ဇီယက်ချ်

November 2, 2020

ဇီယက်ချ် အပေါ် မျှော်လင့်ချက် အများကြီးထားရှိဟု ချဲလ်ဆီးနည်းပြ ပြော

ကစားသမားသစ် ဇီယက်ချ်အပေါ် မျှော်လင့်ချက်တွေ အများကြီးထားရှိတယ်လို့ ချဲလ်ဆီးနည်းပြ လမ်းပတ်က ပြောပါတယ်။ မော်ရိုကိုတိုက်စစ်မှူးမှာ ဇီယက်ချ်ဟာ အခုနှစ် အပြောင်းအရွှေ့ကာလက အေဂျက်ဇ်ကနေ ပြောင်းရွှေ့လာပြီး အစောပိုင်းမှာ ဒဏ်ရာပြဿနာတွေကြောင့် ရုန်းကန်ခဲ့ရပါတယ်။  စနေနေ့က ဘန်လေနဲ့ ကစားခဲ့တဲ့ပွဲစဉ်မှာ  ဦးဆောင်ဂိုး စတင်သွင်းယူခဲ့တဲ့ ဇီယက်ချ်ဟာ  အသင်းအတွက် ကွဲပြားခြားနားတဲ့ အရာတွေကို ယူဆောင်လာခဲ့တယ်လို့ နည်းပြလမ်းပတ်က ပြောပါတယ်။ ဇီယက်ချ်ရဲ့ အရည်အချင်းတွေအားလုံးကို သိရှိပြီး  အသင်းအတွက် အရေးပါသူလည်း ဖြစ်တယ်လို့ လမ်းပတ်က ချီးကျူးပါတယ်။ အသက် ၂၇ နှစ်ရှိ ဇီယက်ချ်ဟာ လက်ရှိအချိန်အထိ အသင်းအတွက် စုစုပေါင်း ၃ ပွဲသာ ကစားရသေးပြီး ဘန်လေနဲ့ပွဲစဉ်မှာ ပထမဆုံး ဂိုးသွင်းယူနိုင်ခဲ့တာ ဖြစ်ပါတယ်။
1 year Ago

August 31, 2020

ဇီယက်ချ် ဒူးဒဏ်ရာမပြင်းထန်ရန် ချဲလ်ဆီးနည်းပြ မျှော်လင့်

တောင်ပံတိုက်စစ်ကစားသမား ဇီယက်ချ်ရဲ့ ဒဏ်ရာမပြင်းထန်ဖို့ မျှော်လင့်တယ်လို့ ချဲလ်ဆီး နည်းပြလမ်းပတ်က ပြောပါတယ်။  အေဂျက်ဇ်ကနေ ခေါ်ယူထားတဲ့ ဇီယက်ချ်ဟာ သူ့ရဲ့ပထမဆုံးပွဲစဉ်အဖြစ်  သြဂုတ် ၂၉ ရက်က ဘရိုက်တန်နဲ့ ခြေစမ်းပွဲမှာ ပွဲထွက်ကစားခဲ့ပါတယ်။  ဒူးဒဏ်ရာကြောင့် ပွဲချိန် ၅၄ မိနစ်မှာ လူစားလဲခဲ့ရပြီး ဒဏ်ရာမပြင်းထန်ဖို့မျှော်လင့်တယ်လို့ နည်းပြလမ်းပတ်က ပြောပါတယ်။  ဇီယက်ချ်ဟာ ဒူးမှာ ထိခိုက်မှုဖြစ်ခဲ့ပြီး သေးငယ်တဲ့ အဆစ်လွဲသွားသလို ပုံစံဖြစ်ခဲ့ပေမယ့် ပြန်လည်စစ်ဆေးရမယ်လို့ ဆိုပါတယ်။  ချဲလ်ဆီးအသင်းဟာ ဘရိုက်တန်နဲ့ ခြေစမ်းပွဲမှာ ၁ ဂိုးစီသရေကျခဲ့ပြီး အဖွင့်ဂိုးကို တိုက်စစ်မှူးသစ် တီမိုဝါနာက သွင်းယူပေးခဲ့ပါတယ်။  ချဲလ်ဆီးအသင်းဟာ မော်ရိုကိုကစားသမား ဇီယက်ချ်ကို ပေါင် ၃၅ သန်းနဲ့ ပြီးခဲ့တဲ့ ဇန်နဝါရီအပြောင်းအရွှေ့ကတည်းက ကြိုတင်ခေါ်ယူနိုင်ခဲ့တာပါ။
1 year Ago
Up