ဆီးဂိမ်းပြိုင်ပွဲ ကမ္ဘောဒီးယားအသင်း ဖိလစ်ပိုင်ကို ဂိုးပြတ်နိုင်

June 10, 2015

ရွှေတံဆိပ်ရမှ အောင်မြင်ပြီလို့ ပြောရမှာ - ဦးခင်မောင်ထွေး

ဆီးဂိမ်းပြိုင်ပွဲဝင် မြန်မာဘောလုံးအသင်းဟာ ဒီနေ့ညပိုင်းမှာ အုပ်စုတွင်း နောက်ဆုံးပွဲစဉ် အဖြစ် ကမ္ဘောဒီးယားအသင်းနဲ့ ယှဉ်ပြိုင်ကစားရမှာ ဖြစ်ပါတယ်။ မြန်မာအသင်းဟာ အုပ်စုတွင်း ၃ ပွဲကစား ၃ ပွဲ အနိုင်ရထားပြီး အုပ်စုတက်ဖို့ သေချာနေတဲ့အသင်းဖြစ်ပြီး ကမ္ဘောဒီးယားအသင်းကတော့ အနိုင် ၁ ပွဲသာ ရထားပြီး အုပ်စုတက်ဖို့ အခွင့်အရေး နည်းနေပြီ ဖြစ်ပါတယ်။ ၀ါရင့်အားကစားကလောင်ရှင် ဦးခင်မောင်ထွေး (ပျဉ်းမနား) ကတော့ ဒီနေ့ ကစားမယ့် မြန်မာအသင်းဟာ ကမ္ဘောဒီးယားအသင်းကို သက်တောင့်သက်သာနဲ့ပဲ အ နိုင်ရသွားနိုင် တယ်လို့ ပြောပါတယ်။ ဆီးဂိမ်းပြိုင်ပွဲဝင် မြန်မာ ယူ ၂၃ အသင်းက ကစားသမားတွေ တချို့ပွဲတွေမှာ ပေါ့ပေါ့ဆဆ ကစားတာမျိုး တွေ့နေရပြီး ဒီလိုမျိုး အရေးကြီးတဲ့ပွဲတွေမှာ သွားလုပ်ရင် ရှုံးသွားနိုင်တယ်လို့လည်း ဦးခင်မောင်ထွေးက သတိပေး ပြောပါတယ်။ ၀ါရင့်အားကစားကလောင်ရှင် ဦးခင်မောင်ထွေး (ပျဉ်းမနား) ကို ဒီဗွီဘီက ဆက်သွယ် မေးမြန်းထားပါတယ်။ ဒီနေ့ မြန်မာနဲ့ ကမ္ဘောဒီးယားကန်မယ့်ပွဲအပေါ် အရင် သုံးသပ်ပေးပါ။ “ကျနော်တို့ နိုင်မှာပါ၊ နိုင်မှာပါဆိုတာက ကျနော်တို့က စိတ်အေးလက်အေး ကစားရပြီလေ၊ အကြိုဗိုလ်လုပွဲက တက်ပြီးနေပြီ၊ မြန်မာအသင်းအတွက် အခက်အခဲ မရှိတဲ့ ပွဲပဲ၊ ကမ္ဘောဒီးယား ဒီလောက် မကောင်းပါဘူး၊ ကျနော်တို့ နိုင်ခဲ့တဲ့ အင်ဒိုနီးရှားတို့ စင်ကာပူတို့ကို ဂိုးပြတ် ရှုံးထားတဲ့အသင်းပါ။” မြန်မာအသင်းကစားခဲ့တဲ့ ၃ ပွဲမှာ ဘယ်နေရာမှာ အားနည်းချက်တွေ တွေ့ခဲ့ရလဲ။ “အဓိက အားနည်းချက်က တခါတလေ ကလေးတွေ ကစားပုံက ပျက်တီျးပျက်ချော် ကစားပုံဗျ။ ဆိုကြပါစို့ဗျာ၊ ဖိလစ်ပိုင်နဲ့ပွဲမှာ ကျနော်တို့က ဂိုး စပေးလိုက်ရပြီး နောက်မှ လိုက်သွင်းရတာလေ။ အကြိုဗိုလ်လုပွဲမှာသာ ဒီလို ဂိုးပေးလိုက်ရရင် နောက်က လိုက်ဖို့ ခက်မယ်လေ၊ အင်ဒိုနီးရှားနဲ့ စင်ကာပူပွဲ ကစားသလို ကစားမယ်ဆိုရင် ပြောစရာ သိပ်မရှိဘူး။ တခါတလေ လူပေးတာ မှားတာတို့ ဟိုတနေ့ကဆို လက်ပစ်ဘော ၂ ကြိမ်တိုင်တိုင် မှားတယ်ဆိုတာကြီးကတော့ မကောင်းဘူးပေါ့ဗျာ။ ဘောလုံးပွဲမှာ လက်ပစ်ဘောက မှားဖို့ မသင့်ဘူးလေ၊ အသေးအဖွဲလေးတွေပါပဲ။” သူ့အသင်းမန်နေဂျာ ဦးသန်းတိုးအောင်ကလည်း ပြောတယ်။ အင်ဒိုနဲ့ စင်ကာပူပွဲ ကစားပုံမျိုးထက် ပေါ့လျော့ပြီး ကစားလို့ မရဘူးတဲ့။ အဲ့ဒီတော့ အန်ကယ်ပြောသလို ပေါ့တာ ဘာကြောင့်လို့ အန်ကယ်ထင်လဲဗျ။ “ဗမာဘောလုံးသမားလေးတွေမှာ ပါလာတဲ့ အကျင့်ဆိုးလေးတွေပေါ့။ ဗိုလ်ချုပ်အောင်ဆန်း ပြောသလို နိုင်ရင် တက်ထောင်တာတို့ ဆောင့်ကြွားကြွား လုပ်တာတို့ ဆိုတဲ့အဆင့် ရောက်ရောက်သွားတယ်ဗျ။ အမှန်က မိနစ် ၉၀ ပြည့်မှ အရှုံးအနိုင်က အတည်ဖြစ်တာ။ ကလေးတွေက အဲဒီလို မဟုတ်ဘဲ နိုင်ပါတယ်ကွာဆိုတဲ့ စိတ်ဓာတ်မျိုး ရှိတယ်။ နိုင်ပါတယ်ကွာဆိုပြီး သွားလုပ်လို့ မရဘူး။ နိုင်အောင် ကစားမယ်ကွာ လုပ်မှ ရမယ်။ ဖိလစ်ပိုင်ကို နောက်က လိုက်ကစားလို့ ရတယ်။ ထိုင်းတို့ ဗီယက်နမ်တို့ ရှုံးလို့ ကိုယ်က နောက်က လိုက်ကစားရင် ခက်လိမ့်မယ်။ စကထဲက ကိုယ်က ပိုင်ပိုင်နိုင်နိုင် စီးစီးပိုးပိုးနဲ့ ကစားထားနိုင်မှ၊ တခုတော့ ရှိတယ်။ ဒီ ယူ ၂၃ အသင်းမှာ ချီးကျုးစရာကောင်းတာက ဂိုးသွင်းတဲ့နေရာမှာ ငါချည်းသွင်းမယ်ဆိုတဲ့သူမျိုး မရှိဘူး။ ဖိလစ်ပိုင်နဲ့ပွဲမှာဆိုရင် ၅ ယောက်က တယောက်တဂိုးစီ သွင်းသွားတယ်။ အဲဒီ စိတ်ဓာတ်လေးကတော့ ကောင်းတယ်။ ဂိုးသွင်းနိုင်တဲ့သူ ဂိုးသွင်း နိုင်အောင် ဖန်တီးပေးတာတို့ဘာတို့ ကောင်းတယ်။အဲလိုမျိုး ဆက်ကစားဖို့ လိုတယ်။” ဒီပြိုင်ပွဲမှာ ယူ ၂၃ ကို ဘယ်လောက်ထိ မှန်းလဲ။ “ဆီးမီးဖိုင်နယ်မှာ နိုင်ရင် ရွှေ ရမယ်ဗျာ၊ ဆီးမီးဖိုင်နယ် နိုင်အောင် ကျနော်တို့ ကြိုးစားရမယ်၊ ထိုင်းကို ခြေစမ်းပွဲမှာ ဂိုးပြတ် ရှုံးထားတာ ရျိတယ်။ ဒါပေမယ့် ယူ ၂၃ က အသက်ကန့်သတ်ချက် ရှိတယ်။ ဒီတော့ သူလည်း ဒီလူပဲ ကိုယ်လည်း ဒီလူပဲ၊ ဘာပဲပြောပြော အားကစားဆိုတာ တခါတလေတော့လည်း ကံကြမ္မာကြောင့် ကိုယ့်ဘက်ပါတာမျိုးလည်း ရှိတာပေါ့နော်။ ဒိုင်လူကြီးကများ ကိုယ့်ဘက် လိုက်မလား၊ ပယ်နယ်တီများ ရမလား စသဖြင့်ပေါ့။ ရှုံးချင်ရင်တော့ ပယ်နယ်တီ ပေးလိုက်ရတာပေါ့။ အနီကတ်ပြပြီး အထုတ်ခံလိုက်ရတာတို့၊ အရေးကြီးဆုံးကတော့ ဆီးမီးဖိုင်နယ်နိုင်ပြီး ဗိုလ်လုပွဲ ရောက်ဖို့ လိုတယ်။” ကံကြမ္မာက မြန်မာအသင်းဘက် ပေးလာပြီလို့ရော မြင်ရလား။ “နည်းနည်းလေး ယောင်ယောင်လေး ရေးရေးလေးပါဗျာ။ ရေးရေးလေးပါဗျာလို့ ပြောရတာက စင်ကာပူတို့ အင်ဒိုနီးရှားတို့က မထင်မှတ်လောက်အောင် ညံ့သွားတာ တွေ့ရတာကိုး။ ဘာပဲပြောပြော တက်ယောင်တော့ ပြပြီပေါ့နော်။ ဒါကြီးကို အောင်မြင်ပြီ အောင်နိုင်ပြီလို့ မြင်ရင်တော့ မှားလိမ့်မယ်။ မအောင်မြင်သေးဘူးလေ။ နောက် ကျနော်တို့က ဆီးဂိမ်းမှာ ရွှေတံဆိပ် လုံးဝ မရဖူးသေးဘူး။ ရွှေတံဆိပ်ရမှ အောင်မြင်ပြီလို့ ပြောရမှာပေါ့။ အကြိုဗိုလ်လုပွဲက ခဏခဏ ရောက်တာပဲ၊ ဒီတကြိမ်နဲ့ဆို တတိယအကြိမ် ရောက်တာ ဖြစ်မယ်။ ဗိုလ်လုပွဲရောက်ရင်လည်း တတိယအကြိမ် ရောက်တာ ဖြစ်မယ်။ ရွှေတံဆိပ်ရမှ ကျနော်တို့ အသင်းက အောင်မြင်မှုလမ်းစဆီပေါ် ပြန်ရောက်ပြီလို့ ပြောလို့ ရမယ်၊ ဒါကြီးကို အောင်ပြီဟေ့၊ မြန်မာဘောလုံးအသင်း တိုးတက်ပြီဟေ့လို့ သွားကြွေးကြော်ရင် မှားလိမ့်မယ်။”
6 years Ago

June 6, 2015

မိုးပေါ်က လုံးတုံးလုံးတုံး မန္တလေးက အားပေးတဲ့ ဘောလုံး

မန္တလေးမြို့ရဲ့ အဓိကလမ်းမကြီးတခုဖြစ်တဲ့ ကျုံးတောင်ဘက်လမ်း တနေရာကို လူအုပ်ကြီးက သိမ်းပိုက်ထားလိုက်ပါပြီ။ လမ်းမဘေး ၀ဲယာတဘက်တချက်စီမှာ ဆိုင်ကယ်တွေ ဖြစ်သလိုရပ်ထားတယ်။ ကားတစီးစာစီ ဖြတ်သန်းမောင်းနှင်လို့ ရအောင်တော့ လမ်းကို ချန်ပေးထားတယ်။ တချို့ဆိုင်ကယ်တွေက လမ်းလယ်ကျွန်းရဲ့ ဟိုဘက်ဒီဘက်တလျှောက်မှာ။  တချို့ဆိုင်ကယ်တွေပေါ်မှာ လူတွေက အမိန့်သားထိုင်နေတယ်။ ရေတမာပင်တွေ စီတန်းစိုက်ထားတဲ့ လမ်းလယ်ကျွန်းပေါ်မှာ လူတွေက ထိုင်တချို့၊ မတ်တတ်တချို့။ အဲ့ဒီလူတွေနဲ့ မနီးမဝေးက ကျုံးရဲ့ပတ်လည် လူသွားစင်္ကြန်ပေါ်မှာလည်း လူအုပ်ကြီး၊ သူတို့အရှေ့မှာလည်း ဆိုင်ကယ်တွေက မနည်းမနော။ တချို့က အနီရောင်အားကစားအင်္ကျီနဲ့ အဖြူရောင် အားကစားအင်္ကျီတွေကို ၀တ်ထားကြတယ်။ အင်္ကျီရဲ့နောက်ကျောမှာ ‘MYANMAR’ ဆိုတဲ့ အင်္ဂလိပ်စာတွေ ရိုက်နှိပ်ထားတယ်။ ည ၇ နာရီကျော်လာလေလေ ဆိုင်ကယ်တွေ၊ လူတွေ ထပ်ထပ်ပြီး ရောက်ရောက်လာတယ်။ လက်သီးလက်မောင်းတန်းတဲ့အသံ၊ လက်ခုပ်တီးသံ၊ အာမေဋိတ်အသံတွေနဲ့ တဖြည်းဖြည်း စည်ကားလာတယ်။ နေရာအတိအကျပြောရရင် မြို့တော်ခန်းမရှေ့မှာပါ။ စည်ပင်သာယာရေးအဖွဲ့က ကြော်ငြာထိုးဖို့ ရုံးအနောက်မြောက်ထောင့်မှာ ၁၀ ပေပတ်လည်လောက် တီဗွီစခရင်ကြီး တပ်ထားတယ်။ ဒီစခရင်ကြီးမှာ ဒီညဦးမှာတော့ စင်ကာပူမှာကန်မယ့် မြန်မာ-အင်ဒိုနီးရှား ဘောလုံးပွဲကို တိုက်ရိုက်ပြသမှာပါ။ ၇ နာရီခွဲပြီးလို့ ခဏအကြာမှာတော့ လူအုပ်ကြီးလိုက် ဂိုးဆိုပြီး အားလုံး ထအော်လိုက်ကြတာ ၀န်းကျင်တခုလုံး ဟိန်းသွားတယ်။ ၂၈ ကြိမ်မြောက်ကျင်းပနေတဲ့ အရှေ့တောင်အာရှ ဆီးဂိမ်း အမျိုးသားဘောလုံးပြိုင်ပွဲမှာ မြန်မာယူ ၂၃ အသင်းက ဂိုးသွင်းလိုက်တာကိုး။ မန္တလေးမြို့က မြန်မာအသင်း အားပေးတဲ့ မြို့ခံပရိသတ်တွေ စုပေါင်းပြီး မြန်မာဘောလုံးအသင်းကို အားပေးနေကြတာပဲ ဖြစ်ပါတယ်။ မြန်မာအသင်းကို အားပေးတဲ့နေရာမှာ မန်းသူမန်းသားတွေလောက် သဲသဲလှုပ်တာ မန်းသူမန်းသားတွေပဲ ရှိတယ်လို့ ပြောစမှတ်ပြုရလောက်အောင်ကို သိပ်ကဲလွန်းလှပါတယ်။ ကိုယ့်အိမ်ထဲမှာကို အေးအေးဆေးဆေး သက်သက်သာသာ ကြည့်ရင်ရပေမယ့်လည်း အခုလို လူအုပ်စုလိုက်ကြီး စုပေါင်းပြီး အားပေးရတာကိုမှ ပိုကျေနပ်တတ်ကြတယ်။ လူအုပ်လိုက်ကြီး ဂိုး….လို့ အော်ရတာကို အရသာတွေ့တယ်။ သူတို့သာ အခုလို အားမပေးလိုက်ရင် မြန်မာအသင်းကြီးပဲ အနိုင်မရတော့မယ့်ပုံပါပဲ။ အားပေးတဲ့ ပရိသတ်တွေထဲမှာ အမျိုးသား၊ အမျိုးသမီး၊ ကျောင်းသူ ကျောင်းသား၊ အိမ်ရှင်ထီး၊ အိမ်ရှင်မ၊ ဈေးသူဈေးသား အလွှာစုံပါဝင်တဲ့အပြင် တရုတ်လူမျိုးရော၊ မွတ်ဆလင်ရော၊ ပန်ချာပီတွေရော လူမျိူးပေါင်းစုံ ပါဝင်ကြတယ်။ သူဌေးရော လက်လုပ်လက်စားရော လမ်းဘေးမှာ အတူထိုင်ပြီး တီဗွီစခရင်ကြီးရှေ့မှာ အဆင့်အတန်း မခွဲခြားကြပဲ ပျော်ပျော်ပါးပါး ကြည့်ကြတယ်။ အများစု အလုပ်ပြီးတဲ့ အချိန်တွေမျိုးမှ ကန်တဲ့ မြန်မာပွဲစဉ်တွေကတော့ အားပေးသူတွေနဲ့ ပိုစည်ကားတတ်ပါတယ်။ များသောအားဖြင့် ညနေပိုင်းနဲ့ ညပိုင်းတွေမှာလာတဲ့ မြန်မာအသင်း ဘောလုံးပွဲတွေပေါ့။ _DSC2473 မြန်မာဘောလုံးပွဲတွေ အားပေးဖို့ လူစုံ အလွှာစုံ စုပြုံရောက်နေတာပါ။ အလုပ်ပြန်ချိန် တန်းပြီး လာအားပေးတဲ့သူရော၊ အလုပ်ကနေ အိမ်ပြန် ရေအမြန်ချိုးပြီး မွှေးမွှေးကြိုင်ကြိုင် ပြင်ဆင်လာသူတွေရောကြောင့် ချွေးနံ့တွေ၊ အမွှေးနံ့တွေကတော့ ရောပြွမ်းနေတယ်။ တချို့ အရက် ဘီယာ ကြိုက်သူတွေကလည်း ပလတ်စတစ်အိတ် အမည်းလေးတွေထဲမှာ အသာလေး ၀ှက်လာပြီး လူအလစ်မှာ တကျိုက်ပြီးတကျိုက် ပိုက်ကလေးနဲ့ စုပ်ကာ စုပ်ကာနဲ့ ဘောလုံးပွဲကို အားပေးကြတယ်။ ဆေးလိပ်သောက်သူတွေကလည်း ဆေးလိပ်တွေခဲရင်းပေါ့။ တချို့လူငယ်တွေကတော့ အတွဲကိုယ်စီနဲ့ လာကြတယ်။ ကိုယ်သန်ရာသန်ရာနဲ့ တွဲဖက်ပြီး ဘောလုံးပွဲကို အားပေးနေကြတာပေါ့လေ။ အများစုရဲ့လက်ထဲမှာတော့ ဖုန်းတွေကို ကိုင်ထားကြတယ်။ မြန်မာဂိုးရှူးပြီဆိုတာနဲ့ သူတို့ပဲ အရင်သိတဲ့ ပုံစံတွေအတိုင်း အင်တာနက် ဖေ့ဘွတ်ခ် တင်ကြတယ်။ သူတို့ အခုလို စုပေါင်းအားပေးနေတယ်ဆိုတာ သိရအောင်ကိုလည်း ဘောလုံးပွဲမစခင် အချိန်ကလေးမှာတင် သူတို့ဆဲလ်ဖီဓာတ်ပုံတွေကို ရိုက်ပြီး ဖေ့ဘွတ်ခ် တင်ထားကြပြီးသား။ ဒီလို မြန်မာဘောလုံးပွဲတွေ စုပေါင်းကြည့်တဲ့ဓလေ့ဟာ မန္တလေးမြို့ခံတွေကြားမှာ သိပ်ထူးဆန်းလွန်းတဲ့ ကိစ္စတခုတော့ မဟုတ်တော့ပါဘူး။ ဒါပေမယ့် မန္တလေးမြို့ကို ခဏတဖြုတ်လာကြတဲ့ နိုင်ငံခြားသား ဧည့်သည်တွေအတွက်တော့ အထူးအဆန်းလို ဖြစ်တတ်ကြတယ်။ သူတို့ကိုယ်တိုင် အထူးအဆန်းအဖြစ်နဲ့ ၀င်ကြည့်တယ်။ ဓာတ်ပုံရိုက်ကြတယ်။ ပြီးတော့ သူတို့လည်း ပရိသတ်နဲ့ တသားတည်းရောပြီး ပျော်လာကြရော။ မန္တလးမြို့မှာ အခုလို ဘောလုံးပွဲကို လမ်းဘေးက တီဗွီစခရင်ကြီးမှာ လာပြီး စုပေါင်းကြည့်တဲ့ဓလေ့ စဖြစ်လာတာကတော့ လွန်ခဲ့တဲ့ ၂ နှစ်ခန့်၊ ၂၀၁၃ ခုနှစ် ဒီလိုအချိန်က မြန်မာနိုင်ငံမှာ ကျင်းပခဲ့တဲ့ ၂၇ ကြိမ်မြောက် အရှေ့တောင်အာရှ ဆီးဂိမ်း ဘောလုံးပြိုင်ပွဲက စတင်ခဲ့တာပဲ ဖြစ်ပါတယ်။ အသေအချာပြောရရင်တော့ မြန်မာအမျိုးသမီးဘောလုံးအသင်းကို အားပေးရင်းက စခဲ့တာပါ။ မြန်မာပြည်မှာ ကျင်းပခွင့်ရခဲ့တဲ့ အဲ့ဒီဆီးဂိမ်းမှာ အမျိုးသမီးဘောလုံးပွဲစဉ်တွေကို မန္တလေးမြို့မှာ ကျင်းပခဲ့တာ ဖြစ်ပါတယ်။ အဲ့ဒီပြိုင်ပွဲမှာ တမြို့လုံးက မြို့ခံတွေဟာ မြန်မာအမျိုးသမီးအသင်းကို ကွင်းပြည့်ကွင်းလျှံရုံတင်မကပဲ ရုပ်မြင်သံကြားတွေကနေ အိမ်ပေါက်စေ့ အားပေးခဲ့ကြတယ်။ သဲသဲလှုပ် မြို့ခံတချို့ကတော့ မြို့တွင်းမှာ ထုတ်လွှင့်ပေးတဲ့ တီဗွီစခရင်ကြီးတွေရှေ့မှာ အားနဲ့မာန်နဲ့ ကိုယ်တိုင်ကိုယ်ကျ အားပေးကြတယ်။ မြန်မာအသင်း နိုင်လို့ကတော့ အာပေါင်အာရင်းသန်သန်နဲ့ မြန်မာ...မြန်မာဆိုပြီး တက်တက်ကြွကြွ အော်ဟစ်ပြန်လာတတ်ကြပေမယ့် ရှုံးရင်လည်း တိတ်တဆိတ် ပြန်လာတတ်ကြတာ မန္တလေးမြို့က မြန်မာဘောလုံးချစ် ပရိသတ်တွေပါပဲ။ _DSC2480 မြန်မာအသင်းကများ ဂိုးပြီဆိုလို့ကတော့ လာရောက်ကြည့်သူ ပရိသတ်တွေအားလုံးဟာ တသားတည်းဖြစ်အောင် အော်ဟစ် အောင်ပွဲခံကြတယ်။ တယောက်နဲ့တယောက် မသိကြပေမယ့် အဲ့ဒီလို ဘောလုံးပွဲကြည့်တဲ့ အချိန်မှာတော့ တကယ့် ဆွေမျိုးမိတ်ဆွေ အရင်းချာကြီးတွေလိုပဲ။ မြန်မာအသင်း ဂိုးသွင်းလို့ တီဗွီစခရင်ကြီးပေါ်မှာ နိုင်ငံခြားရောက် မြန်မာပရိသတ်တွေ အားပေးနေတဲ့ပုံတွေ ပေါ်လာရင်လည်း မန်းမြို့ခံ ပရိသတ်တွေကလည်း အားကျမခံ ဟေး…ဟေး... ဆိုပြီး ပြန်ပြီးအော်တတ်ကြတယ်။ သူတို့ကို တီဗွီထဲကလူတွေက မြင်ရပြီး ပြန်နှုတ်ဆက်ခံရမယ့်အတိုင်းပဲ။ မြန်မာဘောလုံးအသင်း အခြေအနေကောင်းတဲ့ အချိန်တွေဆိုရင် အားလုံးရဲ့မျက်နှာမှာ အပြုံးအပျော်တွေနဲ့ချည်းပေါ့။ မြန်မာအသင်းဘက်ကိုများ ဂိုးအသွင်းခံလိုက်ရရင်တော့ ဟာ..ဟင်…နဲ့ အားမလိုအားမရ ဝေဖန်သံတွေ အများကြီး ထွက်ပေါ်လာတတ်တယ်။ တခါတရံဆို ဆဲဆိုသံလေးတွေများတောင် တနေရာဆီလောက်က မကြားတကြား ထွက်လာတတ်တယ်။ ဒါပေမယ့်လည်း ရှုံးပေမယ့် နိုင်ငံတော်သီချင်းတွေဆိုပြီး အော်ဟစ်အားပေးတတ်တာ မန္တလေးမြို့က ဘောလုံးပရိသတ်တွေပါပဲ။ အဲ့ဒီလိုအချိန်တွေမှာဆို အားသာပေးနေရတယ်၊ သူတို့ရင်ဘတ်ထဲမှာကတော့ တဒိတ်ဒိတ်နဲ့ စိုးရိမ်နေကြတယ်ဆိုတာ သူတို့မျက်နှာတွေမှာ အထင်းသား ပေါ်နေတတ်တယ်။ ခုလည်း စင်ကာပူနိုင်ငံမှာ သွားပြီး ယှဉ်ပြိုင်နေရတဲ့ မြန်မာ ယူ ၂၃ အမျိုးသားဘောလုံးအသင်းကို အားပေးနေကြပြန်ပြီ။ မြန်မာအမျိုးသားအသင်းဟာ အဖွင့်ပွဲစဉ်မှာ အင်ဒိုနီးရှားကို ၄ ဂိုး ၂ ဂိုးနဲ့ နိုင်လိုက်တာကြောင့် မန်းမြေက မြန်မာဘောလုံးချစ်ပရိသတ်တွေများ ပျော်နေလိုက်ကြရှာတာ။ တချို့ ဆိုင်ကယ်နောက်မှာ ထိုင်လိုက်ရင်း မြန်မာအလံကိုကိုင်ပြီး လက်က ဝှေ့ရမ်းသွားတယ်။ တချို့ကတော့ နိုင်ငံတော်သီချင်းကို အော်ဟစ်ဆိုပြီး အဖွဲ့လိုက်တွေ ပြန်သွားကြတယ်။ ဘောလုံးပွဲချစ်တဲ့ မန္တလေးပရိသတ်ရဲ့ အိမ်အပြန်လမ်း ရှုခင်းကို ကြည့်ရုံနဲ့ အခြေအနေကို သိနိုင်တဲ့ မျက်နှာတွေက ပြုံးပြီး စကားတွေ ဖောင်ဖောင် ဖောင်ဖောင် ပြောလာကြရင် သူတို့အားပေးတဲ့အသင်း နိုင်တယ်။ ကြက်ကြီးတွေ လည်လိမ်ထားသလို ငြိမ်ပြန်လာရင်တော့ အခြေအနေ မကောင်းလို့ပေါ့။ မန္တလေးသားတွေရဲ့ ဘောလုံးပွဲချစ်တဲ့ စိတ်ဓာတ်ကတော့ သြချလောက်ပါပေရဲ့။ အေးမွန်ရာပြည့်
6 years Ago
Up