ညအချိန် ဟိုတယ်ရေကူးကန်ထဲ မိကျောင်းတိုက်ခိုက်ခံရသည့် စုံတွဲ (ရုပ်သံ)

November 2, 2016

ညအချိန် ဟိုတယ်ရေကူးကန်ထဲ မိကျောင်းတိုက်ခိုက်ခံရသည့် စုံတွဲ (ရုပ်သံ)

စုံတွဲတတွဲဟာ ညအချိန် ဟိုတယ်ရေကူးကန်ထဲ ရေဆင်းကူးချိန်မှာ အရှည် ၆ ပေ ရှိတဲ့ မိကျောင်းတကောင်တိုက်ခိုက်ခံခဲ့ရပါတယ်။ အဲဒီအဖြစ်အပျက်ကို စီစီတီဗွီကင်မရာမှတဆင့် ဖမ်းယူရရှိခဲ့တာဖြစ်ပြီး မိကျောင်းဟာ တွားသွားနေရာမှတဆင့် ဘွားကနဲပေါ်လာခဲ့ကာ ရုတ်တရက်ပဲ သူတို့ ၂ ဦးဆီ ဦးတည် တိုက်ခိုက်ဖို့ ပြေးဝင်သွားခဲ့တာကို တွေ့ရပါတယ်။ အဲဒီအချိန်မှာ စုံတွဲထဲမှ အမျိုးသားကတော့ ရေကူးကန်ဘောင်ပေါ်ကို အလျင်အ မြန်လှမ်းခုန်တက်နိုင်ခဲ့ပေမယ့် အမျိုးသမီးကတော့ ရုတ်တရက် မတက်နိုင်သေးပဲ ရှိနေခဲ့တာပါ။ မိကျောင်းကြီးဟာ ရေကန်ရဲ့ တဖက်ခြမ်းဆီ ကူးခပ်နေချိန်မှာတော့ အမျိုးသမီးက ကန်ဘောင်ပေါ်ကို ကုတ်တွယ်ဖက်တက်ခဲ့ပြီး လွတ်မြောက်သွားခဲ့ပါတယ်။ မိကျောင်းကြီးကတော့ ရေထဲမှာ ကျန်နေခဲ့တာကို တွေ့ရပြီး သူတို့စုံတွဲကတော့ လမ်းလျှောက်သွားခဲ့တာကို ရုပ်သံဗွီဒီယိုဖိုင်ထဲမှာ တွေ့ရပါတယ်။ ဒီအဖြစ်အပျက်ဟာ အောက်တိုဘာလ ၂၈ ရက်နေ့က ဇင်ဘာဘွေနိုင်ငံ၊ ကရီဘာ မြို့မှ ဟိုတယ်တခုမှာ ဖြစ်ခဲ့တာဖြစ်ပြီး သူတို့စုံတွဲဟာ ထိခိုက်ဒဏ်ရာရရှိသွားတာမျိုး ရှိမ ရှိကိုတော့ မသိရဘူးလို့ ဆိုပါတယ်။ ဒီရုပ်သံဗွီဒီယိုဖိုင်ကို ယူကျုဘ်အင်တာနက်စာမျက်နှာပေါ်မှတဆင့် မျှဝေခဲ့ချိန်မှာတော့ ၀င်ရောက်ကြည့်ရှုသူတွေ ထောင်နဲ့ချီပြီး ရှိနေခဲ့တယ်လို့ မေရာသတင်းတပုဒ်မှာ ဖော်ပြပါတယ်။ ပြီးခဲ့တဲ့လ အစောပိုင်းတုန်းကလည်း သြစတြေးလျအနောက်ပိုင်းမှာ အသက် ၁၄ နှစ်အရွယ် ဆယ်ကျော်သက်တဦးဟာ မိဘတွေနဲ့အတူ ရေကူးနေချိန်မှာ မိကျောင်းတ ကောင်က တိုက်ခိုက်တာ ခံခဲ့ရပါသေးတယ်။ မိကျောင်းကိုက်ခံရတဲ့အတွက် သူ့ရဲ့ မျက်ခုံးနဲ့ အစာအိမ်မှာ ထိခိုက်ဒဏ်ရာတွေ ရရှိခဲ့ပြီးနောက် ဆေးကုသခံခဲ့ရတာပါ။
5 years Ago
Up