ညီနောင်မဟာမိတ် ၃ ဖွဲ့

A d v e r t i s e m e n t With Us

March 1, 2020

တဖက်သက် အပစ်ရပ်သက်တမ်းတိုးကြောင်း ညီနောင်မဟာမိတ် ၃ ဖွဲ့ကြေညာ

လက်ရှိ ရခိုင်ပြည်နယ်မှာ တပ်မတော်နဲ့ တိုက်ပွဲတွေဖြစ်နေတဲ့ အေအေ အပါအဝင် ညီနောင်မဟာမိတ် ၃ ဖွဲ့က တဖက်သတ် အပစ်ရပ်တာကို သက်တမ်းတိုးတယ်လို့ ၄ ကြိမ် မြောက် ကြေညာလိုက်ပါတယ်။ ရက္ခိုင့်တပ်မတော် အေအေ၊ မြန်မာအမျိုးသားဒီမိုကရက်တစ်မဟာမိတ်တပ်မတော် MNDAA ကိုးကန့်တပ်ဖွဲ့နဲ့ တအာင်းအမျိုးသားလွတ်မြောက်ရေးတပ်ဦးတို့ဟာ မတ် ၁ ရက်ကနေ ၂၅ ရက်အထိ အပစ်ရပ်တယ်လို့ ဒီနေ့ ထုတ်ပြန်လိုက်တာပါ။ ၂၀၂၀ ပြည့်နှစ်ရွေးကောက်ပွဲမှာ ငြိမ်းချမ်းတဲ့ ပတ်ဝန်းကျင်ကို တည်ဆောက်နိုင်ပြီး ပြည်တွင်း စစ်မီးချုပ်ငြိမ်းစေဖို့၊ အပစ်အခတ် ရပ်ဆိုင်းရေးဆိုင်ရာစာချုပ် လက်မှတ်ထိုးနိုင်မယ့် တွေ့ဆုံဆွေးနွေးရေးကို လက်တွေ့ကျကျလုပ်နိုင်ဖို့၊ လက်ရှိရင်ဆိုင်နေရတဲ့ ကိုရိုနာဗိုင်းရပ်စ်ရောဂါကို စုပေါင်းရင်ဆိုင်ရာမှာ အထောက်အကူဖြစ်စေဖို့ ဖြစ်တယ်လို့ ဆိုပါတယ်။ အေအေနဲ့ တိုက်ပွဲတွေဖြစ်နေသလို တအာင်း၊ ကိုးကန့်ဒေသတွေမှာလည်း တပ်မတော်က စစ်ဆင်ရေးတွေ လုပ်နေတာကြောင့် ထိုးစစ်ကို စောင့်ကြည့်နိုင်ဖို့ အခုလို ရက်အကန့်အသတ်နဲ့ ကြေညာတာလို့ ဆိုပါတယ်။ တပ်မတော်အနေနဲ့ တိုင်းရင်းသားလက်နက်ကိုင်အဖွဲ့တွေနဲ့ အပစ်အခတ်ရပ်စဲရေး စာချုပ် အမြန်ဆုံး လက်မှတ်ထိုးဖို့လည်း သူတို့က တိုက်တွန်းထားပါတယ်။ အခုကြေညာထားတဲ့ကာလမှာ မဟာမိတ်အဖွဲ့တွေထဲက တဖွဲ့ဖွဲ့ကို တပ်မတော်က ထိုးစစ် ဆင်လာတယ်ဆိုရင်တော့ ပြန်ပြီးခုခံသွားမယ်လို့လည်း ဆိုပါတယ်။ မဟာမိတ် ၃ ဖွဲ့ဟာ ၂၀၁၉ ခုနှစ် စက်တင်ဘာ ၉ ရက်ကစလို့ တဖက်သတ်အပစ်ရပ်တယ်လို့ ကြေညာခဲ့ပြီး ၃ ကြိမ် သက်တမ်းတိုးခဲ့ပေမယ့် တိုက်ပွဲတွေကတော့ ဆက်ဖြစ်နေခဲ့တာပါ။
11 months Ago

August 25, 2019

တိုက်ပွဲဖြစ်ဒေသတွင် နေထိုင်ကြသူများ ဗုံးခိုကျင်းများ တူးရန် ညီနောင်မဟာမိတ် ၃ ဖွဲ့ထုတ်ပြန်

ရှမ်းပြည်နယ်မြောက်ပိုင်း တိုက်ပွဲဖြစ်ရာဒေသမှာ နေထိုင်ကြသူတွေအနေနဲ့ ဗုံးခိုကျင်းတွေ တူးထားဖို့၊ တိုက်ပွဲဖြစ်နေချိန် ခရီးသွားမယ့် သတင်းသမားတွေ၊ လူမှုကူညီရေးနဲ့ ဒေသခံတွေအနေနဲ့ ညီနောင် မဟာမိတ်တပ်တွေကို ဆက်သွယ် အကူအညီတောင်းနိုင်တယ်လို့ ဒီနေ့ ထုတ်ပြန်ပါတယ်။ မန္တလေးတိုင်း ပြင်ဦးလွင်မှာ စခဲ့တဲ့ ရခိုင်လက်နက်ကိုင်အဖွဲ့ AA၊ တအာင်းလက်နက်ကိုင်အဖွဲ့ TNLA နဲ့ ကိုးကန့်လက်နက်ကိုင်အဖွဲ့ MNDAA  တို့ရဲ့ တပ်မတော်ကို တိုက်ခိုက်တာကနေ ရှမ်းပြည်နယ်မြောက်ပိုင်း မြို့နယ်တွေမှာ နေ့တိုင်းဆိုသလို တိုက်ပွဲတွေ ဖြစ်နေတာပါ။ ဒီတိုက်ပွဲတွေကြားမှာ ဒဏ်ရာရ၊ သေဆုံးသူတွေကိုသွားသယ်တဲ့ ပရဟိတကား ၂ စီး တိုက်ပွဲကြားမှာ ပစ်ခတ်ခံခဲ့ရသလို မိုင်းထိခဲ့လို့ လူတယောက် သေဆုံးခဲ့ပါတယ်။ မြန်မာ့တပ်မတော်ဟာ လက်ရှိမှာ ပုံမှန်သုံးနေကျ သယ်ယူပို့ဆောင်ရေးလမ်းကြောင်းတွေကို မသုံးတော့ဘဲ အရပ်သား၊ ပြည်သူ့စစ်ပုံစံမျိုးနဲ့ အရပ်သားကားတွေသုံးတာ၊ ပရဟိတနဲ့ လူမှုကူညီ ကယ်ဆယ်ရေးကားတွေကို သုံးတာတွေ့ရတယ်လို့ ညီနောင်မဟာမိတ် ၃ ဖွဲ့ရဲ့ ထုတ်ပြန်ချက်မှာ ဖော်ပြထားပါတယ်။ တိုက်ပွဲဖြစ်ဒေသတွေက ပြည်သူတွေအနေနဲ့ အနေအထိုင်အသွားအလာဆင်ခြင်ဖို့ သူတို့က အလေးအနက် အသိပေးထားသလို လုံခြုံတဲ့ ဗုံးခိုကျင်းတွေတူးထားဖို့၊ တိုက်ပွဲဖြစ်တဲ့အသံ၊ သေနတ်သံတွေ ကြားရင် အပြင်မှာ သွားလာမနေဘဲ ဗုံးခိုကျင်းထဲမှာ နေဖို့ကိုလည်း အကြံပြုထားပါတယ်။ ခရီးသွားတွေ၊ သတင်းမီဒီယာတွေ၊ လူမှုကူညီရေး အသင်းအဖွဲ့တွေအနေနဲ့ တိုက်ပွဲဖြစ်နေတဲ့ ကာလမှာ လမ်းခရီးအခြေအနေတွေကို သေသေချာချာ လေ့လာစုံစမ်းပြီးမှ သွားကြဖို့နဲ့ အကူအညီလိုရင်လည်း သက်ဆိုင်ရာဒေသမှာ တာဝန်ယူ လှုပ်ရှားနေတဲ့ ညီနောင်မဟာမိတ် တပ်တွေကို ဆက်သွယ် အကူညီရယူနိုင်တယ်လို့ ဆိုပါတယ်။ ~~~~~~~~~~~~~~~~~~~~~~~~~~~~~~~~~~~~~~ Zawgyi_version တိုက္ပြဲျဖစ္ေဒသတြင္ ေနထိုင္ၾကသူမ်ား ဗုံးခိုက်င္းမ်ား တူးရန္ ညီေနာင္မဟာမိတ္ ၃ ဖြဲ႕ထုတ္ျပန္ ရွမ္းျပည္နယ္ေျမာက္ပိုင္း တိုက္ပြဲျဖစ္ရာေဒသမွာ ေနထိုင္ၾကသူေတြအေနနဲ႔ ဗုံးခိုက်င္းေတြ တူးထားဖို႔၊ တိုက္ပြဲျဖစ္ေနခ်ိန္ ခရီးသြားမယ့္ သတင္းသမားေတြ၊ လူမႈကူညီေရးနဲ႔ ေဒသခံေတြအေနနဲ႔ ညီေနာင္ မဟာမိတ္တပ္ေတြကို ဆက္သြယ္ အကူအညီေတာင္းႏိုင္တယ္လို႔ ဒီေန႔ ထုတ္ျပန္ပါတယ္။ မႏၲေလးတိုင္း ျပင္ဦးလြင္မွာ စခဲ့တဲ့ ရခိုင္လက္နက္ကိုင္အဖြဲ႕ AA၊ တအာင္းလက္နက္ကိုင္အဖြဲ႕ TNLA နဲ႔ ကိုးကန႔္လက္နက္ကိုင္အဖြဲ႕ MNDAA  တို႔ရဲ႕ တပ္မေတာ္ကို တိုက္ခိုက္တာကေန ရွမ္းျပည္နယ္ေျမာက္ပိုင္း ၿမိဳ႕နယ္ေတြမွာ ေန႔တိုင္းဆိုသလို တိုက္ပြဲေတြ ျဖစ္ေနတာပါ။ ဒီတိုက္ပြဲေတြၾကားမွာ ဒဏ္ရာရ၊ ေသဆုံးသူေတြကိုသြားသယ္တဲ့ ပရဟိတကား ၂ စီး တိုက္ပြဲၾကားမွာ ပစ္ခတ္ခံခဲ့ရသလို မိုင္းထိခဲ့လို႔ လူတေယာက္ ေသဆုံးခဲ့ပါတယ္။ ျမန္မာ့တပ္မေတာ္ဟာ လက္ရွိမွာ ပုံမွန္သုံးေနက် သယ္ယူပို႔ေဆာင္ေရးလမ္းေၾကာင္းေတြကို မသုံးေတာ့ဘဲ အရပ္သား၊ ျပည္သူ႔စစ္ပုံစံမ်ိဳးနဲ႔ အရပ္သားကားေတြသုံးတာ၊ ပရဟိတနဲ႔ လူမႈကူညီ ကယ္ဆယ္ေရးကားေတြကို သုံးတာေတြ႕ရတယ္လို႔ ညီေနာင္မဟာမိတ္ ၃ ဖြဲ႕ရဲ႕ ထုတ္ျပန္ခ်က္မွာ ေဖာ္ျပထားပါတယ္။ တိုက္ပြဲျဖစ္ေဒသေတြက ျပည္သူေတြအေနနဲ႔ အေနအထိုင္အသြားအလာဆင္ျခင္ဖို႔ သူတို႔က အေလးအနက္ အသိေပးထားသလို လုံၿခဳံတဲ့ ဗုံးခိုက်င္းေတြတူးထားဖို႔၊ တိုက္ပြဲျဖစ္တဲ့အသံ၊ ေသနတ္သံေတြ ၾကားရင္ အျပင္မွာ သြားလာမေနဘဲ ဗုံးခိုက်င္းထဲမွာ ေနဖို႔ကိုလည္း အႀကံျပဳထားပါတယ္။ ခရီးသြားေတြ၊ သတင္းမီဒီယာေတြ၊ လူမႈကူညီေရး အသင္းအဖြဲ႕ေတြအေနနဲ႔ တိုက္ပြဲျဖစ္ေနတဲ့ ကာလမွာ လမ္းခရီးအေျခအေနေတြကို ေသေသခ်ာခ်ာ ေလ့လာစုံစမ္းၿပီးမွ သြားၾကဖို႔နဲ႔ အကူအညီလိုရင္လည္း သက္ဆိုင္ရာေဒသမွာ တာဝန္ယူ လႈပ္ရွားေနတဲ့ ညီေနာင္မဟာမိတ္ တပ္ေတြကို ဆက္သြယ္ အကူညီရယူႏိုင္တယ္လို႔ ဆိုပါတယ္။
1 year Ago
Up