ဆုန်သင်းပါရ်

August 6, 2020

ဆုန်သင်းပါရ်၏ FG Live Lounge အွန်လိုင်းဂီတဖျော်ဖြေပွဲ ဩဂုတ် ၈ ရက် ကျင်းပမည်

နာမည်ကြီး အမျိုးသမီး အဆိုတော်တယောက်ဖြစ်တဲ့ ဆုန်သင်းပါရ်ရဲ့ FG Live Lounge အွန်လိုင်းဂီတဖျော်ဖြေပွဲကို လာမယ့် ဩဂုတ်လ ၈ ရက်နေ့မှာ ကျင်းပသွားဖို့ ရှိ နေပါတယ်။ FG Live Lounge အမည်နဲ့ တေးဂီတ ဖျေိာ်ဖြေပွဲတွေကိုတော့ ပြီးခဲ့တဲ့ နှစ်က စတင်ကာ အပတ်စဉ်စနေနေ့တိုင်း နာမည်ကြီးတေးသံရှင်တွေနဲ့ ဖျော်ဖြေပွဲအဖြစ် ရန်ကုန်မြို့ ဝေဇယန္တာလမ်းမ ပေါ်က ရေကူးစတူဒီယိုမှာ ပြုလုပ်ခဲ့တာဖြစ်ပြီး ပရိသတ်တွေ အားပေးလက်ခံမှုတွေ ရရှိခဲ့တဲ့ ဖျော်ဖြေပွဲ ဖြစ်ခဲ့တာပါ။ အခုနှစ် Season 2 မှာတော့ ကိုဗစ်-၁၉ အန္တရာယ်ကြောင့်မို့ ပွဲကျင်းပဖို့ အဆင်မ ပြေတော့ပဲ အခပေးရုပ်သံလိုင်းတခုဖြစ်တဲ့  Canal+Gita ရုပ်သံလိုင်းကနေ ထုတ်လွှင့်တဲ့ ပုံစံပြောင်းလဲခဲ့ရတာ ဖြစ်ပါတယ်။ Season 2 ရဲ့ ပထမဆုံးသော ဖျော်ဖြေပွဲကိုတော့ ဂီတညီအစ်ကို ၂ ယောက်ဖြစ်တဲ့ ဂျေမောင်မောင်နဲ့ ဂျေညီညီတို့ရဲ့ ဖျော်ဖြေပွဲနဲ့ ဇူလိုင်လ ၁၈ ရက်နေ့မှာ စတင်ခဲ့ပြီး ပြီးခဲ့ တဲ့ ဇူလိုင်လ ၂၅ ရက်နေ့မှာတော့ သာဒီးလူရဲ့ ဖျော်ဖြေပွဲကိုပြုလုပ်ခဲ့ကာ ဩဂုတ်လ ၁ ရက်နေ့မှာတော့ Wanted အဖွဲ့ရဲ့ ဖျော်ဖြေပွဲကို ပြုလုပ်ခဲ့တာ ဖြစ်ပါတယ်။        အသက် ၃၉ နှစ်အရွယ် ရှိနေပြီဖြစ်တဲ့ ဆုန်သင်းပါရ်ကိုတော့ အသံပါဝါအား ကောင်းကောင်းနဲ့ သီချင်းတွေကို သီဆိုလေ့ရှိတဲ့ အဆိုတော်တယောက်အနေနဲ့ ပရိသတ် တွေ သိကြပါတယ်။ ထင်ရှားတဲ့ သီချင်းပေါင်းများစွာကို ဆယ်စုနှစ်ချီ သီဆိုခဲ့တဲ့ ဆုန်သင်းပါရ်ရဲ့ သီချင်း တွေထဲမှာတော့ ‘ကမ္ဘာကြီးက ကျဉ်းတယ်ဆိုပေမယ့်’၊ ‘သခင်’၊ ‘အကြင်နာစစ်ရင်’၊ ‘ချယ်ရီမြို့’ စတဲ့သီချင်းတွေကတော့ နာမည်ကြီးပါတယ်။ လက်ရှိအချိန်ထိတော့ ဆုန်သင်းပါရ်ဟာ ကိုယ့်အကြောင်းနဲ့ကိုယ်”၊ “ဆက်ရန်”၊ “မင်းကို”၊ “သစ်”၊ “လိုရာဆု”စတဲ့ တစ်ကိုယ်တော်တေးအယ်လ်ဘမ်တွေအပြင် အတွဲ သီချင်းခွေပေါင်း များစွာမှာလည်း ပါဝင်သီဆိုခဲ့ပြီး အောင်မြင်မှုရရှိထားခဲ့သူပါ။ လာမယ့် စနေနေ့ည ၉ နာရီတိတိမှာ ကျင်းပသွားမယ့် ဒီဖျော်ဖြေပွဲမှာရော သူက ဘယ်လိုသီချင်းကောင်းတွေနဲ့ တင်ဆက်သွားဦးမလဲဆိုတာကိုတော့ စောင့်မျှော်ကြည့်ရှုကြရမှာ ဖြစ်ပါတယ်။
1 year Ago

March 11, 2020

အသစ်ထွက်ရှိလာသည့် ဆုန်သင်းပါရ်ကိုယ်ပိုင်သံစဉ်သီချင်း-အဖြူရောင်(ရုပ်သံ)

       “အဖြူရောင်စည်းတွေက တို့နှစ်ယောက်အလယ်မှာ ခြားထား… တချိန်မှာ ဒီစည်း လေး တို့ ကျော်မိမလား… အသေအချာ မသိပေမယ့် တိုးတိတ်ရင်ခုန်မိတယ်… ဒါပေမယ့် မိန်းမသားမို့ ခက်ပြီကွယ်”        ဒါကတော့ အသစ်ထွက်ရှိလာတဲ့ ဝါရင့်အမျိုးသမီး အဆိုတော် ဆုန်သင်းပါရ်ရဲ့ သီ ချင်းသစ်တပုဒ်ထဲက စာသားတွေဖြစ်ပြီး လတ်တလော ပရိသတ်တွေကြားမှာ ရေပန်းစား နေခဲ့တာပါ။        “အဖြူရောင်”လို့ အမည်ပေးထားတဲ့ ဒီသီချင်းကိုတော့ နာမည်ကြီး တေးရေး တဦးဖြစ်တဲ့ စံပီးက ရေးဖွဲ့ပေးထားခဲ့တာ ဖြစ်ပါတယ်။        “အကြင်နာ စကားတွေနဲ့… ဖွဲ့နွဲ့ကာ မဆိုမိလည်း… ခိုင်မာနှောင်ကြိုး ရစ်ပတ် တွယ်ငြိဆဲ… တခါတရံအကြည့်တွေက မရိုးသားတာ ငါသိလည်း… အတူတူဇွတ်တိုးခွင့်မှ တို့မပိုင်ပဲ”        သူငယ်ချင်းသံယောဇဉ်နဲ့ နှောင်ကြိုးတွေကြား ခြားနားတဲ့ စည်းတွေကြားက လှပ တဲ့ အချစ်ပုံပြင်တပုဒ်လို ဖွဲ့သီထားခဲ့တဲ့ ဒီသီချင်းဟာ ဆုန်သင်းပါရ်ရဲ့ အားကောင်းတဲ့ အသံပါဝါ နဲ့ လိုက်ဖက်နေခဲ့တာကို ခံစားနားဆင်ကြရမှာပါ။ ဒီသီချင်းရုပ်သံကိုတော့ ပရိသတ်အချစ်တော် မျက်နှာသစ်သရုပ်ဆောင်တွေ ဖြစ် ကြတဲ့ အောင်ရေချမ်းနဲ့ မေမြင့်မိုရ်တို့ရဲ့ သရုပ်ဆောင်ချက်တွေနဲ့အတူ ဒါရိုက်တာ ခင်မြန် မာက ရိုက်ကူးပုံဖော်ပေးထားခဲ့တာပါ။ “သူငယ်ချင်းလည်းမက… တကယ်ရည်းစားလည်းမကျမို့… တို့နှစ်ယောက်အဖြစ် ဟာ ဘာလဲကွာ… လူတိုင်းမေးတော့… ဖြေရှင်းရလည်း ခက်ပေါ့… ဒါတွေ နင်မသိတော့ လည်း ခက်ပါစေတော့” “ကမ္ဘာကြီးက ကျဉ်းတယ်ဆိုပေမယ့်”၊ “သခင်”၊ “အကြင်နာစစ်ရင်”စတဲ့ နာမည် ကျော်သီချင်းတွေနဲ့ ပရိသတ်ချစ်ခင်အားပေးမှုရရှိခဲ့တဲ့ ဆုန်သင်းပါရ်ဟာ လက်ရှိအချိန်ထိ ဂီတလောကမှာ တေးသီချင်းတွေ များစွာ ဆက်လက်သီဆိုလျှောက်လှမ်းနေသူလည်း ဖြစ် ပါတယ်။ သူ့ရဲ့ တကိုယ်တော် တေးအယ်လ်ဘမ်တွေဖြစ်တဲ့ “ကိုယ့်အကြောင်းနဲ့ကိုယ်”၊ “ဆက်ရန်”၊ “မင်းကို”၊ “လိုရာဆု”စတဲ့ တေးအယ်လ်ဘမ်တွေအပြင် အတွဲသီချင်းခွေ ပေါင်းများစွာမှာလည်း ပါဝင်သီဆိုခဲ့ပြီး အောင်မြင်မှုရရှိခဲ့သူ ဖြစ်ပါတယ်။    ပြီးခဲ့တဲ့နှစ် ဒီဇင်ဘာလ ၁ ရက်နေ့မှာတော့ “ဖြစ်တည်မှုသီချင်းများ” လို့ အမည်ပေးထားတဲ့ တကိုယ်တော်တေးအယ်လ်ဘမ်သစ်တချပ် ထွက်ရှိထားခဲ့ပါတယ်။ ခုလတ်တလောအသစ်ထွက်ရှိလာတဲ့ “အဖြူရောင်”သီချင်းကိုတော့ Tay Than Thar Music ကနေတဆင့် မျှဝေထားခဲ့တာဖြစ်ပြီး ၂ ရက်အတွင်း ဖေ့စ်ဘွတ်ခ်ပေါ်မှာ ဝင် ရောက်ကြည့်ရှုနားဆင်ကြတဲ့ အကြိမ်ရေ ၂ သိန်းနီးပါး ရှိနေခဲ့ပြီ ဖြစ်ပါတယ်။
2 years Ago
Up