ညမထွက်ရအမိန့်

August 22, 2021

သီရိလင်္ကာတွင် ညမထွက်ရအမိန့်ထုတ်၊ သွားလာခွင့် ၁၀ ရက်ကြာ ကန့်သတ်

သီရိလင်္ကာအစိုးရက ကိုရိုနာဗိုင်းရပ်စ် ကူးစက်မှုထိန်းချုပ်ဖို့ သြဂုတ် ၂၀ ရက်ညက စပြီး ၁၀ ရက်ကြာ  အသွားအလာ ပိတ်ဆို့ ကန့်သတ်ကြောင်း ကြေညာလိုက်ပါတယ်။

သီရိလင်္ကာမှာ သြဂုတ် ၂၀ ရက်က ကိုဗစ်-၁၉ ရောဂါ အသစ်ကူးစက်ခံ ၈၆၁၄ ယောက်နဲ့ ကူးစက်ခံ သေဆုံးသူ ၁၈၆ ယောက် ရှိတယ်လို့ ရိုက်တာသတင်းဌာနက ဖော်ပြပါတယ်။

သြဂုတ် ၂၃ ရက်က စပြီးနေ့တိုင်း ည ၁၀ နာရီမှ မနက် ၄ နာရီထိ ညမထွက်ရ အမိန့်ကိုလည်း ထုတ်ပြန်ခဲ့ပါတယ်။

လူဦးရေ ၂၂ သန်း ရှိတဲ့ သီရိလင်္ကာနိုင်ငံက ဆေးရုံတွေအတွင်း ကိုဗစ်-၁၉ ကပ်ရောဂါ ကူးစက်ခံ လူနာတွေ ပြည့်လာနေလို့  ဆေးဘက် ပညာရှင်တွေ၊ ဘာသာရေးခေါင်းဆောင်တွေနဲ့ စီးပွားရေးသမားတွေက ကူးစက်မှု ထိန်းချုပ်ရေး ပြည်လုံးကျွတ် အသွားအလာ ပိတ်ဆို့ ကန့်သတ်ဖို့ ဆော်သြခဲ့ကြတာပါ။

နည်းနည်းပို အနစ်နာခံနိုင်ရေး ပြင်ဆင်ထားဖို့ ပြည်သူတိုင်းကို မေတ္တာရပ်ခံပါတယ်လို့ သမ္မတက သောကြာနေ့က လူထုကို ပြောတဲ့ မိန့်ခွန်းမှာ ပြောခဲ့ပါတယ်။

“ပြည်သူ ၄၃ ရာခိုင်နှုန်း ကာကွယ်ဆေး ထိုးပြီးပြီ စက်တင်ဘာ ၁၀ ရက်ကစပြီး ဒုတိယ ကာကွယ်ဆေးကို ပြည်သူ အားလုံးကို ထိုးပေးမယ်”လို့ သမ္မတက ပြောပါတယ်။

သီရိလင်္ကာနိုင်ငံမှာ မနှစ်က ကပ်ရောဂါ စတည်းက ခုထိ ကူးစက်ခံစုစုပေါင်း  ၃၇၃၀၀၀  ကျော် ရှိပြီး ကူးစက်ခံသေဆုံးသူ ဦးရေ ၆၇၉၀ ထိရှိထားတယ်လို့ ရိုက်တာ သတင်းဌာနက သြဂုတ် ၂၁ ရက်မှာ ဖော်ပြခဲ့ပါတယ်။ 

4 weeks Ago

June 13, 2021

သံတောင်ကြီးမြို့နယ်တွင် ညမထွက်ရ အမိန့်ထုတ်ပြန်

တိုက်ပွဲတွေဖြစ်ပွားနေတဲ့ ကရင်ပြည်နယ်၊ သံတောင်ကြီးမြို့နယ်အတွင်း အကြမ်းဖက်စစ်ကောင်စီက ပုဒ်မ ၁၄၄ ညမထွက်ရ အမိန့် ထုတ်ပြန်လိုက်ပါတယ်။

မြို့နယ်အတွင်း လူတချို့က  အများပြည်သူတွေရဲ့ တရားဥပဒေစိုးမိုးရေးကို ထိခိုက်ပျက်ပြားအောင် ဆောင်ရွက်နေတယ်ဆိုပြီး  လူ ၅ ဦးထက် ပိုမစုရအပြင် ညမထွက်ရအမိန့်ကို ဇွန် ၁၁ ရက် နေ့စွဲ့နဲ့  စစ်ကောင်စီလက်အောက်ခံ မြို့နယ်အုပ်ချုပ်ရေးမှူးက ထုတ်ပြန်လိုက်တာပါ။

အကြမ်းဖက်စစ်ကောင်စီရဲ့တပ်တွေနဲ့ အမည်မသိလက်နက်ကိုင်အဖွဲ့တွေနဲ့ နေ့စဉ်တိုက်ပွဲ ဖြစ်ပွားနေတာကြောင့် ထိန်းချုပ်လိုတဲ့အတွက် အခုလို ထုတ်ပြန်လိုက်တာ ဖြစ်နိုင်တယ်လို့ ဒေသခံတွေက ဆိုပါတယ်။

"မြို့ကို အကြမ်းဖက်စစ်တပ်တွေ ဝင်ရောက်လာပြီးနောက်ပိုင်း နေ့စဉ်တိုက်ပွဲဖြစ်နေတာ။ အရင် အေးဆေးတဲ့ မြို့က အခုတော့ ယမ်းငွေ့တဝေဝေနဲ့ ဆူညံနေပြီ။ အခုလည်း ထပ်ပြီတော့ ည မထွက်ရ အမိန့်ထုတ်ပြန်ပြီး ထိန်းချုပ်ကန့်သတ်ဖို့ ထုတ်ပြန်တာလို့ပဲ မြင်တယ်"လို့ သံတောင် မြို့ခံက ပြည်သူတစ်ဦးက ပြောပါတယ်။

အကြမ်းဖက်စစ်ကောင်စီ လက်အောက်ခံ တပ်မ ၆၆ ဟာ  ကရင်ပြည်နယ် သံတောင်ကြီး ဒေသကနေတဆင့် ကယားပြည်နယ်ဘက်ကို ဝင်ရောက်လာပြီးနောက် သံတောင်ကြီးဒေသမှာ နေ့စဉ်တိုက်ပွဲတွေ ဖြစ်ပွားနေတာပါ။

3 months Ago
More News
Up