ဆူနာမီမုန်တိုင်း

June 17, 2018

ကောင်းကင်ဘုံမှ ဆူနာမီမုန်တိုင်းကို အမိအရ ဗွီဒီယိုရိုက်နိုင်ခဲ့သည့် အပျော်တမ်းဓာတ်ပုံဆရာ (ရုပ်သံ)

မုန်တိုင်းကြောင့် တောင်ပေါ်ရေကန်တခုဆီကို ရေတန်ချိန်ပေါင်းများစွာ ကောင်းကင်ပေါ်ကနေ ရုတ်တရက် ၀င်ရောက်လာတဲ့ အံ့သြသင့်ဖွယ်ဖြစ်ရပ်တခုကို အမိအရ ရိုက်ကူးလိုက်နိုင်တဲ့ ဗွီဒီယိုဖိုင်တစ်ခုကို Daily Mail သတင်းမှာဖော်ပြခဲ့ပါတယ်။ ဒီဗွီဒီယိုကို အပျော်တမ်းဓာတ်ပုံဆရာ တဦးဖြစ်တဲ့ အသက် ၂၇ နှစ်အရွယ် ပီတာမိုင်ရာက ရုိုက်ကူးခဲ့တာပါ။ ဒီဖြစ်ရပ်စဉ်ဟာ သြစတြီးယားနိုင်ငံမှာ ဖြစ်ပွားခဲ့တာဖြစ်ပြီး သြစတြီးယားနိုင်ငံ မီးလ်စတတ်ရေကန်ကို ပီတာ ရောက်ရှိနေစဉ် ဒီလိုကြုံတွေ့ခဲ့ရတာဖြစ်ပါတယ်။ ဒီဖြစ်စဉ်ကို ပီတာမိုင်ရာက လူမှုကွန်ရက်ကိုတင်ခဲ့ပြီး ခဏအတွင်းမှာပဲ ဒီဗွီဒီယိုဖိုင်ကာ အင်တာနက် သုံးစွဲသူအများအပြားရဲ့ စိတ်ဝင်စားမှုကိုရရှိခဲ့ကာ လူပေါင်း ၁ ဒသမ ၄ သန်းက ဝင်ရောက်ကြည့်ရှုပြီး အကြိမ်ရေ ၂၅၀၀၀ ကျော် ပြန်လည်မျှဝေခဲ့ကြပါတယ်။ ပီတာမိုင်ရာကိုယ်တိုင်က ကြိုတင်ပြင်ဆင်စောင့်ဆိုင်းနေရင်တောင် ဒီလိုဗွီဒီယိုမျိုးကို ရရှိဖို့ မလွယ်ကြောင်း၊ သူ့အနေနဲ့ ကံကောင်းလို့သာ ဒီလိုပုံရိပ်မျိုးကို အမိအရမှတ်တမ်းတင်နိုင်ခဲ့ခြင်းဖြစ်ကြောင်းပြောဆိုခဲ့ပြီး ဒါကို “ကောင်းကင်ဘုံက ဆူနာမီမုန်တိုင်း” လို့လည်း အမည်ပေးခဲ့ပါတယ်။ ဒီဗွီဒီယိုဖိုင်ကို ဝင်ရောက်ကြည့်ရှုသူများက ကွဲပြားစွာ မှတ်ချက်ပေးခဲ့ကြပြီး ကြည့်ရှုသူတဦးက “ဒါဟာ တစုံတယောက်က အပေါ်တက်ပြီး ကန်ထဲကိုရေ တွေလောင်းထည့်နေသလိုပဲ” လို့ မှတ်ချက်ပြုပါတယ်။ ဒါပေမယ့် ကြည့်ရှုသူအချို့ကတော့ ဒါကို ပြုပြင်ဖန်တီးထားတဲ့ အတုအယောင်ကြီးလို့ ဝေဖန်ခဲ့ကြပါတယ်။ ဝေဖန်မှုတွေကြောင့် ပီတာမိုင်ရာက သူ့ရဲ့မူရင်း ဗွီဒီယိုဖိုင်ကို ထုတ်ပြခဲ့ရတယ်လို့လည်း သိရပါတယ်။ ပီတာမိုင်ယာဟာ ကင်မရာ လေးငါးလုံးနဲ့အတူ တောတောင်ရှုခင်းတွေကို မှတ်တမ်းတင်လေ့ရှိတဲ့ တောင်တက်သမားတစ်ဦးပါ။ ဒီလိုမျိုး ကောင်းကင်ပေါ်ကနေ ရေတွေအများကြီး ပြုတ်ကျလာတာမျိုးကို Microburst လို့ခေါ်ပြီး Microburst နှစ်မျိုးရှိတယ်လို့လည်း သိရပါတယ်။
3 years Ago
Up