ဆားလင်းကြီးတွင်

July 15, 2017

ဆားလင်းကြီးတွင် မြစ်ရေ၀င်ရောက်မှုကြောင့် ဒေသခံများ အခက်ကြုံ

လက်ပံတောင်းတောင်ဒေသ၊ ဆားလင်းကြီးမြို့နယ်၊ ရွှေလှေရွာ၊ ညောင်ပင်ကြီး-ဆားလင်းကြီး လမ်းမကြီးဘေးမှာ ချင်းတွင်းမြစ်ရေ ဝင်ရောက်နေလို့ ဒေသခံတွေ နေထိုင်စားသောက်သွားလာရာမှာ အခက်အခဲ ဖြစ်နေပါတယ်။ သက်ဆိုင်ရာက စားရင်းကောက်ယူထားတာတော့ရှိပေမယ့် ၂ ပတ်ကျော်သည်အထိ ဘာထောက်ပံ့မှုမှမရသေးဘူးလို့ ဆိုပါတယ်။ ကလေးငယ်တွေနှင့် သိုး၊ ဆိတ်၊ နွား စတဲ့ တိရစ္ဆာန်တွေကိုတော့ ရေလွတ်ရာကိုပို့ဆောင်ထားပါတယ်။ မီးသတ်တပ်ဖွဲ့ကတော့ သောက်သုံးရေအတွက် နေ့စဉ်လာရောက်ပို့ပေးနေပေမယ့် မရတဲ့သူတွေလည်းရှိနေပါတယ်။ မြို့နယ်ကျေးလက်ကျန်းမာရေးဌာနကတော့ ဒေသခံတွေရဲ့ ကျန်းမာရေးအတွက် ဆေးခန်းတွေဖွင့်ပြီးဆောင်ရွက်ပေးနေပါတယ်။ စပါးခင်း၊ နှမ်းခင်း၊ ကွမ်းခြံ တော်တော်များများလည်း ပျက်စီးကုန်ပါတယ်။ ကားလမ်း ၂ မိုင်ကျော်က ရေလွှမ်းမိုးခံထားရတဲ့အတွက် သွားလာရေးအတွက်အခက်အခဲဖြစ်နေကြပါတယ်။ လက်ရှိအနေအထားအရ ရေက ဆက်လက်မြင့်တက်နေဆဲဖြစ်ပြီး အခုလ ၁၈ ရက်နေ့အထိ စောင့်ကြည့်ဖို့လိုပြီး လိုအပ်တဲ့အစီအမံတွေလုပ်ဆောင်ဖို့ တိုင်းဒေသကြီး မိုးဇလက တိုက်တွန်းအကြံပြုထားပါတယ်။ ရေဘေးက အရင်က ၃ နှစ်မှတကြိမ် ကြုံရပေမယ့် အခုတော့ နှစ်စဉ်ဖြစ်လာတယ်လို့ ဒေသခံတွေကပြောပါတယ်။
5 years Ago
Up