ဆိုင်ကလုန်းမုန်တိုင်း

October 12, 2021

ဖိလစ်ပိုင်တွင် ဆိုင်ကလုန်းမုန်တိုင်း တိုက်ခတ်မှုကြောင့် လူ ၉ ဦး သေဆုံး၊ ၁၁ ဦး ပျောက်ဆုံး

ဖိလစ်ပိုင်နိုင်ငံကုန်းတွင်းပိုင်းကို အောက်တိုဘာ ၁၁ ရက် ညနေပိုင်းက အပူပိုင်း ဆိုင်ကလုန်းမုန်တိုင်း ကွန်ပါဆူ ဝင်ရောက်တိုက်ခတ်ခဲ့တာကြောင့် ရေကြီး မြေပြိုခဲ့တဲ့အတွက် အောက်တိုဘာ ၁၂ ရက်အထိ လူ ၉ ယောက် သေဆုံးခဲ့ပြီး ၁၁ ယောက် ပျောက်နေတယ်လို့ အမျိုးသားကပ်ဘေးအေဂျင်စီက ပြောပါတယ်။

မုန်တိုင်းဟာ အမြင့်ဆုံး လေတိုက်နှုန်း ၁ နာရီ ၆၂ မိုင်နဲ့ တိုက်ခတ်ခဲ့ပြီး လူ ၁၆၀၀ နီးပါးကို ဘေးကင်းရာ ရွှေ့ပြောင်းပေးခဲ့ရပါတယ်။

“မြောက်ပိုင်း ဘန်ဂက်ပြည်နယ်မှာ မြေပြိုလို့ လူ ၄ ယောက် သေဆုံးပြီး အနောက်တောင်ဘက်က ပါလာဝမ် ကျွန်းပေါ်မှာ ရုတ်တရက် ရေကြီးလို့ လူ ၅ ယောက် သေဆုံးတယ်။ ဒေသခံအဖွဲ့တွေ ဆီက သတင်းအချက်အလက်တွေကို စိစစ်နေတယ်” လို့ ကပ်ဘေးအေဂျင်စီက ပြောပါတယ်။

မြေပြိုအပြီး ပျောက်ဆုံးနေသူတွေကို အာဏာပိုင်တွေက ဆက်ပြီး ရှာဖွေကယ်ဆယ်နေပါတယ်။ ရေနဲ့ လျှပ်စစ်မီး ပြန်ဖြန့်ဖြူးနိုင်ရေးနဲ့ လမ်းတွေ ရှင်းလင်းရေးအတွက် ကယ်ဆယ်ရေးအရာရှိတွေ က စီစဉ်နေတယ်လို့ သမ္မတပြောခွင့်ရက ပြောပါတယ်။

ကိုပါဆူ မုန်တိုင်းဟာ ဒီနှစ်အတွက် ဖိလစ်ပိုင်ကို ဝင်ရောက်တိုက်ခတ်တဲ့ ၁၃ လုံးမြောက် မုန်တိုင်းဖြစ်ပြီး အင်္ဂါနေ့မှာ ဖိလစ်ပိုင်ပိုင်နက်ထဲကနေ မုန်တိုင်းထွက်ခွာသွားဖို့ မျှော်လင့်တယ်လို့ အစိုးရ မိုးလေဝသ အေဂျင်စီက ပြောထားပါတယ်။

5 days Ago

May 26, 2021

ဆိုင်ကလုန်းမုန်တိုင်း “ယာစ် (YAAS)” အားလျော့သွားမည်ဟု မိုးဇလထုတ်ပြန်

ဘင်္ဂလားပင်လယ်အော်အနောက်မြောက်ပိုင်းမှာဖြစ်ပေါ်နေတဲ့ အားအလွန်ကောင်းတဲ့ ဆိုင်ကလုန်းမုန်တိုင်း “ယာစ် (YAAS)” ဟာ နောက် ၆ နာရီအကြာမှာ ကုန်းတွင်းကို ဝင်ရောက်သွားမှာဖြစ်ပြီး အားလျော့သွားမယ်လို့  မိုးလေဝသနဲ့ ဇလဗေဒဌာနက သတင်းထုတ်ပြန်ပါတယ်။

ဒီည ၇ နာရီမှာ ထုတ်ပြန်တာဖြစ်ပြီး မုန်တိုင်းဟာ အိန္ဒိယနိုင်ငံ၊ မြောက်ပိုင်းကမ်းခြေကို  ဘလာဆော(Balasore)မြို့တောင်ပိုင်းနားက‌နေ ဖြတ်ကျော်ခဲ့ပြီး၊ အနောက်မြောက်ဘက်ကို ရွေ့လျားလို့ အားကောင်းတဲ့ ဆိုင်ကလုန်းမုန်တိုင်းအဖြစ် အားလျော့သွားခဲ့ပြီးဖြစ်တယ်လို့ ဆိုပါတယ်။

အဆိုပါဆိုင်ကလုန်းမုန်တိုင်းဟာ အနောက် မြောက်ဘက်ကိုဆက်လက်ရွေ့လျားပြီး နောက် ၆ နာရီအတွင်း ကုန်းတွင်းမုန်တိုင်း အဖြစ်၊ နောက် ၁၂ နာရီအတွင်း ကုန်းတွင်းမုန်တိုင်းငယ်အဖြစ် တဖြည်းဖြည်း အားလျော့သွားမယ်လို့ ခန့်မှန်းထားပါတယ်။

Photo Credit- Moezala

5 months Ago
More News
Up