ဆွာရက်ဇ်

November 9, 2021

ဆွာရက်ဇ်အား တိုက်ခိုက်ရန် စီစဉ်ခဲ့ပြီးမှ နောက်ပြန်ဆုတ်ခဲ့ကြောင်း အီဗရာ ပြန်လည်ပြောပြ

၂၀၁၁ ခုနှစ်တုန်းက ဆွာရက်ဇ်ကို မန်ချက်စတာမြို့မှာ တိုက်ခိုက်ဖို့ စီစဉ်ခဲ့ပေမယ့် နောက်ပြန်ဆုတ်ခဲ့ရပုံကို နောက်ခံလူဟောင်း အီဗရာက ပြန်ပြောပါတယ်။ 

အဲဒီအချိန်မှာ ဆွာရက်ဇ်က လီဗာပူးမှာ ကစားနေချိန်ဖြစ်ပြီး အီဗရာကို လူမျိုးရေးခွဲခြားမှု ပြုလုပ်ခဲ့တာပါ။ ဒီကိစ္စကြောင့် ဆွာရက်ဇ်လည်း ၈ ပွဲပယ် ပြစ်ဒဏ်နဲ့ ပေါင် ၄ သောင်း ဒဏ်ရိုက်ခံခဲ့ရပါတယ်။

အဲဒီအချိန်က မန်ယူနိုက်တက်မှာ ကစားနေတဲ့ အီဗရာဟာ ဆွာရက်ဇ်အပေါ် အမျက်ဒေါသထွက်ခဲ့ပြီး ကွင်းပြင်ပမှာ အမှတ်မထင်တွေ့ချိန်မှာ တိုက်ခိုက်ဖို့ စီစဉ်ခဲ့တာပါ။ 

ဆွာရက်ဇ်ကို မန်ချက်စတာမြို့က လမ်းတစ်ခုမှာ တွေ့မြင်ခဲ့ပြီးနောက် သူ့ရဲ့အစ်ကို ၂ ဦးနဲ့အတူ တိုက်ခိုက်ဖို့ စဉ်းစားခဲ့ပေမယ့် ဆွာရက်ဇ်မှာ ဇနီးနဲ့ ကလေးပါတာကြောင့် လက်လျှော့ခဲ့တာဖြစ် ကြောင်း အီဗရာက ပြောပါတယ်။ 

“ဘာလို့နောက်ပြန်လှည့်ခဲ့ရသလဲဆိုတော့ ဒီလိုကိစ္စက သူ့ရဲ့ မိသားစုရှေ့မှာ မလုပ်သင့်ဘူး ထင်လို့ပါ။ ကျနော် လုပ်ခဲ့မယ်ဆိုရင်လည်း ဆိုးရွားတာတွေပဲ ဖြစ်ခဲ့မှာမလို့ မတိုက်ခိုက်ခဲ့ရတဲ့အပေါ်မှာ နောင်တရတာမျိုးမရှိပါဘူး” လို့ အီဗရာက ပြောပါတယ်။ 

အီဗရာနဲ့ ဆွာရက်ဇ်တို့ဟာ ပရီးမီးယားလိဂ်မှာ ထိပ်တိုက်ဆုံခဲ့ချိန် လက်ဆွဲနှုတ်ဆက်ခြင်း မရှိခဲ့ပေမယ့်  ဂျူဗီနဲ့ ဘာကာတို့ တွေ့တဲ့ ၂၀၁၅ ချန်ပီယံလိဂ်ဗိုလ်လုပွဲ ပြန်လည်ဆုံတွေ့ရာမှာတော့ လက်ဆွဲနှုတ်ဆက်ခဲ့ကြပြီး ပြန်လည်အဆင်ပြေခဲ့ကြပါတယ်။

2 months Ago

December 28, 2020

ဆွာရက်ဇ်ကို ပြိုင်ဘက်အသင်းဆီရောင်းချခဲ့သည့်အပေါ် နားမလည်နိုင်ဟု မက်ဆီ ဖွင့်ဟ

ဆွာရက်ဇ်ကို ပြိုင်ဘက်အသင်းထံ ရောင်းချခဲ့တဲ့အပေါ်မှာ နားမလည်နိုင်အောင် ဖြစ်ခဲ့ရကြောင်း ဘာစီလိုနာတိုက်စစ်မှူး မက်ဆီက ပြောပါတယ်။  မက်ဆီဟာ အခုနှစ်ရာသီအစက အသင်းကနေ ထွက်ခွာချင်ခဲ့ပေမယ့် အဆင်မပြေခဲ့တာကြောင့် တစ်နှစ် ထပ်ကစားနေတာပါ။  ရာသီအစက အခြေအနေတွေနဲ့ပတ်သက်ပြီး လာဆက်တာနဲ့ အင်တာဗျူးအစီအစဉ်မှာ မက်ဆီက ပြန်လည်ပြောပြခဲ့တာဖြစ်ပြီး ဆွာရက်ဇ်ကို ထွက်ခွာခွင့်ပြုခဲ့တဲ့အပေါ် နားမလည်နိုင်ကြောင်း မက်ဆီက ထည့်သွင်းပြောခဲ့တာပါ။  လူးဝစ်ဆွာရက်ဇ်ဟာ အက်သလက်တီကို  ပြောင်းရွှေ့ကြေးအလွတ်နဲ့ ထွက်ခွာသွားတာဖြစ်ပါတယ်။ ဆွာရက်ဇ်ပြောင်းရွှေ့တဲ့ အသင်းကလည်း ဘာစီလိုနာနဲ့ တူညီတဲ့ ရည်မှန်းချက်တွေရှိတဲ့ အသင်း ဖြစ်တာကြောင့် မယုံကြည်နိုင်စရာကောင်းခဲ့တဲ့ ဆုံးဖြတ်ချက်ဖြစ်ခဲ့တယ်လို့ မက်ဆီက ဝေဖန်ခဲ့တာပါ။  မက်ဆီအနေနဲ့ လာမယ့်ရာသီမှာ ပီအက်စ်ဂျီနဲ့ မန်စီးတီးအသင်းတွေဆီ ပြောင်းရွှေ့နိုင်မလား ဆိုတဲ့ မေးခွန်းအပေါ်မှာတော့ လက်ရှိရာသီပြီးဆုံးအောင်ပဲ အရင်ဆုံး စဉ်းစားထားတယ်လို့ ပြောပါတယ်။  တချိန်မှာ အမေရိကန် မေဂျာလိဂ်မှာ ကစားချင်တယ်လို့လည်း မက်ဆီက ပြောခဲ့ပါတယ်။
1 year Ago
More News
Up