ဆွီဒင်သံအမတ်ကြီး

June 7, 2018

ဆွီဒင်သံအမတ်ကြီးနှင့် ဒီဗွီဘီ သီးသန့်တွေ့ဆုံမေးမြန်းချက်

သဘာဝပတ်ဝန်းကျင်အရေး၊ အမျိုးသမီးအရေး၊ သတင်းမီဒီယာလွတ်လပ်ခွင့်နဲ့ အဂတိလိုက်စားမှုတိုက်ဖျက်ရေး ကိစ္စတွေမှာ မြန်မာနဲ့ ဆွီဒင် နှစ်နိုင်ငံအကြား ပူးပေါင်းဆောင်ရွက်မှုတွေနဲ့ ပတ်သက်ပြီး မြန်မာနိုင်ငံဆိုင်ရာ ဆွီဒင်သံအမတ်ကြီး စတပ်ဖန်ဟက်စရန်ကို ဒီဗွီဘီက သီးသန့် တွေ့ဆုံမေးမြန်းထားပါတယ်။ မေး - ဇွန်လ ၆ ရက်နေ့ဟာ ဆွီဒင်အမျိုးသားနေ့ပါ။ ဒီနှစ် ဒီလိုအချိန်မျိုးမှာတော့ လူကြီးမင်းက သဘာဝဝန်းကျင်ဆိုင်ရာ ကိစ္စတွေကို အလေးထား ပြောချင်လိမ့်မယ်လို့ ကျနေ်ာထင်ပါတယ်။ ဘာမှတ်ချက်များ ပေးချင်လဲ ခင်ဗျ။ ဖြေ - ဟုတ်ကဲ့ ဒီနေ့ဟာ ကျနေ်ာတို့နိုင်ငံ အမျိုးသားနေ့ဖြစ်သလို၊ ကမ္ဘာ့သဘာဝဝန်းကျင် ထိန်းသိမ်းရေးနေ့လည်း ဖြစ်ပါတယ်။ ပင်လယ်တွေကို ခြိမ်းခြောက်နေတဲ့ကိစ္စကို ကျနော်တို့ အဓိကထား ပြောကြားလိုပါတယ်။ ဘာ့ကြောင့်လဲဆိုတော့ ပင်လယ်တွေဟာ လူသားတွေအတွက် သိပ်ကို အရေးကြီးပါတယ်။ ကျနော်တို့ အသက်ရှူတဲ့ စက္ကန့်တိုင်းမှာ ရရှိနေတဲ့ အောက်စီဂျင်ဟာ ပင်လယ်တွေကနေ လာပါတယ်။ တချိန်တည်းမှာပဲ ကျနော်တို့သိရတာက ပင်လယ်တွေဟာ ပြင်းပြင်းထန်ထန် ခြိမ်းခြောက်ခံနေရပါတယ်။ ခင်ဗျားသိတဲ့အတိုင်းပါပဲ။ အခု ဘာမှမလုပ်ဘူးဆိုရင် သက္ကရာဇ် ၂၀၅၀ ရောက်တဲ့အခါ ပင်လယ်တွေအောက်မှာ ငါးတွေထက် ပလတ်စတစ်တွေ ပိုများနေပါလိမ့်မယ်။ ဒါ့ကြောင့် ကျနေ်ာတို့အစိုးရဟာ ရွှေ့ပြောင်းအလုပ်လုပ်နေတဲ့ ကမ္ဘာလုံးဆိုင်ရာ အသိုင်းအဝိုင်း အဖွဲ့အစည်းတွေနဲ့ စေ့စပ်ညှိနှိုင်းပြီး အလုပ်လုပ်နေပါတယ်။ ဒါ့ကြောင့် ပြီးခဲ့တဲ့နှစ်က ပင်လယ်ပြင်ကိစ္စတွေနဲ့ ပတ်သက်ပြီး ကုလသမဂ္ဂလုပ်တဲ့ ညီလာခံကို ဆွီဒင်အစိုးရက ဦးဆောင်ခဲ့ပါတယ်။ အခုဆိုရင် ကျနော်တို့ ကမ္ဘာလုံးဆိုင်ရာ အဖွဲ့အစည်းတွေရော၊ အစိုးရတွေရော၊ ကျနော်တို့လို တဦးချင်းစီတိုင်းရော အားဖြည့်ပြီး ပူးပေါင်းလုပ်ဆောင်ဖို့ လိုပါတယ်။ ကျနော်တို့ရဲ့ လက်တွေ့လုပ်ဆောင်မှုကတော့ ကျနေ်ာတို့ ဈေးဝယ်ထွက်တဲ့အခါတိုင်း မလိုအပ်ဘဲ ပလတ်စတစ်အိတ်တွေ သုံးတာကို ရပ်တန့်ဖို့နဲ့ ပလတ်စတစ်အိတ်တွေကို လွယ်လွယ်ကူကူ လွှင့်ပစ်တာကို ရပ်တန့်ဖို့ပါပဲ။ ဒါက အသေးအဖွဲကိစ္စလေးလို့ ထင်ရပါတယ်။ ဒါပေမယ့် အားလုံးက ပူးပေါင်းဆောင်ရွက်မယ်ဆိုရင် ပင်လယ်ပြင်တွေကို ကျနေ်ာတို့ ကယ်တင်နိုင်ပါလိမ့်မယ်။ မေး - ဒီလိုလှုပ်ရှားမှုမျိုးမှာ မြန်မာအစိုးရရဲ့ ပူးပေါင်းဆောင်ရွက်မှုကရော ဘယ်လိုရှိပါသလဲ။ ဖြေ - မနှစ်က ကုလသမဂ္ဂညီလာခံမှာ မြန်မာလည်း တက်ခဲ့ပါတယ်။ ဒီကိစ္စမျိုးမှာ သတိထားမှု ပိုတိုးလာတာကို ကျနော်မြင်ရပါတယ်။ ပြည်တွင်း လူမှုအဖွဲ့အစည်းတွေဆီကနေ သတိထားမှု ပိုတိုးလာတာကို ကျနေ်ာသိရပါတယ်။ ပြီးတော့ ခြိမ်းခြောက်မှုတွေကို လူအများအပြား မြင်နေရပြီလေ။ ဒီနိုင်ငံက နှစ်သက်စရာကောင်းတဲ့ နိုင်ငံပါ။ လှပတဲ့ကမ်းခြေတွေ ရှိတယ်။ လှပတဲ့ သဘာဝတရားတွေ ရှိပါတယ်။ ဒါတွေကို ထိန်းသိမ်းဖို့ အပြည့်အဝ တာဝန်ယူကြပါစို့။ ပလတ်စတစ်ကြောင့် ဒါတွေကို မဖျက်ဆီးပစ်ဘူးဆိုတာကို ကျနေ်ာတို့ သေချာအောင်လုပ်ကြပါစို့။ မေး - မြန်မာနိုင်ငံမှာ ပလတ်စတစ်တခုတည်းကပဲ သဘာဝဝန်းကျင်ထိန်းသိမ်းရေး ပြဿနာ မဟုတ်ပါဘူး။ ဘရာဇီးနဲ့ အင်ဒိုနီးရှားပြီးရင် မြန်မာဟာ တတိယ သစ်တောအပြုန်းတီးဆုံး နိုင်ငံလည်း ဖြစ်နေပါတယ်။ ခင်ဗျားမှာ ဒီကိစ္စနဲ့ပတ်သက်ပြီးတော့ရော နှိုးဆော်လှုပ်ရှားတာတွေ ရှိလား… ဒါမှမဟုတ် ဒီ ပလတ်စတစ်သန့်ရှင်းရေးကိုပဲ အဓိကထား လုပ်မလားခင်ဗျ။ ဖြေ - ဒီညတော့ ပင်လယ်တွေနဲ့ ပလတ်စတစ်အကြောင်းကို ကျနော်တို့ အဓိကထား ဆွေးနွေးပါတယ်။ တခြား ကမ္ဘာလုံးဆိုင်ရာ ခြိမ်းခြောက်မှုတွေဖြစ်တဲ့ ရာသီဥတု ပြောင်းလဲမှုနဲ့ သစ်တောပြုန်းတီးမှု အကြောင်းတွေကိုလည်း တခြားအစီအစဉ်တွေက ဦးတည်လုပ်ဆောင်နေပါတယ်။ ဟောဒီ မြန်မာနိုင်ငံမှာတော့ ပူးပေါင်းဆောင်ရွက်မှု အစီအစဉ်သစ်အရ ပလတ်စတစ် သန့်ရှင်းရေးနဲ့ ရာသီဥတုပြောင်းလဲလာတဲ့ ပြဿနာကို အဓိကထား လုပ်ဆောင်နေပါတယ်။ ဒီအစီအစဉ်တွေကို လက်တွေ့အသုံးချပြီး ထိရောက်ဖို့လိုပါတယ်။ ဒီကိစ္စတွေကို ကျနော်တို့ ဘယ်လိုကိုင်တွယ် ဖြေရှင်းနေသလဲ ဆိုတာကို မြင်ရပါလိမ့်မယ်။ ဒီ ကမ္ဘာလုံးဆိုင်ရာ ခြိမ်းခြောက်မှုကို အားလုံးဝိုင်းပြီး ဖြေရှင်းရပါလိမ့်မယ်။ မေး - သံအမတ်ကြီးခင်ဗျာ ဆွီဒင်နိုင်ငံခြားရေးဝန်ကြီး မြန်မာပြည်လာတုန်းက  ခေါင်းဆောင်တဲ့နေရာမှာ အမျိုးသမီးတွေရဲ့ပါဝင်မှု အရေးပါမှုနဲ့ အမျိုးသမီးတွေရဲ့ အခန်းကဏ္ဍကို အလေးပေး ပြောသွားပါတယ်။ မြန်မာနိုင်ငံမှာ အထူးသဖြင့် အမျိုးသမီးအရေးနဲ့ ပတ်သက်လို့ စည်းရုံးလုပ်ဆောင်နေတဲ့ သံအမတ်ကြီးရဲ့ အခန်းကဏ္ဍကရော ဘယ်လိုရှိပါသလဲ။ ဖြေ - ဒီကိစ္စက အရမ်းကို အရေးကြီးတယ်လို့ ကျနေ်ာထင်ပါတယ်။ ကျနော်တို့အစိုးရရဲ့ အမျိုးသမီးအရေးနဲ့ ပတ်သက်တဲ့ နိုင်ငံခြားရေးမူဝါဒအရ ဒီကိစ္စနဲ့ပတ်သက်ပြီး ကျနော်ကိုယ်တိုင် အားသွန်ခွန်စိုက် လုပ်ဆောင်နေပါတယ်။ ဒီနေရာမှာ အမျိုးသမီးတွေရဲ့ အခွင့်အရေးကိစ္စရော အမျိုးသမီးတွေအပေါ် အမျိုးသားတွေက လိင်ပိုင်းဆိုင်ရာ စော်ကားနေတာတွေ ရပ်ဖို့ကိစ္စတွေပါ ပြောဖို့လိုအပ်ပါတယ်။ သူတို့မှာ ဂုဏ်သိက္ခာရှိတယ်လေ။ ငြိမ်းချမ်းရေးလုပ်ငန်းစဉ်မှာ အမျိုးသမီးတွေရဲ့ ပါဝင်မှု အရေးပါတာကိုလည်း ကျနော်တို့ နိုင်ငံခြားရေးဝန်ကြီးက  အရမ်းကို အာရုံစိုက်ပါတယ်။ ငြိမ်းချမ်းရေးဆွေးနွေးပွဲတွေမှာ အမျိုးသမီးတွေ အပြည့်အဝ ကိုယ်စားပြုပါဝင်ရင် အတော်လေး ပိုမိုအောင်မြင်တယ်လို့ ကျနော်တို့ သိထားပါတယ်။ ကိုယ်စားပြုမှုနဲ့ အရင်းအမြစ်တွေအရ အမျိုးသမီးတွေဟာ အမျိုးသားတွေထက် အလုပ်ပိုလုပ်ရပေမယ့် ဘဏ္ဍာငွေကြေး အရင်းအနှီးရဖို့ ပိုခက်ခဲပါတယ်။ ဒါနဲ့ပတ်သက်ပြီး  ဆွီဒင်အစိုးရက မြန်မာနိုင်ငံမှာ အရင်ကလိုပဲ ပူးပေါင်းဆောင်ရွက်ဖို့ ရှိပါတယ်။ မျိုးဆက်ပွားပညာရေးနဲ့ အခွင့်အရေးနဲ့ ပတ်သက်ပြီး အထူးသဖြင့် ပြောပြချင်ပါတယ်။ မျိုးဆက်ပွားကျန်းမာရေးနဲ့ ပတ်သက်ပြီး မြန်မာပြည်မှာ လုပ်စရာတွေ အများကြီးရှိနေပါတယ်။ ကျနော်တို့ လူငယ်တွေကို အာရုံစိုက်ပြီး လုပ်ဆောင်ပါမယ်။ ကျနော်တို့အိမ်တွေမှာ 3MDG အစီအစဉ်ကနေတဆင့် လုပ်လည်းလုပ်နေပါတယ်။ မျိုးဆက်ပွားပညာရေးနဲ့ အခွင့်အရေးကိစ္စတွေ ပိုမိုလုပ်ဆောင်သွားမယ်။ မေး - သံအမတ်ကြီးခင်ဗျာ ဆွီဒင်နိုင်ငံဟာ သတင်းလွတ်လပ်ခွင့်နဲ့ပတ်သက်ပြီး သမိုင်းကြောင်း ရှည်ကြာရှိခဲ့တယ်ဆိုတာ ကျနေ်ာတို့ သိပါတယ်။ ဆွီဒင်ဖွံ့ဖြိုးရေး အကူအညီ အစီအစဉ်ကလည်း မီဒီယာဖွံ့ဖြိုးရေးနဲ့ ပတ်သက်ပြီး အတော်လေး ပါဝင်ကူညီခဲ့တယ်။ အထူးသဖြင့် သတင်းအချက်အလက် ရယူပိုင်ခွင့် ဥပဒေကိစ္စနဲ့ လွတ်လပ်တဲ့မီဒီယာတွေရဲ့ အခန်းကဏ္ဍနဲ့ပတ်သက်ပြီး ဘာတွေ တိုးတက်မှုတွေ မြင်တွေ့ရလဲ။ အထူးဖြင့် ဒီကိစ္စနဲ့ပတ်သက်ပြီး ဘာတွေ ပါဝင်ဆောင်ရွက်နေလဲဆိုတာ ပြောပြပေးပါလား။ ဖြေ - ပထမဆုံး ပြောချင်တာက ကျနော်တို့ဟာ မြန်မာနိုင်ငံမှာ မီဒီယာလွတ်လပ်ခွင့်ရှိဖို့ လွတ်လပ်တဲ့အသံတွေ ပေါ်ထွက်လာဖို့ ကာလရှည်ကြာ ပံ့ပိုးကူညီပေးခဲ့တဲ့ သမိုင်းကြောင်း ရှိခဲ့တယ်။ ဒီမိုကရေစီ အသွင်ကူးပြောင်းမှုအပြီး အခုလို နိုင်ငံရေးအခင်းအကျင်း ဝန်းကျင်သစ်မှာလည်း အန်အယ်လ်ဒီ အစိုးရသစ်ကို ဆက်လက်အားပေးဖို့ ကြိုးစားနေတယ်။ ကျနော်တို့ ဆက်လက်ပံ့ပိုးပေးနေတယ်ဆိုတဲ့ သတင်းစကား ပါးချင်ပါတယ်။ အရေးကြီးတဲ့အသံတွေ၊ ငြိမ်းချမ်းရေးလှုပ်ရှားမှုတွေ၊ လွတ်လပ်စွာ ထုတ်ဖော်ခွင့်တွေနဲ့ ပတ်သက်ပြီး တရားစွဲခံရတာတွေ၊ အရွေ့အပြောင်းတွေကို မြင်ရတဲ့အခါ ကျနော်တို့ စိတ်ဝင်စားပါတယ်။ မြန်မာနိုင်ငံကို လမ်းကြောင်းမှန်ကို ရွေ့သွားဖို့ ကျနော်တို့ အားပေးပါတယ်။ ခေတ်သစ်ဒီမိုကရေစီမှာ သတင်းလွတ်လပ်ခွင့်၊ ခင်ဗျားပြောခဲ့တဲ့ သတင်းအချက်အလက် ရယူပိုင်ခွင့် ဥပဒေတွေပေါ့၊ မြန်မာနိုင်ငံမှာ ဒီဥပဒေကို ပြင်ဆင်နေတယ်လို့ ကျနော် သိထားပါတယ်။ ကျနော်တို့ အတွေ့အကြုံအရဆိုရင် ဒါဟာ အကျင့်ပျက်ခြစားမှုအတွက် အကောင်းဆုံးလက်နက် ဖြစ်တယ်။ ပွင့်လင်းမြင်သာမှုဟာ အဂတိလိုက်စားမှုကို တိုက်ဖျက်ဖို့ အကောင်းဆုံးနည်းလမ်းဖြစ်တယ်။ သတင်းအချက်အလက် ရယူပိုင်ခွင့်ဟာ ပွင့်လင်းမြင်သာမှုရှိဖို့ နည်းလမ်း ဖြစ်ပါတယ်။ ကျနော်တို့ ဒီမှာရှိပါတယ်။ ကျနော်တို့ ဒီမှာဆက်ရှိနေပါမယ်။ မြန်မာပြည်မှာ မီဒီယာတွေ၊ အရပ်ဘက်အဖွဲ့အစည်းတွေနဲ့ ဆက်လက်ပူးပေါင်းဆောင်ရွက်မယ်။ အစိုးရကိုလည်း မှန်ကန်တဲ့ လမ်းကို ဆက်လျှောက်ဖို့ အားပေးမယ်။ မေး - သမ္မတသစ် ဦးဝင်းမြင့်က ပြောခဲ့တာ ၃ ခုရှိပါတယ်။ တခုက မီဒီယာတွေရဲ့ အခန်းကဏ္ဍ၊ တခုက အဂတိလိုက်စားမှုတွေ တိုက်ဖျက်ရေးကို မီဒီယာတွေနဲ့ လက်တွဲလုပ်ဆောင်ဖို့ လိုအပ်တယ်ပေါ့၊ နောက်ဆုံးတခုက လူ့အခွင့်အရေးကို မြှင့်တင်ရေးပေါ့။ ဒီအထဲမှာ အထူးဖြင့် အဂတိလိုက်စားမှုတွေကို တိုက်ဖျက်ရာမှာ မီဒီယာတွေ ဘာလုပ်သင့်သလဲ၊ မီဒီယာရဲ့ အခန်းကဏ္ဍက ဘာရှိလဲဆိုတာ သံအမတ်ကြီးရဲ့အမြင်ကို သိချင်ပါတယ်။ ဖြေ - ဒီကိစ္စဟာ ဦးစားပေးလို့ ကျနော်ထင်ပါတယ်။ ကျနော်တာဝန်ကျခဲ့တဲ့ နိုင်ငံတွေ အတော်များများမှာ အကြံပေးခဲ့ပါတယ်။ ပထမတချက်ကတော့ သတင်းအချက်အလက် ရယူပိုင်ခွင့်ကို ဥပဒေအရ ကောင်းကောင်း အသေအချာ လုပ်ထားရမယ်။ ဒါနဲ့ပတ်သက်ပြီး အသိအမြင် ဗဟုသုတတွေရှိအောင် လုပ်ထားရမယ်။ ဒါမှ စုံစမ်းထောက်လှမ်း သတင်းထောက်တွေဟာ အာဏာရှိတဲ့ အစိုးရတွေဆီကနေ သတင်းအချက်အလက်တွေ ရယူနိုင်မယ်။ ပြီးရင် အစိုးရရဲ့ အမှားအယွင်းတွေကို ထိထိရောက်ရောက်နဲ့ အကျိုးရှိရှိ ဖော်ထုတ်ဖွင့်ချနိုင်မယ်။ ဒုတိယတချက်ကတော့ စုံစမ်းထောက်လှမ်း သတင်းထောက်တွေကို အသေအချာ အားပေးရမယ်၊ မခြိမ်းခြောက်ရဘူး။ ကျနော် အလေးထားပြောခဲ့တဲ့ ဒီအဆင့်တွေကို လုပ်ဆောင်ရမယ်။ ဒီလိုမဟုတ်ဘဲ အစိုးရက လမ်းလွဲကို သွားနေတယ်ဆိုရင် သတင်းလွတ်လပ်ခွင့်ကို အတားအဆီး ဖြစ်ရုံမကဘဲ ရေရှည်မှာ အဂတိလိုက်စားမှု တိုက်ဖျက်ရေးကိုပါ ထိခိုက်ပျက်စီးစေမယ်။ ဘာကြောင့်လဲဆိုတော့ လွတ်လပ်တဲ့၊ အမှီအခိုကင်းတဲ့ မီဒီယာဟာ လွဲမှားတဲ့ လုပ်ဆောင်ချက်တွေကို ဖွင့်ချဖော်ထုတ်ဖို့ အကောင်းဆုံး နည်းလမ်း ဖြစ်လို့ပါပဲ။ နောက်ထပ်ပြောရမယ်ဆိုရင် ကျနော်တို့ ဒီကဏ္ဍတွေမှာ ဆက်လက်ပြီး စွမ်းရည်မြှင့်တင်တဲ့ လုပ်ငန်းတွေ လုပ်သွားမယ်။ ပြီးတော့ ရေရှည်မှာ ဒီကိစ္စတွေဟာ လမ်းမှန်ကို ရောက်သွားမယ်လို့ ကျနော်ထင်ပါတယ်။ မေး - နောက်ဆုံးမေးခွန်းကတော့ ဆွီဒင်နိုင်ငံဟာ နှစ်ကာလရှည်ကြာတဲ့ လစ်ဘရယ် ဒီမိုကရေစီ သမိုင်းနဲ့ သတင်းလွတ်လပ်ခွင့်တွေ ရရှိခဲ့တယ်ဆိုတော့ ဒီအတွေ့အကြုံကနေ   မြန်မာပြည်သူတွေ ဘယ်လိုအကူအညီတွေ မျှော်လင့်နိုင်မလဲ။ ဖြေ - ပထမတခု မျှော်လင့်နိုင်တာကတော့ ဒီလို နှစ်သက်စရာကောင်းတဲ့ မြန်မာနိုင်ငံက ပြည်သူတွေအတွက် ကျနေ်ာတို့ဟာ အလွန်အရေးပါတဲ့ မိတ်ဆွေအဖြစ် ကာလရှည်ကြာ သန္နိဋ္ဌာန်ချ လုပ်ဆောင်နေတယ်ဆိုတာ ဖြစ်ပါတယ်။ ကျနော်တို့နိုင်ငံရဲ့ အတွေ့အကြုံတွေကို အသုံးပြုပြီးတော့ လွတ်လပ်တဲ့ မီဒီယာ ဖွံ့ဖြိုးရေးအတွက် ကျနော်တို့ရဲ့ နှစ်ပေါင်း ၂၅၀ ကြာ အတွေ့အကြုံလိုမျိုး၊ နောက်တခါ ကျနော်တို့နိုင်ငံ ဒီမိုကရေစီစနစ်စီ သွားတဲ့အချိန်တုန်းက အမျိုးသမီးတွေကို စွမ်းအားမြှင့်တင်ပေးတဲ့ အတွေ့အကြုံလိုမျိုး၊ လွတ်လပ် အမှီအခိုကင်းတဲ့ အရပ်ဘက် လူမှုအသိုင်းအဝိုင်းတွေရဲ့ အတွေ့အကြုံတွေ၊ ဘယ်လိုအကျည်အတည်းတွေ ဆိုက်ခဲ့တယ်၊ ဘယ်လိုအဆင်မပြေမှုတွေ ရှိခဲ့တယ်၊ အလုပ်သမားသမဂ္ဂတွေ၊ အမျိုးသမီးအဖွဲ့အစည်းတွေ၊  လွတ်လပ်တဲ့ တရားစီရင်မှုတွေ ဘယ်လောက်အရေးပါခဲ့တယ်၊ ဒီလို မတူကွဲပြား ခြားနားတဲ့ ဒီအတွေ့အကြုံတွေပေါ့။ ဒါတွေဟာ တည်ငြိမ်တဲ့ ဒီမိုကရက်တစ် ဖွံ့ဖြိုးတိုးတက်မှုအတွက် အခြေခံတွေ ဖြစ်တယ်။ ဒီမိုကရေစီဟာ လွတ်လပ်တဲ့ ရွေးကောက်ပွဲကိစ္စ ဖြစ်တယ်။ ဒီမိုကရေစီဟာ လွတ်လပ်စွာ ထုတ်ဖော်ခွင့်ကိစ္စ ဖြစ်တယ်။ လွတ်လပ်တဲ့ အရပ်ဘက်အဖွဲ့အစည်းကိစ္စ ဖြစ်တယ်။ ပြည်သူတွေဟာ အာဏာပိုင်တွေကို ရင်ဆိုင်ဖို့ စုရုံးကြတဲ့ကိစ္စ ဖြစ်တယ်။ ဒီလိုအတွေ့အကြုံမျိုးတွေကို ကျနော်တို့က အရေးပါတဲ့ မိတ်ဆွေအဖြစ် ယူဆောင်လာပေးမှာပါ။ ဒီအတွက် မြန်မာ့ဒီမိုကရေစီရေး ရုန်းကန်လှုပ်ရှားမှုမှာ အရင်က အချိန်အကြာကြီးကတည်းက ပါဝင်ထိတွေ့ လုပ်ဆောင်ခဲ့ပြီးလည်း ဖြစ်တယ်။ ဒါတွေကို ဆက်လုပ်သွားမယ်။ ဒ့ါအပြင် ဖွံ့ဖြိုးတိုးတက်ရေးဆိုင်ရာ ပူးပေါင်းဆောင်ရွက်ရေး အစီအစဉ်တွေအရ ဆက်လက်ပြီး ပိုမိုတိုးချဲ့ လုပ်ဆောင်သွားမှာပါ။ ခုလို ဖြေကြားပေးတဲ့အတွက် သံအမတ်ကြီးကို ကျေးဇူးတင်ပါတယ်။
3 years Ago
Up