ဌာနအသုံးစရိတ်

July 14, 2018

ဌာနအသုံးစရိတ် တောင်းခံမှု ပိုများနေဟု သမ္မတပြော

ဌာန၊ အဖွဲ့အစည်းတွေအနေနဲ့ အသုံးစရိတ်တွေ တောင်းခံရာမှာ ထုတ်လုပ်မှုတိုးတက်ဖို့နဲ့ တိုက်ရိုက်မဆိုင်တဲ့ ဌာနအသုံးစရိတ်တွေ တောင်းတာက ပိုများနေတယ်လို့ နိုင်ငံတော် သမ္မတက ပြောပါတယ်။ မနေ့က သမ္မတအိမ်တော်မှာ ပြုလုပ်တဲ့ ဘဏ္ဍာရေးကော်မရှင် အစည်းအဝေးမှာ ပြောခဲ့တာပါ။ ဌာနတွေအနေနဲ့ ရုံးသုံး စက်ကိရိယာဝယ်ယူတာ၊ ပရိဘောဂဝယ်ယူတာ စတဲ့ ဌာနအသုံးစရိတ်နဲ့ နိုင်ငံတော် ဖွံ့ဖြိုးတိုးတက်စေမယ့် စီမံကိန်းလုပ်ငန်း အသုံးစရိတ်တွေထဲမှာ ဌာနအတွက် အသုံးစရိတ် တောင်းခံတာ ပိုများနေတာကို တွေ့ရပြီး အတတ်နိုင်ဆုံး လျှော့ချသုံးစွဲဖို့ ပြောပါတယ်။ မနေ့က အစည်းအဝေးမှာ ၂၀၁၈-၁၉ ခု၊ ဘဏ္ဍာရေးနှစ် ပြည်ထောင်စုရဲ့ အရ/အသုံးခန့်မှန်းခြေ ငွေစာရင်းနဲ့ ၂၀၁၈-၁၉ ခု၊ ဘဏ္ဍာရေးနှစ် ပြည်ထောင်စုရဲ့ ဘဏ္ဍာငွေ အရ/အသုံးဆိုင်ရာ ဥပဒေကြမ်းတွေကို ဆွေးနွေးအတည်ပြုခဲ့တာပါ။ လာမယ့် ဘဏ္ဍာရေးနှစ်ဟာ ဘဏ္ဍာရေးနှစ်သစ်ပြောင်းလဲတဲ့ ပထမဦးဆုံး ဘတ်ဂျက်နှစ်ဖြစ်ပြီး ပြောင်းလဲသတ်မှတ် ဆောင်ရွက်တဲ့အတွက်ကြောင့် ရရှိလာမယ့် အကျိုးကျေးဇူးတွေဟာ ပြောင်းလဲလုပ်ဆောင်ဖို့ သုံးစွဲရမယ့် ကုန်ကျစရိတ်တွေထက် အဆများစွာသာလွန်နိုင်ပြီး နိုင်ငံတော်ရဲ့ စီးပွားရေး ဖွံ့ဖြိုးတိုးတက်စေဖို့ကို ပိုမိုေ ဆောင်ကျဉ်းပေးနိုင်မယ်လို့ ယုံကြည်တယ်လို့ သမ္မတက ပြောပါတယ်။ ငွေလုံးငွေရင်း အသုံးစရိတ်ပိုင်းမှာ ဘဏ္ဍာရေးနှစ်အတွင်းပြီးစီးအောင် အမှန်တကယ် အကောင်အထည်ဖော်နိုင်မယ့် လုပ်ငန်းတွေကိုအတွက် လျာထားတောင်းခံဖို့နဲ့ ဆောင်ရွက်ဆဲ ကိစ္စတွေအတွက် ဦးစားပေး ရေးဆွဲဖို့၊ တည်ဆောက်ရေးလုပ်ငန်းတွေအတွက်  မြေနေရာ ရရှိပြီးမှပဲ ရန်ပုံငွေတင်ပြ တောင်းခံကြဖို့၊ ဒီဇိုင်းပုံစံတွေရှိပြီး ဘဏ္ဍာရေးနှစ်အတွင်း တင်ဒါ ခေါ်ယူပြီးစီးနိုင်မယ့် လုပ်ငန်းတွေအတွက်ပဲ တင်ပြတောင်းခံကြဖို့ ပြောပါတယ်။ ပြီးတော့ အသုံးစရိတ်တွေ တောင်းခံရာမှာ ပြည်ထောင်စုက တောင်းခံမယ့် အသုံးစရိတ်တွေနဲ့ တိုင်းနဲ့ ပြည်နယ်တွေက တောင်းခံမယ့် အသုံးစရိတ်တွေ ထပ်မနေစေဖို့ ပြည်ထောင်စု အဆင့်နဲ့ တိုင်းနဲ့ပြည်နယ် အစိုးရတို့ ပေါင်းစပ်ညှိနှိုင်းဖို့ လိုတယ်လို့လည်း ပြောပါတယ်။ အခု ဘဏ္ဍာရေးကော်မရှင်က အတည်ပြုထားတဲ့ ၂၀၁၈-၁၉ ခု၊ ဘဏ္ဍာရေးနှစ် ပြည်ထောင်စုရဲ့ ဘဏ္ဍာငွေ အရ/အသုံးခန့်မှန်းခြေ ငွေစာရင်းမှာပါဝင်တဲ့ ရငွေနဲ့ အသုံး စရိတ်တွေနဲ့  ပတ်သက်ပြီး ပြည်ထောင်စုအဆင့်ဌာန၊ အဖွဲ့အစည်းတွေအနေနဲ့ လွှတ်တော် ကော်မတီအသီးသီးက စိစစ် မေးမြန်းတာတွေကို ခံယူရမှာ ဖြစ်ပြီး တိုင်းနဲ့ ပြည်နယ်အဆင့် ဌာန၊ အဖွဲ့အစည်းတွေ အနေနဲ့လည်း သက်ဆိုင်ရာ တိုင်းနဲ့ ပြည်နယ် လွှတ်တော်တွေရဲ့ စိစစ်မေးမြန်းတာ၊ ဆွေးနွေးသုံးသပ်တာတို့ကို ခံယူရမှာ ဖြစ်လို့ ကိုယ့်ဌာနရဲ့ ရငွေ/ သုံးငွေတွေကို အသေးစိတ် ပြည့်ပြည့်စုံစုံနဲ့ ခိုင်ခိုင်မာမာ ရှင်းလင်းတင်ပြနိုင်အောင် ပြင်ဆင်ထားကြဖို့ကိုလည်း မှာကြားပါတယ်။ ဒုတိယသမ္မတ ဦးမြင့်ဆွေကလည်း လာမယ့် အောက်တိုဘာမှ စတင်မယ့် ၂၀၁၈-၁၉ ခု၊ ဘဏ္ဍာရေးနှစ်အတွက်  ရတာထက် ပိုသုံးထားတဲ့ လိုငွေ ကျပ်သန်းပေါင်း ၅ သန်းလောက် ရှိမယ်လို့ ပြောပါတယ်။ နိုင်ငံတော်ရဲ့ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ကလည်း ဘတ်ဂျက်နဲ့ ပတ်သက်ပြီး လွှတ်တော်ထဲမှာ သေသေချာချာ အချိန်ပြည့်ပြည့်ဝဝ ဆွေးနွေးခွင့်ပေးမှပဲ အများပြည်သူတွေကလည်း ဘတ်ဂျက်နဲ့ ပတ်သက်ပြီး အကောင်းအဆိုး၊ အကျိုးအကြောင်းကို နားလည်မှာ ဖြစ်လို့ စီမံကိန်းနဲ့ ဘဏ္ဍာရေးဝန်ကြီးဌာန၊ သက်ဆိုင်ရာ လွှတ်တော်တွေ အနေနဲ့ လေးလေးနက်နက် စဉ်းစားသင့်တယ်လို့ ပြောပါတယ်။
3 years Ago
Up