ဆန္ဒရှိ

December 4, 2017

ကမ္ဘာ့ဖလားမတိုင်မီ ဟာဇက်နှင့်ဂိုးသမားတို့ကို စာချုပ်သက်တမ်းတိုးရန် နည်းပြ ဆန္ဒရှိ

ချဲလ်ဆီးနည်းပြ ကွန်တီဟာ အားထားရတဲ့ တောင်ပံကစားသမား ဟာဇက်နဲ့ ဂိုးသမားကော့တွိုက်တို့ကို ကမ္ဘာ့ဖလားမတိုင်မီမှာ စာချုပ်သက်တမ်းတိုးဖို့ ဆုံးဖြတ်ထားပါတယ်။ ဂိုးသမားကော့တွိုက်ဟာ စာချုပ်သက်တမ်း တနှစ်သာကျန်ရှိတော့ပြီး ဟာဇက်စာလည်း ၂ နှစ်ပဲ ကျန်တော့တာကြောင့် တခြားကလပ်အသင်းတွေရဲ့ စိတ်ဝင်စားမှုကို ကာကွယ်လိုတဲ့ သဘောနဲ့ နည်းပြကွန်တီက စာချုပ်သက်တမ်းတိုးဖို့ ဆန္ဒရှိ နေတာပါ။ ကမ္ဘာ့ဖလားပြိုင်ပွဲကို လာမယ့် ၂၀၁၈ ဇွန်လမှာ ကျင်းပမှာဖြစ်ပြီး  ဒီနှစ်ဘောလုံးရာသီအပြီးမှာ နှစ်ဦးစလုံးနဲ့ နှစ်ရှည်စာချုပ်ချုပ်ဖို့ ကွန်တီက မျှော်လင့်ထားတာပါ။ တောင်ပံကစားသမား ဟာဇက်ကို ရီးရဲလ်မက်ဒရစ်အသင်းက ကာလရှည် စိတ်ဝင်စားနေတာဖြစ်ပါတယ်။
4 years Ago

June 17, 2017

အခွန်ရှောင်သည်ဟု စွပ်စွဲမှုကြောင့် ရီးရဲလ်က ထွက်ခွာရန် စီရော်နယ်ဒို ဆန္ဒရှိ

စီရော်နယ်ဒိုအနေနဲ့ အခွန်ရှောင်တိမ်းတယ်လို့ စွပ်စွဲခံရမှုကြောင့်  ရီးရဲလ်မက်ဒရစ် အသင်းကနေ ထွက်ခွာဖို့ ဆန္ဒရှိနေတယ်လို့ သိရပါတယ်။ စီရော်နယ်ဒိုအနေနဲ့ ၂၀၁၁ ကနေ ၂၀၁၄ ခုနှစ်အတွင်း ပေါင် ၁၃ သန်းခန့် အခွန်ထမ်းဆောင်ဖို့ ပျက်ကွက်ခဲ့တယ်လို့ စွပ်စွဲခံထားရပြီး သူ့ဘက်က ငြင်းဆန်ထားပါတယ်။ ဒီလိုအခြေအနေကြောင့် စပိန်ကလပ် ရီးရဲလ်မက်ဒရစ်မှာ ဆက်ကစားဖို့ စီရော်နယ်ဒိုက စိတ်ပျက်နေပြီး အသင်းပြောင်းရွှေ့ ဖွယ်ရှိနေတယ်လို့ ဘီဘီစီသတင်းမှာ ဖော်ပြပါတယ်။ အသက် ၃၂ နှစ်ရှိ စီရော်နယ်ဒိုဟာ ၂၀၀၉ ခုနှစ်က မန်ယူအသင်းကနေ ပေါင်သန်း ၈၀ နဲ့ ပြောင်းရွှေ့လာသူဖြစ်ပြီး ၂၀၁၆ ခုနှစ်က ရီးရဲလ်မက်ဒရစ်နဲ့  ၅ နှစ်သက်တမ်းတိုး စာချုပ်ချုပ်ဆိုထား ပါတယ်။ စီရော်နယ်ကို ခေါ်ယူဖို့ တရုတ်စူပါလိဂ်ကလပ်တွေက စိတ်ဝင်စားနေပေမယ့် သူ့ရဲ့အကြံ ပေးဖြစ်သူတွေက ဥရောပမှာပဲ ဆက်ကစားဖို့ အကြံပေးထားပြီး ပီအက်စ်ဂျီအသင်းနဲ့ ပရီးမီးယား လိဂ် ကလပ်တွေဆီ ပြောင်းရွှေ့ဖို့ အကြံပေးထားတယ်လို့သိရပါတယ်။
5 years Ago
Up