တက်ကြွလှုပ်ရှားသူ

November 18, 2021

ရေစကြိုမြို့ NLD ပါတီ တက်ကြွလှုပ်ရှားသူ နေအိမ်၌ ပါဆယ်ဗုံးပေါက်ကွဲ၊ ၄ ဦးသေဆုံး

မကွေးတိုင်းဒေသကြီး ရေစကြိုမြို့ NLD ပါတီ တက်ကြွလှုပ်ရှားသူရဲ့နေအိမ်မှာ နိုဝင်ဘာလ ၁၇ ရက်နေ့ညက ပါဆယ်ဗုံး ပေါက်ကွဲပြီး ၄ ယောက်သေဆုံးခဲ့တယ်လို့ မြို့ခံတွေဆီကနေ သိရပါတယ်။

ရေစကြိုမြို့ ထင်းတန်းရပ်ကွက်မှာ မနေ့က ည ၁၀ နာရီကျော်လောက် NLD ပါတီရဲ့ တက်ကြွလှုပ်ရှားသူ ကိုအေးလှိုင်ရဲ့ နေအိမ်ကို အမျိုးသားနှစ်ယောက် လာပစ်သွားတဲ့ ပါဆယ်ထုတ်အား ဖွင့်ဖောက်ရာမှာ ဗုံးပေါက်ကွဲခဲ့တာလို့ ဒေသခံတစ်ယောက်က DVB ကို ပြောပါတယ်။

အဲဒီပါဆယ်ဗုံးပေါက်ကွဲမှုကြောင့် ကိုအေးလှိုင်၊ ဇနီးဖြစ်သူ ဒေါ်မာမာစီ၊ သမီးဖြစ်သူ မအေးသင်း နဲ့ အိမ်နီးနာချင်းတစ်ယောက်ဖြစ်တဲ့ ဒေါ်စီတို့ သေဆုံးခဲ့တာဖြစ်ပြီး အမျိုးသမီး ၃ ယောက်က နေရာမှာတင် သေဆုံးကာ ကိုအေးလှိုင်ကတော့ ဆေးရုံရောက်မှ သေဆုံးခဲ့တာလို့ ဆိုပါတယ်။

အဲဒီ ပါဆယ်ထုပ်ကို ကုတ်အင်္ကျီအဖြူဝတ်ထားတဲ့ အမျိုးသား ၂ ယောက်က ဆိုင်ကယ်နဲ့ လာပစ်သွားတာလို့ သိရပြီး ဒလန် ပျူစောထီးခေါင်းဆောင် မာတာ ဆိုသူတို့ အဖွဲ့နဲ့ အကြမ်းဖက်စစ်အုပ်စုတွေပေါင်းပြီးတော့ လုပ်ကြံတာဖြစ်နိုင်တယ်လို့ ဒေသခံတွေက ခန့်မှန်းနေကြပါတယ်။

သေဆုံးသူ ကိုအေးလှိုင်ဟာ NLD ပါတီ အောင်နိုင်ရေး ကာလတစ်လျှောက်လုံး တက်ကြွစွာ ပါဝင်လှုပ်ရှားခဲ့သလို ရွေးကောက်ပွဲအပြီး ရပ်ကွက်ထဲပြုလုပ်ခဲ့တဲ့ အောင်ပွဲမှာလည်း သူရဲ့ နွားလှည်းနဲ့ လှည့်လည်ကခုန်ခဲ့သူတစ်ယောက်ဖြစ်တယ်လို့ သိရပါတယ်။

2 weeks Ago

October 11, 2021

အရာတော်မြို့က တက်ကြွလှုပ်ရှားသူပရဟိတ အမျိုးသမီးတစ်ဦး ဖမ်းဆီးခံရ

စစ်ကိုင်းတိုင်း၊ အရာတော်မြို့၊ အမှတ်(၃)ရပ်ကွက်မှာနေထိုင်တဲ့ တိုင်းရင်းဆေးကျောင်းသူ မခင်ငြိမ်းလွင်ကို အောက်တိုဘာ ၁၀ ရက်နေ့ညပိုင်းက သူ့ရဲ့နေအိမ်မှာ အကြမ်းဖက်စစ်တပ်က လာရောက်ဖမ်းဆီးခေါ်ဆောင်သွားသွားတယ်လို့ သိရပါတယ်။

ဒေသခံတစ်ဦးက “ကိုဗစ်တတိယလှိုင်းမှာ အောက်ဆီဂျင်စက်ဝယ်ယူနိုင်ရေး တက်တက်ကြွကြွ ပါဝင်ဆောင်ရွက်နေတဲ့ ပရဟိတသမားပါ။ သပိတ်စစ်ကြောင်းတွေမှာတော့ မုန့်ဝေတာတို့၊ ရေသန့်ဝေတာတို့တော့ လုပ်ခဲ့ဖူးတာပေါ့။ ဒါကြောင့်ဖမ်းသွားတယ် ထင်တာပဲ” လို့ ပြောပါတယ်။

အသက် ၂၂ နှစ်အရွယ် မခင်ငြိမ်းလွင်ဟာ  တိုင်းရင်းဆေးတက္ကသိုလ်ကျောင်းဆင်းတစ်ဦး ဖြစ်ပြီး တိုင်းရင်း‌ဆေးပညာနဲ့ ပြည်သူလူထုကို ကူညီကုသပေးနေသလို ပရဟိတလုပ်ငန်းတွေမှာလည်း တက်တက်ကြွကြွပါဝင်ဆောင်ရွက်လေ့ရှိတယ်လို့ ဆိုပါတယ်။

အရာတော်မြို့နယ်မှာ တော်လှန်ရေးကာလအတွင်း တက်ကြွလှုပ်ရှားသူလူငယ် ၂၀ လောက် ဖမ်းဆီးခံထားရတယ်လို့ သိရပါတယ်။

2 months Ago
More News
Up