ဇီဒန်း

November 28, 2021

နည်းပြပြောင်းလဲရန် မရှိကြောင်း PSG ဒါရိုက်တာပြော

ပီအက်စ်ဂျီအသင်းအနေနဲ့ ဇန်နဝါရီအပြောင်းအရွှေ့မှာ နည်းပြပြောင်းလဲသွားဖို့ မရှိသလို သတင်းတွေ ထွက်ပေါ်နေတဲ့ ဇီဒန်းနဲ့ ဆက်သွယ်တာလည်း မရှိကြောင်း အသင်းဒါရိုက်တာ လီယိုနာဒိုက ပြောပါတယ်။ 

ပီအက်စ်ဂျီအသင်းဟာ နည်းပြ ပိုချက်တီနိုကို ယူနိုက်တက်အသင်းဆီ ထွက်ခွာခွင့်ပြုဖို့ အသင့်ရှိနေပြီး အပြောင်းအလဲလုပ်ဖို့ ရှိတယ်လို့ သတင်းတွေထွက်ပေါ်ခဲ့တာပါ။ 

အသင်းဒါရိုက်တာ လီယိုနာဒိုကတော့ အဲဒီသတင်းတွေကို ငြင်းဆိုသွားခဲ့ပြီး ဇီဒန်းနဲ့ ဆက်သွယ်တာမရှိသလို ပိုချက်တီနိုနဲ့လည်း လမ်းခွဲဖို့မရှိကြောင်း အတည်ပြုခဲ့တာပါ။ 

“ပိုချက်တီနို ထွက်ခွာမှာ မလိုချင်သလို သူ့ဘက်ကလည်း ထွက်ခွာဖို့ တောင်းဆိုတာ ဘယ်တုန်းကမှ မရှိခဲ့ပါဘူး။ ဘယ်အသင်းကမှလည်း သူ့ကို ဆက်သွယ်တာမရှိပါဘူး။ ဇီဒန်းကို ကစားသမားအနေနဲ့ရော၊ နည်းပြအနေနဲ့ပါ လေးစားပေမယ့် သေချာတာကတော့ သူနဲ့ဆက်သွယ်တာ၊ ဆွေးနွေးတာ ဘာမှမရှိပါဘူး” လို့ လီယိုနာဒိုက ပြောပါတယ်။ 

နည်းပြပိုချက်တီနိုကိုယ်တိုင်ကလည်း သတင်းတွေက ကောလာဟလသာဖြစ်ပြီး အဲဒီလို သတင်းတွေနဲ့ အသားကျနေပြီဖြစ်ကြောင်း၊ ပီအက်စ်ဂျီအတွက်ပဲ အာရုံစိုက်ထားကြောင်း ရှင်းလင်းခဲ့ပါတယ်။

1 year Ago

October 26, 2021

နည်းပြဆိုးလ်ရှား နေရာအစားထိုးရန် နာမည်ကြီးနည်းပြ ၄ ဦးကို မန်ယူအသင်း လျာထား

ရလဒ်တွေဆိုးဝါးနေတဲ့ မန်ယူနိုက်တက်အသင်းဟာ နည်းပြဆိုးလ်ရှားနေရာမှာ အစားထိုးဖို့ နာမည်ကြီးနည်းပြ ၄ ဦးကို  လျာထားပါတယ်။ 

အသင်းပိုင်ရှင်တွေဟာ အသင်းအမှုဆောင်အရာရှိချုပ် အက်ဒ်ဝုဝါ့ဒ်နဲ့ ဆွေးနွေးမှုတွေ ပြုလုပ်ခဲ့ပြီး ဆိုးလ်ရှားကို ထုတ်ပယ်မလားဆိုတာ ညှိနှိုင်းမှုတွေလုပ်ဆောင်ခဲ့တယ်လို့သိပါတယ်။ 

ဒါကြောင့် နည်းပြဆိုးလ်ရှားရဲ့ အနာဂတ်ဟာ မတည်မငြိမ်ဖြစ်လာခဲ့ပြီး နည်းပြ ၄ ဦးအထိ လျာထားစာရင်းမှာပါဝင်နေတယ်လို့ The Sun သတင်းမှာဖော်ပြပါတယ်။

အဲဒီစာရင်းမှာ ချဲလ်ဆီးနဲ့ အင်တာမီလန်အသင်းတွေမှာ အောင်မြင်မှုရယူနိုင်ခဲ့တဲ့ အီတလီနည်းပြ ကွန်တီက ရေပန်းအစားဆုံးဖြစ်နေပြီး ဆွေးနွေးမှုတွေ စတင်လုပ်ဆောင်နေတယ်လို့ ဆိုပါတယ်။ 

ကွန်တီနဲ့ အဆင်မပြေခဲ့ဘူး ဆိုရင်တော့ လက်စတာနည်းပြ ဘရန်ဒန်ရော်ဂျာ၊ အေဂျက်ဇ်နည်းပြ အဲရစ်တန်ဟက်ချ်နဲ့ ရီးရဲလ်နည်းပြဟောင်း ဇီဒန်းတို့ကို ဆက်သွားညှိနှိုင်းသွားမယ်လို့သိရပါတယ်။

အဲဒီလျာထားစာရင်းမှာ ကွန်တီနဲ့ ဇီဒန်းတို့က အသင်းလက်မဲ့ဖြစ်နေတာကြောင့် အပြောင်းအရွှေ့ဖြစ်မြောက်ဖို့ ပိုပြီးနီးစပ်နေပါတယ်။

1 year Ago
More News
Up