ဆူဒန်သမ္မတ

June 16, 2019

ဖြုတ်ချခံ ဆူဒန်သမ္မတကို အဂတိလိုက်စားမှုဖြင့် တရားစွဲမည်

ဖြုတ်ချခံ ဆူဒန်သမ္မတ အိုမာအယ်လ်ဘတ်ရှားကို အနှစ် ၃၀ အုပ်ချုပ်မှုအတွင်း အဂတိလိုက်စားမှု စွဲချက်တွေနဲ့ မကြာခင် တရားစွဲမယ်လို့ ဆူဒန်အစိုးရ ရှေ့နေချုပ်က ဇွန် ၁၅ ရက်မှာ ပြောပါတယ်။ တရားရုံးမှာ အမှုရင်ဆိုင်ဖို့ အမှုတွဲကို ပြင်ဆင်နေတယ်လို့ ရှေ့နေချုပ် အယ်လ်ဝါလိဒ် ဆာယဒ် အာမဒ် မာမွတ်က သတင်းစာရှင်းလင်းပွဲမှာ ပြောလိုက်တာပါ။ တခြား အရာရှိဟောင်း ၄၁ ယောက်ကိုလည်း လာဘ်စားမှု စွဲချက်တွေနဲ့ ရာဇဝတ်ကြောင်း အရ အမှုဖွင့်ထားတယ်လို့ သူက ဆက်ပြောပါတယ်။ နှစ် ၃ဝ ကြာ အာဏာရှင်ဆန်ဆန် အုပ်ချုပ်ခဲ့တဲ့ ဘတ်ရှားကို လူထုက လချီဆန္ဒပြအပြီး စစ်တပ်က ဧပြီလမှာ ဖြုတ်ချခဲ့ပါတယ်။ သူ့ကို စုံစမ်းစစ်ဆေးနေတဲ့ အမှုတခုအပြီးမှာ အဂတိလိုက်စားမှုတွေနဲ့ တရားစွဲခဲ့တယ်လို့ ရှေ့နေချုပ်ရုံးက ဇွန် ၁၃ရက်မှာ ပြောပါတယ်။ အမှုတွေထဲမှာ သံသယဖြစ်ဖွယ် တရားမဝင် ချမ်းသာမှုနဲ့ အရေးပေါ် အမိန့်ထုတ်မှုတွေနဲ့ ပတ်သက်နေတယ်လို့ ရှေ့နေချုပ်ရုံးက ပြောပါတယ်။ အသေးစိတ်အချက်အလက်တွေကိုတော့ မပြောပါဘူး။ ဘတ်ရှားဟာ ဆန္ဒပြသူတွေကို သတ်ဖြတ်မှုမှာ လှုံ့ဆော်ရင်း ပါဝင်ပတ်သက်လို့ မေလက တရားစွဲ ခံရပြီးသားပါ။ သူ့ကို ငွေကြေး ခဝါချမှုနဲ့ အကြမ်းဖက်ဝါဒကို ဘဏ္ဍာငွေ ထောက်ပံ့မှု သံသယတွေအတွက် စစ်မေးဖို့လည်း အမိန့်ထုတ်ထားပါတယ်။ မြို့လယ်က သပိတ်စခန်းနဲ့ ကပ်လျက်ဒေသမှာ ရှိတဲ့ ရာဇဝတ်သားတွေကို ရှင်းဖို့ စီမံကိန်းကို ကြီးကြပ်ရေးအတွက် စစ်တပ်ခေါင်းဆောင်တွေနဲ့ ဆွေးနွေးဖို့ အစည်းအဝေး တက်ခဲ့တယ်လို့လည်း မာမွတ်က ပြောပါတယ်။ ဒါပေမယ့် ဆန္ဒပြသူတွေကို ဖြိုခွဲမယ့် အတွေးအခေါ်ကိုတော့ မဆွေးနွေးခဲ့ဘူးလို့ သူကဆက်ပြောပါတယ်။ ဆူဒန်နိုင်ငံကို လက်ရှိထိန်းချုပ်ထားတဲ့ စစ်ကောင်စီကတော့ အာဏာသိမ်းဖို့ ကြိုးစားမှု အတော်များများကို ကြားဖြတ်ဟန့်တားခဲ့ပြီးပြီ ခါတွန်မြို့လယ်မှာ ဒီလအစောပိုင်းက ထိုင်သပိတ်ကို လူသေတဲ့အထိ ဖြိုခွဲတဲ့ အရာရှိတချို့ကို ဖမ်းထားပြီးပြီလို့ ကြာသပတေးနေ့က ပြောခဲ့ပါတယ်။
2 years Ago

April 18, 2019

ဖြုတ်ချခံခဲ့ရသည့် ဆူဒန်သမ္မတ၏ ညီအစ်ကို ၂ ဦးအား ဖမ်းဆီး

ဆူဒန်သမ္မတရာထူးက ဖြုတ်ချခံခဲ့ရတဲ့ အိုမာ အယ်လ် ဘာရှာရဲ့ ညီအစ်ကိုနှစ်ဦးကို ဖမ်းလိုက်ပြီလို့ ဆူဒန် စစ်ဘက်အုပ်ချုပ်ရေး အရာရှိတွေက ဧပြီ ၁၇ ရက်နေ့မှာ ပြောပါတယ်။ စစ်အစိုးရဟောင်းနဲ့ ပတ်သက်သူတွေကို လိုက်ဖမ်းနေတဲ့ လှုပ်ရှားမှုအတွင်း အဲဒီညီအစ်ကိုနှစ်ဦးကို ဖမ်းခဲ့တာပါ။ အာဏာရပါတီဟောင်းနဲ့ ဆက်နွှယ်တဲ့ တရားမဝင် တပ်ဖွဲ့တွေကိုလည်း စစ်တပ်အောက် ဒါမှမဟုတ် ရဲဌာနအောက် ရွှေ့လိုက်ပြီလို့ အသွင်ကူးပြောင်းရေး စစ်ဘက်ကောင်စီရဲ့ ပြောခွင့်ရတဦးက ပြောပါတယ်။ ဘာရှာဟာ ၁၉၈၉ ခုနှစ် စစ်အာဏာသိမ်းချိန်မှာ အာဏာရလာခဲ့တာပါ။ ဒါပေမယ့် သူ့ကို စစ်တပ်က ပြီးခဲ့တဲ့သီတင်းပတ်မှာ သမ္မတရာထူးက ဖြုတ်ချခဲ့ပါတယ်။ ဘာရှာကို သမ္မတရာထူးက ဖြုတ်ချပြီးနောက် ၂ နှစ်အတွင်း လွတ်လပ်တဲ့ ရွေးကောက်ပွဲ ကျင်းပပေးမယ်လို့ စစ်တပ်က ကတိပြုထားပါတယ်။ ဒါပေမယ့် ဆူဒန်ပြည်သူတွေကတော့ လမ်းပေါ်ထွက် ဆန္ဒပြနေကြပြီး အရပ်သား ကြားဖြတ်အစိုးရကို အာာဏာပေးဖို့ တောင်းဆိုနေကြပါတယ်။
3 years Ago
Up