ဇင်ဘာဘွေ

March 22, 2019

ဆိုင်ကလုန်းမုန်တိုင်းကြောင့် ဇင်ဘာဘွေတွင် သေဆုံးသူ ၁၃၉ ဦးအထိ မြင့်တက်

ဇင်ဘာဘွေနိုင်ငံမှာ ဆိုင်ကလုန်းမုန်တိုင်း အိုင်ဒေးကြောင့် မတ်လ ၂၁ ရက်နေ့အထိ သေဆုံးသူ ၁၃၉ ဦးအထိ မြင့်တက်လာခဲ့ပါတယ်။ မုန်တိုင်းဒဏ် အဆိုးရွားဆုံး ခံစားခဲ့ရတဲ့ ချီမာနီမာနီခရိုင်မှာ နောက်ထပ် အလောင်းနှစ်လောင်း တွေ့ရပြီးနောက် အခုလို သေဆုံးသူ မြင့်တက်လာတာပါ။ ကုလသမဂ္ဂ ကမ္ဘာ့စားနပ်ရိက္ခာ အစီအစဉ် (WFP) က မုန်တိုင်းဒဏ်သင့် ဒေသခံတွေကို စားနပ်ရိက္ခာ ထောက်ပံ့ရေး ပူးပေါင်းကူညီနေပြီး ဇင်ဘာဘွေပြည်သူ နှစ်သိန်းဟာ လာမယ့် ၃ လအထိ အရေးပေါ် စားနပ်ရိက္ခာ အကူအညီ လိုအပ်မယ်လို့ ပြောပါတယ်။ ဆိုင်ကလုန်းမုန်တိုင်း အိုင်ဒေးဟာ လေတိုက်နှုန်း တနာရီ ၁၀၅ မိုင်နှုန်းအထိ ရှိပြီး ပြီးခဲ့တဲ့ သီတင်းပတ်က မိုဇမ်ဘစ်နိုင်ငံ ဘေယာမြို့ကို ဝင်ရောက်ခဲ့တာပါ။ အဲဒီနောက် ဇင်ဘာဘွေနဲ့ မာလာဝီနိုင်ငံကို ဆက်လက်ဝင်ရောက်ခဲ့ပါတယ်။ မိုဇမ်ဘစ်နိုင်ငံမှာ ဆိုင်ကလုန်းကြောင့် မိုးကြီးပြီး မြစ်နှစ်စင်း ရေကြီးရေလျှံခဲ့ပါတယ်။ ရေလွှမ်းဧရိယာ ကြီးမားပြီး မတ်လ ၂၀ ရက်နေ့က အကျယ်အဝန်း ၈၃၅ စတုရန်းမိုင်အထိ ရေလွှမ်းခဲ့တယ်လို့ ကုလသမဂ္ဂ ဂြိုဟ်တုဓာတ်ပုံ အေဂျင်စီက ပြောပါတယ်။ ဇင်ဘာဘွေနိုင်ငံမှာ မုန်တိုင်းမဝင်ရောက်မီကတည်းက ပြည်သူ ၅ ဒသမ ၃ သန်းကော်ျ  စားနပ်ရိက္ခာ ပြတ်လတ်မှုဒဏ် ကြုံတွေ့နေရတယ်လို့ ခရစ်ယာန် ပရဟိတအဖွဲ့အစည်း အကြီးအကဲက ပြောပါတယ်။
2 years Ago

March 18, 2019

ဇင်ဘာဘွေတွင် အပူပိုင်း ဆိုင်ကလုန်းမုန်တိုင်း တိုက်ခတ်၊ ၆၄ ဦးထက်မနည်း သေဆုံး

ဇင်ဘာဘွေနိုင်ငံ အရှေ့ပိုင်းမှာ အပူပိုင်း ဆိုင်ကလုန်းမုန်တိုင်း အိုင်ဒေး ဝင်ရောက်တိုက်ခတ်တာကြောင့် ၆၄ ဦးထက်မနည်း သေဆုံးခဲ့ပါတယ်။ ဇင်ဘာဘွေအရှေ့ပိုင်း ချက်ခ်ျပင်မြို့မှာ မတ်လ ၁၆ ရက်နဲ့ ၁၇ ရက်နေ့တွေက ဆိုးဆိုးရွားရွား ရေကြီးရေလျှံနေတဲ့ ရုပ်သံဖိုင်တွေလည်း အွန်လိုင်းပေါ်မှာ ပျံ့နှံ့ခဲ့ပါတယ်။ ဆိုင်ကလုန်းမုန်တိုင်း အိုင်ဒေးဟာ ပြီးခဲ့တဲ့ရက်တွေက မာလာဝီနိုင်ငံနဲ့ မိုဇမ်ဘစ်နိုင်ငံကို ဝင်ရောက်မွှေနှောက်ပြီး ဇင်ဘာဘွေနိုင်ငံဆီ ဆက်ရွေ့လျားလာခဲ့တာပါ။ အဲဒါကြောင့် ဇင်ဘာဘွေနိုင်ငံကနေ တောင်အာဖရိကနိုင်ငံဆီကို လျှပ်စစ်ပေးပို့နေတာလည်း ရပ်ဆိုင်းလိုက်ရပါတယ်။ ဇင်ဘာဘွေနိုင်ငံကို ဆိုင်ကလုန်းမုန်တိုင်း အယ်လ်လင်း ဝင်ရောက်တိုက်ခတ်ခဲ့တဲ့ ၂၀၀၀ ပြည့်နှစ် နောက်ပိုင်းမှာ အိုင်ဒေးမုန်တိုင်းဟာ အားအပြင်းဆုံး မုန်တိုင်းအဖြစ် မှတ်တမ်းဝင်ခဲ့ပါတယ်။ ဇင်ဘာဘွေနိုင်ငံမှာ အခုနှစ်အတွင်း ဆိုးဆိုးရွားရွား မိုးခေါင်တာကြောင့် သီးနှံစိုက်ခင်းတွေလည်း ပျက်စီးဆုံးရှုံးခဲ့ပါတယ်။ ဇင်ဘာဘွေပြည်သူ ၅ သန်းကျော်ဟာ စားနပ်ရိက္ခာ အကူအညီတွေ လိုအပ်လိမ့်မယ်လို့ ကုလသမဂ္ဂ လူသားချင်း စာနာကူညီမှုဆိုင်ရာ အေဂျင်စီ UNOCHA က ပြောပါတယ်။
2 years Ago
More News
Up