ဆီဗီလာ

March 16, 2022

မန်ယူအသင်းတွင် ဘောလုံးကစားချင်စိတ် ပျောက်ဆုံးခဲ့ကြောင်း မာရှယ် ဝန်ခံ

မန်ယူအသင်းမှာ ပွဲထွက်ခွင့်မရခဲ့မှုနဲ့အတူ ဘောလုံးကစားချင်စိတ်ပါ ပျောက်ဆုံးခဲ့ရတယ်လို့  တိုက်စစ်မှူး မာရှယ်က ပြောပါတယ်။ 

မာရှယ်ဟာ အခုနှစ်ဇန်နဝါရီအပြောင်းအရွှေ့မှာ ဆီဗီလာ အသင်းကို အငှားစာချုပ်နဲ့ ပြောင်းရွှေ့ခဲ့တာပါ။ စပိန်ကလပ်မှာတော့ ပွဲထွက်ကစားခွင့်ရနေတဲ့အပေါ် ပျော်ရွှင်ကျေနပ်နေပြီး မန်ချက်စတာမှာတုန်းက ဘောလုံးကစားချင်စိတ်တောင် အနည်းငယ် ပျောက်ဆုံးခဲ့တယ်လို့ မာရှယ်က ပြောပါတယ်။ 

“ကျနော့်အတွက်တော့ ဆီဗီလာမှာ ပွဲကစားခွင့်ပြန်ရပြီး ပျော်ရွှင်မှုတွေရခဲ့လို့ အကောင်းဆုံး ရွေးချယ်မှုဖြစ်ခဲ့တယ်။ မန်ချက်စတာမှာတုန်းက ဘောလုံးကစားချင်စိတ်တောင် အနည်းငယ်ပျောက်ဆုံးခဲ့သေးတယ်။ ဒါက ဘောလုံးကစားခွင့်မရတော့တာနဲ့လည်း ဆိုင်တယ်။ ဆီဗီလာမှာတော့ ကျနော်အလွန်အဆင်ပြေပါတယ်။ မြို့တော်က သာယာလှပသလို  ကျနော်တို့အသင်းကလည်း ကောင်းမွန်တဲ့အသင်းဖြစ်လို့ ကျနော့်အတွက်တော့ ပြည့်စုံပါတယ်။ ဒါပေမယ့် ရာသီကုန်ဆုံးချိန်အထိပဲ ဒီမှာဆက်ရှိရမှာပါ။” 

တခါတလေမှာ အပြုံးအရယ်နည်းတယ်လို့ လူတွေကထင်ကြပေမယ့် အပြင်ဘဝမှာတော့ အမြဲတမ်းပြုံနေတယ်ဆိုတာ လူတိုင်းသိကြောင်း၊ ပြုံးပျော်နေဖို့ထက် ဘောလုံးအပေါ်မှာပဲ အာရုံစိုက်ချင်တာဖြစ်လို့ လူတွေ ဘယ်လိုပဲမြင်ပါစေ အဆင်ပြေကြောင်းလည်း မာရှယ်က ပြောပါတယ်။

11 months Ago

December 23, 2021

မန်ယူတိုက်စစ်မှူး မာစီယယ်ကို ဆီဗီလာခေါ်ယူနိုင်ရန် နီးစပ်

မန်ယူအသင်းကနေ ထွက်ခွာဖို့အတွက် နည်းပြရက်ဖ်ရင်းနစ်ခ်နဲ့ ဆွေးနွေးခဲ့တဲ့ တိုက်စစ်မှူး မာစီယယ်ကို ဆီဗီလာအသင်းကခေါ်ယူနိုင်ဖို့ နီးစပ်နေတယ်လို့သိရပါတယ်။

ပြင်သစ်တိုက်စစ်မှူး မာစီယယ်ဟာ ယူနိုက်တက်မှာ ပုံမှန်ပွဲထွက်မရဖြစ်နေတာကြောင့် လာမယ့် ကာတာကမ္ဘာ့ဖလားမှာပါဝင်နိုင်ဖို့ဆိုရင် ပွဲကစားခွင့်လို အပ်နေတာပါ။

ပြီးခဲ့တဲ့ရက်ပိုင်းက ယူနိုက်တက်နည်းပြ ရင်းနစ်ခ်နဲ့ ဆွေးနွေးခဲ့ပြီးနောက်မှာ ဇန်နဝါရီမှာ ထွက်ခွါဖို့ စီစဉ်ထားတယ်လို့သိရပါတယ်။

လာလီဂါအဆင့် ၂ မှာရပ်တည်နေတဲ့ ဆီဗီလာအသင်းဟာ ၇၆နှစ်အတွင်း ချန်ပီယံဆုဖလားရယူနိုင်ဖို့ ပစ်မှတ်ထားနေပြီး မာစီယယ်ကို အငှားစာချုပ်နဲ့ခေါ်ယူအား ဖြည့်လိုနေတာပါ။

နည်းပြလိုပက်တီဂူကလည်း မာစီယယ်ရဲ့ ခြေစွမ်းအပေါ် ယုံကြည်မှုရှိပြီး ရီးရဲလ်မက်ဒရစ်ကို ကျော်ဖြတ်မယ့်လမ်းကြောင်းမှာ အရေးပါမယ့်ကစားသမားလို့ သတ်မှတ်ထားကြောင်း စကိုင်းစပေါ့သတင်းမှာဖော်ပြသွားပါတယ်။

မာစီယယ်ဟာ ဆီဗီလာကို မပြောင်းဖြစ်ခဲ့ရင်လည်း ဘာစီလို၊ ဂျူဗင်တပ်အသင်းတွေနဲ့ ဆွေးနွေးဖို့ရှိပါတယ်။ 

1 year Ago
More News
Up