ညောင်​​လေးပင်​

A d v e r t i s e m e n t With Us

April 16, 2020

ညောင်​​လေးပင်​တွင် COVID-19 ကာကွယ်တုံ့ပြန်ရေးနှင့် လုံခြုံရေးတိုးမြှင့်ဆောင်ရွက် 

ပဲခူးတိုင်းဒေသကြီး၊ ညောင်လေးပင်မြို့နယ်မှာ COVID-19 ရောဂါ အရေးပေါ် ကာကွယ်တုံ့ပြန်နိုင်ဖို့နဲ့ သင်္ကြန်ကာလမှုခင်း​တွေ ကျဆင်းစေဖို့ အရှိန်အဟုန်မြှင့် ဆောင်ရွက်နေတယ်လို့ မြို့နယ်ရဲတပ်ဖွဲ့မှူးရုံးက ပြောပါတယ်။ COVID-19 ရောဂါအရေးပေါ်ကာကွယ်တုံ့ပြန်နိုင်ဖို့ ကျေးရွာတွေအထိဆင်းကာ ကိုရိုနာ ဗိုင်းရပ်စ်နဲ့ပတ်သက်ပြီး အသိပညာပေးဟောပြောတာ၊ လက်ကမ်းစာစောင် ဖြန့်ဝေတာတွေလည်း ပြုလုပ်ခဲ့တယ်လို့ ဆိုပါတယ်။ အလုပ်လက်မဲ့​တွေ များ​ပြားလာ​ပြီး ဝင်​ငွေ​​ခက်ခဲ​မှုတွေ ရှိ​နေတာ​​​ကြောင့် ခိုးဆိုးလုယက်မှု​တွေ မဖြစ်ပေါ်စေဖို့ မြို့နယ်အတွင်းက နယ်​မြေအလိုက်ရဲတပ်ဖွဲ့ဝင်​တွေ၊ ရာအိမ်မှူး ဆယ်အိမ်မှူး​တွေ အ​ပြင်၊ အရပ်ဘက်အဖွဲ့အစည်း​တွေနဲ့အတူ လှည့်ကင်း၊ ဝတ်ကင်း၊ ပတ်ကင်း၊ ရပ်ကင်းတွေကို ​နေ့ညမပျက်အရှိန်အဟုန်မြှင့်ဆောင်ရွက်နေတာလို့ ညောင်လေးပင်မြို့နယ်ရဲတပ်ဖွဲ့မှူး ရဲမှူး သိန်းနိုင်က ပြောပါတယ်။ ဒါ့အပြင် သင်္ကြန်ကာလလူစုလူဝေးမဖြစ်ပေါ်စေဖို့၊ မူးယစ်ရမ်းကားမှုတွေ မဖြစ်ပေါ်စေဖို့၊ ရေ​ဆော့ကစားတာ​တွေ မ​ဖြစ်​ပေါ်​စေဖို့လည်း နယ်​မြေအလိုက် ရဲတပ်ဖွဲ့ဝင်တွေ ​ဖြန့်ကျက် ​စောင့်​ကြည့်စစ်ဆေးနေတယ်လို့ ဆိုပါတယ်။ "Faciality Quarantine စင်တာ​တွေမှာ စင်တာတခုကို ရဲတပ်ဖွဲ့ဝင်နှစ်​ယောက်​ နေ့ညမပျက် လုံခြုံရေး ချပေးထားတယ်။ COVID-19 အရေးပေါ်ကာကွယ်တုံ့​ပြန်နိုင်ဖို့ စင်တာတွေကို ညဘက်၊ ညဘက်တွေသွားရောက်ပြီး စင်တာရဲ့စည်ကမ်းတွေ မလိုက်နာတဲ့သူတွေ၊ စင်တာရဲ့ လိုအပ်ချက်တွေကို COVID-19 အရေးပေါ်ကော်မတီနဲ့ ညှိနှိုင်းဆောင်ရွက်မှုတွေ လုပ်နေပါတယ်” လို့ ရဲမှူး သိန်းနိုင်က ပြောပါတယ်။ ညောင်လေးပင်မြို့နယ်မှာ သင်္ကြန်ကာလ မူးယစ်ရမ်းကား ရေဆော့ကစားမှုတွေ ရှိနေပြီး ရဲတပ်ဖွဲ့တွေက လိုက်လံတားမြစ်တာ၊ ခံဝန်ကတိ ထိုးခိုင်းတာ၊ ဖမ်းဆီးအရေးယူတာတွေ ​ပြုလုပ်​နေပါတယ်။ သတင်း - နေလင်းထိုက်
11 months Ago
Up