ဆာလက်

December 26, 2020

ကမ်းလှမ်းမှုအသစ်လိုချင်၍ ဆာလက်က အပြောင်းအရွှေ့စကားပြောခြင်းဖြစ်ဟု ကာရေဂါ သုံးသပ်

တိုက်စစ်မှူး မိုဆာလက်ဟာ မက်လောက်စရာ ကမ်းလှမ်းမှု လိုချင်တာကြောင့် အသင်း ပြောင်းရွှေ့လိုတဲ့ မှတ်ချက်ပေးခဲ့တာ ဖြစ်တယ်လို့ ကစားသမားဟောင်း ကာရေဂါက သုံးသပ်ပါတယ်။ ဆာလက်ဟာ စပိန်သတင်းစာ AS နဲ့ အင်တာဗျူးမှာ ဘာစီလိုနာနဲ့ ရီးရဲလ်မက်ဒရစ် အသင်းတွေက ကမ္ဘာ့ထိပ်တန်းကလပ် နှစ်သင်း ဖြစ်ကြောင်း၊ အနာဂတ်မှာ ဘာမဆိုဖြစ်နိုင်ကြောင်း ပြောသွားခဲ့တာပါ။ လီဗာပူးနည်းပြ ကလော့ပ်ကတော့ ဆာလက်ဟာ အသင်းမှာ ပျော်ရွှင်နေတယ်လို့ ဖြေရှင်းထားပါတယ်။  လီဗာပူးဂန္ထဝင် ကာရေဂါကတော့ ဆာလက်အနေနဲ့ အသင်းပြောင်းရွှေ့လိုတဲ့ မှတ်ချက်ပေးခဲ့တာက လီဗာပူးအသင်းကနေ မက်လောက်စရာ ကမ်းလှမ်းချက် ရရှိလိုတာကြောင့် ဖြစ်တယ်လို့ သုံးသပ်ခဲ့တာပါ။ ဆက်လက်ပြီး အသက် ၂၉ နှစ်အရွယ် ကစားသမားတစ်ဦးကို  ပေါင် ၁၂၅ သန်းပေးပြီးတော့ ခေါ်ယူနိုင်မယ့်အသင်း မရှိနိုင်ကြောင်းလည်း ကာရေဂါက သုံးသပ်ပါတယ်။
9 months Ago

December 25, 2020

ဆာလက် အသင်းမပြောင်းဟု လီဗာပူးနည်းပြ ဖြေရှင်း

တိုက်စစ်မှူးဆာလက်ဟာ အသင်းပြောင်းဖို့မရှိဘဲ အသင်းမှာ ပျော်ရွှင်နေတယ်လို့ လီဗာပူးနည်းပြ ဂျာဂန်ကလော့ပ်က ပြောပါတယ်။  ဆာလာဟာ စပိန်သတင်းစာ AS နဲ့ အင်တာဗျူးအစီအစဉ်မှာ ရီးရဲလ်မက်ဒရစ်နဲ့ ဘာစီလိုနာအသင်းတွေဟာ ကမ္ဘာ့ထိပ်တန်းကလပ် ၂ သင်းဖြစ်တယ်လို့ ထုတ်ဖော် ချီးကျူးခဲ့တာပါ။  လီဗာပူးနဲ့ စာချုပ်သက်တမ်း ကျန်ရှိသေးပေမယ့်လည်း တစ်ချိန်မှာ ဘာဖြစ်မလဲဆိုတာ ဘယ်သူမှမသိနိုင်ကြောင်းလည်း ဆာလက်က ပြောခဲ့တာပါ။  အခုတစ်ပတ် ပရီးမီးယား လိဂ်ပွဲစဉ်မတိုင်ခင် ပွဲကြိုသတင်းစာရှင်းလင်းပွဲမှာ ဆာလက်ရဲ့ ပြောစကားနဲ့ ပတ်သက်လို့ မီဒီယာတွေက မေးမြန်ခဲ့ရာမှာတော့ အသင်းပြောင်းဖို့မရှိကြောင်း ကလော့ပ်က ဖြေရှင်းခဲ့ပါတယ်။  ဆာလက်ဟာ အကောင်းဆုံးခြေစွမ်းရနေတဲ့ အချိန်ရောက်နေပြီး အဲဒီလိုခြေစွမ်းရနေဖို့ကသာ အရေးကြီးဆုံးဖြစ်ကြောင်း၊ သူအသင်းမှာ ပျော်ရွှင်နေတာကို အားလုံးလည်း မြင်တွေ့ရနိုင်ကြောင်း နည်းပြကလော့ပ်က ပြောခဲ့တာပါ။  ဆာလက်ဟာ ပရီးမီးယားလိဂ် ၁၄ ပွဲအပြီးမှာ ၁၃ ဂိုးအထိ သွင်းယူထားပြီး ဂိုးသွင်းအများ ဆုံး ကစားသမားစာရင်းမှာ ထိပ်ဆုံးကနေ ဦးဆောင်ထားပါတယ်။ 
9 months Ago
More News
Up