ညောင်လေးပင်မြို့နယ်

October 5, 2021

ညောင်လေးပင်မြို့နယ်၌ ၂ ရက်ဆက်တိုက် Mytel တာဝါတိုင်များ မိုင်းခွဲဖျက်ဆီးခံရ

ပဲခူးတိုင်းဒေသကြီး၊ ညောင်လေးပင်မြို့နယ်၊ ပုဇွန်မြောင်းကျေးရွာရှိ စစ်တပ်ရဲ့ အကျိုးစီးပွား Mytel ဆက်သွယ်ရေးတာဝါတိုင်ကို အောက်တိုဘာ ၄ ရက်နေ့က မိုင်းထောင် ဖျက်ဆီးခဲ့တယ်လို့ ဒေသခံ PDF အဖွဲ့က ပြောပါတယ်။ 

"မနေ့ညကတည်းက ထောင်ထားတာဗျ၊ အခု (အောက်တိုဘာ ၄ ရက်)  ည ၁၁ နာရီ ၄၅ မိနစ် အချိန်​ရောက်မှ ထပေါက်တာ"လို့ ဖောက်ခွဲတိုက်ခိုက်လိုက်တဲ့  PDFအဖွဲ့ဝင်တစ်ဦးက ပြောပါတယ်။

ပုဇွန်မြောင်းကျေးရွာသားတစ်ဦးကလည်း “ဖောက်ခွဲသံအသံအကျယ်ကြီးဗျ၊ အိမ်တောင် လှုပ်သွားတယ်”လို့ ပြောပါတယ်။

အောက်တိုဘာ ၃ ရက်နေ့ကလည်း ညောင်လေးပင်မြို့နယ်ရှိ တာဝါတိုင် ၂ တိုင် တပြိုင်တည်း  တိုက်ခိုက်ဖျက်ဆီးခံရပါတယ်။ 

တခုလို့ နေ့စဉ် တာဝါတိုင်တွေဖျက်ဆီးခံရတဲ့အတွက် စစ်ကောင်စီရဲ့ လက်နက်ကိုင်တပ်တွေ ရောက်လာပြီး  ကျေးရွာမှာ ဝင်ရောက် စစ်ဆေးနေတယ်လို့ ဒေသခံတွေကပြောပါတယ်။ 

"စကစတာဝါတိုင်​တွေကို တိုက်ခိုက်တဲ့ဖြစ်စဉ်​တွေ ညောင်လေးပင်မြို့နယ်အတွင်း  နှစ်ရက် ဆက်တိုက်ဖြစ်သွားတော့ စကစတပ်တွေ ရွာထဲမှာ မိုးလင်းကတည်းက ခြေရူပ်နေကြတယ်။ ရွာသားတွေကလည်း တအားကို ကြောက်နေကြတာပေါ့"လို့  ရွာသားတစ်ဦးကပြောပါတယ်။

နပဲပင်ကျေးရွာရှိတာဝါတိုင်တတိုင်းနဲ့   နှင်းဝိသံတံတားကျေးရွာရှိ တာဝါတိုင်တတိုင် စုစု​ပေါင်း တာဝါတိုင် ၂ တိုင်  အောက်တိုဘာ ၃ ရက် ည ၁၂ နာရီလောက်က တချိန်တည်း တပြိုင်နက်တည်း မိုင်းခွဲ ဖျက်ဆီးခံရတာဖြစ်ပါတယ်။ 

4 months Ago

October 7, 2020

ညောင်လေးပင်မြို့နယ်တွင် ကိုဗစ်-၁၉  အတည်ပြုလူနာ ၅ ဦးတွေ့ရှိ

ပဲခူးတိုင်းဒေသကြီး၊ ညောင်လေးပင်မြို့နယ်မှာ ကိုဗစ်-၁၉ အတည်ပြုလူနာ ၅ ဦးတွေ့ရှိခဲ့တယ်လို့ မြို့နယ်ကျန်းမာရေးဦးစီးဌာနက ပြောပါတယ်။ အောက်တိုဘာ ၆ ရက်နေ့ညက ပြွန်တန်ဆာမြို့ အ.ထ.က ၁ ကွာရန်တင်းစင်တာက ၂ ဦး၊ ပိန်ဇလုပ်မြို့ ရေတွင်းကုန်းကျေးရွာ ကွာရန်တင်းစင်တာက ၁ ဦးမှာ ကိုဗစ်-၁၉ ရောဂါ စစ်ဆေး တွေ့ရှိခဲ့သလို  အောက်တိုဘာ ၇ ရက်မနက်ကတည်း ညောင်လေးပင်မြို့သဒ္ဓမ္မရံသီ ကွာရန်တင်းစင်တာက ၁ ဦး၊  မအူတန်းကျေးရွာ ကွာရန်တင်းစင်တာက ၁ ဦးတို့မှာ ကိုဗစ်-၁၉  ရောဂါ တွေ့ရှိခဲ့တာဖြစ်ပါတယ်။ အဆိုပါ အတည်ပြုလူနာသစ် ၅ ဦးစလုံးဟာ ကွာရန်တင်းဝင်ရောက်နေသူတွေဖြစ်ကြပြီး ရန်ကုန်က ပြန်လာသူ​တွေဖြစ်တယ်လို့ မြို့နယ် ဆေးရုံအုပ်ကြီးဒေါက်တာသောင်းဒန်ဦးက ဒီဗွီဘီ ကို ပြောပါတယ်။ လူနာ ၅ ဦးစလုံးဟာ ရောဂါလက္ခဏာ ပြသချင်းမရှိဘဲ ကိုဗစ်-၁၉  ပိုးတွေ့ရှိခဲ့တာဖြစ်ပြီး ရောဂါအခြေနေက စိုးရိမ်စရာမရှိတာကြောင့် ညောင်လေးပင်ပြည်သူ့ဆေးရုံမှာ ပဲကုသသွားမှာဖြစ်ပြီး ရောဂါအခြေအနေ ဆိုးလာမှသာ ပဲခူးကလိဆေးရုံကို ပို့ဆောင်သွားမယ်လို့ ဆိုပါတယ်။ လူနာတွေဟာ ချောင်းဆိုးဖျားနာတာ၊ အနံ့မရတာတွေမရှိကြဘူး။ အခုထိတော့ စိုးရိမ်စရာ မရှိသေးဘဲ လက်ရှိမှာ ညောင်လေးပင်ဆေးရုံမှာပဲထားပြီး ကုသပေးမှာဖြစ်ပြီး နောက်ပိုင်း နေရာ အခက်အခဲဖြစ်လာရင် တိုင်းဆေးရုံကို ပြောင်းရွေ့ကုသသွားမှာ ဖြစ်ပါတယ်။ ကိုဗစ်ဒုတိယလှိုင်းအတွင်း ညောင်လေးပင်မြို့နယ်မှာ  ကိုဗစ်-၁၉ အတည်ပြုလူနာ ၆ ဦး ရှိပြီး လူနာအားလုံးဟာ ညောင်လေးပင် ပြည်သူ့ဆေးရုံမှာ ဆေးကုသမှုခံယူနေကြကာ ကျန်းမာရေး အခြေအနေ ကောင်းတယ်လို့ သိရပါတယ်။ သတင်း - နေလင်းထိုက်
1 year Ago
More News
Up