်သူ မီးရှို့သတ်သေတဲ့ အငှားယာဉ်မောင်းလည်း ဖြစ်ပါတယ်။ အသက် ၆၄ နှစ်အရွယ် ယာဉ်မောင်းဟာ သူ့ကား မီးမလောင်ခင်က ဆိုးလ်မြို့လယ်က အမေရိကန် သံရုံးနားမှာ ကားကို ရပ်ထားခဲ့ပါတယ်။ ဇန်နဝါရီ ၉ ရက် ညနေပိုင်းမှာ မီးလောင်နေတဲ့ သူ့ကားထဲကနေ သူ့ကို ဆွဲထုတ်ခဲ့ရာမှာ ယာဉ်မောင်းဟာ သတိမလစ်ဘဲ ရှိနေဆဲပါ။ ဒါပေမယ့် အနီးက ဆေးရုံကို ခေါ်သွားအပြီး နာရီပိုင်းအကြာမှာပဲ သေဆုံးသွားတယ်လို့ ရဲက ပြောပါတယ်။ ကားထဲမှာ အရည်ပျော်နေတဲ့ လောင်စာပုလင်းတွေ တွေ့တယ်လို့လည်း ရဲက ဆိုပါတယ်။ သူဟာ ကာကာအိုလို့ ခေါ်တဲ့ ကားမျှစီးတဲ့ လက်ကိုင်ဖုန်း အပလီကေးရှင်းကို ဆန့်ကျင်ရင်း ကိုယ့်ကိုယ်ကိုယ် မီးရှို့ဆန္ဒပြတဲ့ ဒုတိယမြောက် အငှားယာဉ်မောင်း ဖြစ်လာပါတယ်။ သူ့ရဲ့ သေတမ်းစာထဲမှာ တရားမဝင် အငှားယာဉ်လုပ်ငန်းလို့ သူကခေါ်တဲ့ ကားမျှစီးတဲ့ ဝန်ဆောင်မှုကို တားမြစ်ပိတ်ပင်ဖို့ ဆော်သြထားတယ်လို့ ယုံဟပ် သတင်းဌာနက ထုတ်ပြန်ပါတယ်။ ကားမျှစီးတဲ့ လုပ်ငန်းတွေဟာ ကမ္ဘာတလွှားက ခရီးသည်တွေအတွက် သယ်ယူပို့ဆောင်ခကို လျှော့ချပြီး ဝန်ဆောင်မှု တိုးပေးခဲ့တာပါ။ ဒါပေမယ့် တောင်ကိုရီးယားနိုင်ငံမှာတော့ အမေရိကန်လုပ်ငန်းကြီး အူဘာက ဈေးကွက်ပမာဏ နည်းနည်းပဲ ရှိပါတယ်။ ထင်မြင်ချက်စစ်တမ်းအရ တောင်ကိုရီးယားနိုင်ငံသား ၅၈ ဒသမ ၂ ရာခိုင်နှုန်းက ကားမျှစီးတဲ့ လုပ်ငန်းတွေ စဖို့ လိုလားပြီး ၁၂ ဒသမ ၅ ရာခိုင်နှုန်းကသာ ဆန့်ကျင်ကန့်ကွက်နေတာလို့ ပြဆိုထားပါတယ်။
3 years Ago

April 3, 2018

တက္ကစီပေါ် အလေးသွားသည့် တရုတ်အမျိုးသမီးနှင့် ကားသမားပြဿနာ ထိုင်းရဲ မဖြေရှင်းနိုင်

အမည်မသိ တရုတ်အမျိုးသမီးတဦး ဘန်ကောက်တက္ကစီတစီးပေါ်မှာ မတ် ၂၈ ရက်နေ့က အလေးသွားခဲ့ပြီး သန့်ရှင်းရေးခ ပေးဆောင်ဖို့ ငြင်းဆန်ခဲ့လို့ ကားမောင်းသူနဲ့ အငြင်းပွားမှု ဖြစ်ပွားခဲ့ကာ ရဲကို လှမ်းတိုင်တဲ့အထိ ဖြစ်ပွားခဲ့ပါတယ်။ အသက် ၃၀ အရွယ် တရုတ်ခရီးသွား အမျိုးသမီးဟာ တာမီနယ် ၂၁ ဈေးဝယ်ကုန်တိုက်ကြီးရဲ့ အပြင်ဘက်ကနေ ကားငှားစီးလာပြီး စူရာဝက်ဆိုတဲ့ တက္ကစီအငှားကားမောင်းသမားကို ရက်ချာဒါပီဆက် လမ်းသွယ် ၇ ကို ပို့ပေးဖို့ ပြောခဲ့တယ်လို့ ထိုင်းရတ်သတင်းမှာ ဖော်ပြပါတယ်။ ကားမောင်းနေတုန်း အမျိုးသမီးက သန့်စင်ခန်း သွားချင်တယ်လို့ ပြောပေမယ့် သွားလက်စ အာစိုကီမွန်ထရီ လမ်းမကြီးက ကားလမ်းအရမ်းပိတ်လို့ ကားသမားအနေနဲ့ သန့်စင်ခန်းရှိရာ ဓာတ်ဆီဆိုင်ကို ပြန်လှည့်မောင်းဖို့ အဆင်မပြေခဲ့လို့ အလေးတွေ သွားချလိုက်တာပါ။ အဲဒီအချိန်မှာ ကားသမားက ကားကို လမ်းဘေးမောင်းချပြီး ညစ်ပတ်နေတာတွေ သန့်ရှင်းရေးလုပ်ဖို့ သူမကို ကုန်ကျစရိတ် တောင်းခဲ့ပေမယ့် သူမက ပိုက်ဆံပေးဖို့ ငြင်းဆန်ပြီး သူမ သွားချင်တဲ့နေရာကိုသာ လိုက်ပို့ပေးဖို့ တောက်လျှောက်တောင်းဆိုရာကနေ အငြင်းပွားမှု ဖြစ်ခဲ့ပြီး ကားသမားက ရဲကို လှမ်းခေါ်ခဲ့တာပါ။ ဒါပေမယ့် ရဲတွေက ကားထဲ အလေးသွားတာနဲ့ပတ်သက်ပြီး အရေးယူဖို့ ဥပဒေမရှိလို့ သူတို့လည်း ဘာမှမလုပ်နိုင်ဘူးလို့ ပြောကြားခဲ့ကြောင်း သတင်းမှာ ဖော်ပြပါတယ်။ ကားသမား စူရာဝက်က “ကျနော် ကားမောင်းစားလာတာ ၁၄ နှစ်ရှိပြီ။ များသောအားဖြင့် တက္ကစီတွေက ခရီးသည်တွေကို မတင်လို့ဆိုပြီး လူတွေက တိုင်တန်းတယ်။ ဒါပေမယ့် ကျနော်တို့ ကားသမားတွေက ဒီလိုပြဿနာမျိုးတွေနဲ့လည်း ရင်ဆိုင်ရတယ်ဆိုတာ ခင်ဗျားတို့ မြင်ပြီလား” လို့ ပြောကြောင်း ပတ္တာယားဝမ်းသတင်းမှာ ဧပြီ ၁ ရက်နေ့က ဖော်ပြထားပါတယ်။
4 years Ago
More News
Up