ဆီးရီးယားကို အမေရိကန်

April 23, 2018

ဆီးရီးယားကို အမေရိကန် ဒုံးကျည်ဖြင့် တိုက်ခိုက်မှု ချီကာဂိုတွင် ဆန္ဒပြ

ဆီးရီးယားနိုင်ငံတွင်း ဓာတုလက်နက်သုံးခဲ့တယ်လို့ စွပ်စွဲချက်တွေဟာ တရားမဝင်ကြောင်းနဲ့ အမေရိကန်ရဲ့ ဒုံးကျည်တိုက်ခိုက်မှုဟာ စစ်ရာဇ၀တ်မှုဖြစ်ကြောင်း ချီကာဂိုမြို့လယ်မှာ စုရုံးဆန္ဒပြခဲ့ကြပြီး ပြစ်တင်ရှုတ်ချခဲ့ပါတယ်။ ဆန္ဒပြသူတွေဟာ ဆီးရီးယားမှာ အမေရိကန် ဗုံးကြဲတာကို လက်မခံဘူး၊ ဆီးရီးယားက စစ်ပွဲကို ချက်ချင်းရပ်၊ အင်ပါယာအတွက် စစ်ပွဲအလိုမရှိ စတဲ့ ဆိုင်းဘုတ်တွေ ကိုင်စွဲခဲ့ကြပါတယ်။ “စစ်ပွဲတွေကို ဆန့်ကျင်ဖို့ အရေးကြီးတယ်။ လူတွေ သတ်နေတာ ရပ်ဖို့။ တခြားနိုင်ငံတွေနဲ့ ပတ်သက်ပြီး လူတွေ ကိုယ့်ပန်းတိုင်ကို ဆုံးဖြတ်ခွင့်ရှိတယ်” လို့ ဆန္ဒပြသူတယောက်က ပြောပါတယ်။ “ဆီးရီးယားနိုင်ငံတွင်းက အရင်းအမြစ်တွေနဲ့ ရေနံပိုက်လိုင်းတွေကို ထိန်းချုပ်နိုင်ဖို့ ရုပ်သေးအစိုးရတင်ရေး ဆီးရီးယားမှာ အမေရိကန်ရဲ့ အရင်းရှင်ဆန်တဲ့ အကျိုးစီးပွားတွေ ရှိနေတယ်။ ဒါဟာ စစ်ပွဲအတွက် မှန်ကန်တဲ့ အကြောင်းပြချက်တွေ ဖြစ်လိမ့်မယ်” လို့ သူက ထောက်ပြ ပြောဆိုပါတယ်။ ဆီးရီးယားမှာ အမေရိကန်စစ်တပ်ရဲ့ တိုက်ခိုက်မှုဟာ နိုင်ငံတကာ ဥပဒေတွေကို ချိုးဖောက်မှုပဲလို့လည်း ဆန္ဒပြသူတွေက ပြောပါတယ်။ “တိကျ ခိုင်လုံတဲ့ သက်သေ ဘာမှမရှိဘူး။ ဆီးရီးယားမှာ လေကြောင်းတိုက်ခိုက်မှုဟာ တရားမဝင်တဲ့ စစ်ရာဇဝတ်မှုပဲ” လို့ ဆန္ဒပြသူ တယောက်က ပြောပါတယ်။ ဧပြီ ၁၃ ရက်နေ့က ဆီးရီးယားမှာ သမ္မတ အာဆတ်အစိုးရက အရပ်သားတွေကို ဓာတု လက်နက်နဲ့ တိုက်ခိုက်တယ်လို့ အမေရိကန် သမ္မတက ကြေညာပြီး ဆီးရီးယားအပေါ် လေကြောင်း တိုက်ခိုက်မှု စတင်ခဲ့ပါတယ်။
3 years Ago

April 9, 2017

ဆီးရီးယားကို အမေရိကန် ဒုံးကျည်တိုက်ခိုက်မှု သည်းမခံနိုင်စရာလုပ်ရပ်ဟု မြောက်ကိုရီးယားပြော

အမေရိကန်နိုင်ငံက ဆီးရီးယားနိုင်ငံကို ဒုံးကျည်တွေနဲ့တိုက်ခိုက်မှုဟာ သည်းမခံနိုင်စရာ လုပ်ရပ်ဖြစ်ပြီး  ဒီလိုအကြောင်းတွေကြောင့် နျူကလီးယားအစီအစဉ်တွေ ဆက်လက် ဖော်ဆောင်ရတာလို့ မြောက်ကိုရီးယားနိုင်ငံက ပြောဆိုလိုက်ပါတယ်။ ဆီးရီးယားနိုင်ငံအနောက်မြောက်ပိုင်းမှာ ဗုဒ္ဓဟူးနေ့က လူ ၈၉ ယောက်သေဆုံးခဲ့တဲ့ ဓာတု အဆိပ်တိုက်ခိုက်မှုလို့ ယုံကြည်ရတဲ့ တိုက်ခိုက်မှုဖြစ်ခဲ့အပြီး နောက်တရက်မှာ အမေရိကန်က ဆီးရီးယားလေတပ် အခြေစိုက်စခန်းတခုကို ဒုံးကျည်တွေနဲ့ ပစ်ခတ်ခဲတာပါ။ မြောက်ကိုရီးယားနိုင်ငံကို ကုလသမဂ္ဂက နျူကလီးယား လက်နက်စမ်းသပ်မှုတွေ၊ ဒုံးကျည် စမ်းသပ်ပစ်လွှတ်မှုတွေ မလုပ်ဖို့ ပိတ်ပင်တားမြစ်ထားပေမယ့်လည်း နျူကလီးယားဒုံးကျည် စမ်းသပ်မှုတွေကို ဆက်လက်လုပ်ဆောင်နေတာပါ။ မြောက်ကိုရီးယားနိုင်ငံက အင်အားပြင်းထန်တဲ့ နျူကလီးယားဗုံးကို စမ်းသပ်အောင်မြင်ခဲ့တယ်။ ဒုံးကျည်ထိပ်ဖူးမှာ တပ်ဆင်ပစ်ခတ်နိုင်ပြီလို့ မြောက်ကိုရီးယား နိုင်ငံက ပြောဆိုနေပေမယ့်လည်း နျူကလီးယားလက်နက် ကျွမ်းကျင်သူတွေကတော့ သံသယဖြစ်နေကြတာပါ။ သောကြာနေ့က အမေရိကန်ရဲ့ တိုက်ခိုက်မှုအတွင်း လူ ၆ ယောက်သေဆုံးခဲ့ပြီး ဆီးရီးယား အစိုးရစစ်စခန်းတခုကို အမေရိကန်ရဲ့ ပထမဆုံးတိုက်ခိုက်မှုဖြစ်ပါတယ်။ အမေရိကန်ပြည်ထောင်စုဟာ အရင်ကတော့ ဆီးရီးယားမှာရှိတဲ့ အိုင်အက်စ် အကြမ်းဖက်တွေကိုပဲ ပစ်မှတ်ထားတိုက်ခိုက်နေခဲ့တာပါ။
4 years Ago
Up