ဆိုင်ကယ်သပိတ်

July 13, 2021

စစ်အာဏာရှင် ပြုတ်ကျရေး မြိုင် ပြည်သူ ရာနဲ့ချီ ဆိုင်ကယ်သပိတ်ပြုလုပ်

မကွေးတိုင်းဒေသကြီးမြိုင်မြို့နယ် တောင်ပိုင်းဇုန်မှာ ဇူလိုင် ၁၃ ရက်နေ့မနက်ပိုင်းက အကြမ်းဖက်စစ်အုပ်စု ပြုတ်ကျရေးအတွက် ဒေသခံပြည်သူ ရာနဲ့ချီ ဆိုင်ကယ်သပိတ်ပြုလုပ်ခဲ့ကြတယ်လို့ သပိတ်ကော်မတီကနေ သိရပါတယ်။

တောင်ပိုင်းဇုန်မှာရှိတဲ့ ဒေသခံပြည်သူ ရာနဲ့ချီပူးပေါင်းပြီးတော့ အကြမ်းဖက်စစ်ကောင်စီ အမြစ်ပြတ်ပြုတ်ကျရေးအတွက် အသံမတိတ်၊ အလံမလိပ်ဘဲ ရွာစဥ်အလိုက် ချီတက်ပြီးတော့ ဆိုင်ကယ်သပိတ်ပြုလုပ်ခဲ့ကြတာလို့ သပိတ်ကော်မတီ အဖွဲ့ဝင်တစ်ယောက်က ပြောပါတယ်။

ဒါအပြင် မြိုင်မြို့နယ် အခြေခံပညာ အထွေထွေသပိတ်ကော်မတီကလည်း သက်ဆိုင်ရာ ဇုန်အလိုက် ဒေသခံပြည်သူတွေနဲ့ ပူးပေါင်းပြီးတော့ အကြမ်းဖက်စစ်အုပ်စု ပြုတ်ကျရေးအတွက် နေ့စဥ်ရက်ဆက် သပိတ်မှောက်နေသလို အခက်ခဲဖြစ်နေတဲ့ CDM ပညာရေးဝန်ထမ်းတွေကို ထောက်ပံ့ပေးနေတယ်လို့ ဆိုပါတယ်။

5 months Ago

June 21, 2021

စစ်အာဏာရှင်ပြုတ်ကျရေး မြိုင်ပြည်သူရာချီ ဆိုင်ကယ်သပိတ်လုပ်

မကွေးတိုင်း မြိုင်မြို့နယ် မြောက်ပိုင်းဇုန်မှာ ဇွန် ၂၁ ရက် မနက်ပိုင်းက အကြမ်းဖက်စစ်ကောင်စီ ပြုတ်ကျရေးအတွက် လူဦးရေ ရာနဲ့ချီ ဆန္ဒပြခဲ့ကြတယ်လို့ သပိတ်ကော်မတီကနေ သိရပါတယ်။

အခြေခံပညာအထွေထွေသပိတ်ကော်မတီနဲ့ မြောက်ပိုင်းဇုန်မှာရှိတဲ့ ဒေသခံပြည်သူ ရာနဲ့ချီ ပူးပေါင်းပြီး အကြမ်းဖက်စစ်ကောင်စီပြုတ်ကျရေးအတွက် နေ့စဉ်ရက်ဆက် အလံမလိပ်၊ အသံမတိတ်ဘဲ ချီတက်ဆန္ဒပြနေတာလို့ သပိတ်ကော်မတီ တာဝန်ရှိသူတစ်ယောက်က ပြောပါတယ်။

မတ် ၁၁ ရက်က မြိုင်မြို့မှာ အကြမ်းဖက်စစ်ကောင်စီက သေနတ်နဲ့ပစ်သတ်လို့ ကျဆုံးခဲ့ရတဲ့ သူရဲကောင်း ၆ ယောက်အပါဝင် နိုင်ငံတစ်ဝှမ်း ကျဆုံးခဲ့တဲ့ အာဇာနည် သူရဲကောင်းတွေအတွက် သွေးကြွေးဆပ်တဲ့အနေနဲ့ အကြမ်းဖက်စစ်အုပ်စုကို အမြစ်ပြတ် တော်လှန်သွားမယ်လို့ ဆိုပါတယ်။

လမ်းပေါ်က သပိတ်တိုက်ပွဲ၊ CDM တိုက်ပွဲနဲ့ ပြည်သူ့ကာကွယ်ရေးတပ်ဖွဲ(PDF) တို့ ဟန်ချက်ညီညီ တော်လှန်ပါက မကြာခင် အကြမ်းဖက်စစ်ကောင်စီကို အမြစ်ပြတ်ဖြုတ်ချနိုင်မယ်လို့ သပိတ်ကော်မတီ တာဝန်ရှိသူက ပြောပါတယ်။

6 months Ago
More News
Up