ဆယ်တန်းကျောင်းသူအား ရိုက်နှက်ခဲ့သည့် ဘော်ဒါဆရာကို တရားစွဲမည်

A d v e r t i s e m e n t With Us

October 4, 2016

ဆယ်တန်းကျောင်းသူအား ရိုက်နှက်ခဲ့သည့် ဘော်ဒါဆရာကို တရားစွဲမည်

ပဲခူးတိုင်းဒေသကြီး၊ ဖြူးမြို့နယ်၊ တာခြားရပ်ကွက်မှာ ဖွင့်လှစ်ထားတဲ့ သြဘာဘော်ဒါဆောင်မှာ ကျောင်းသူတဦးကို ဆရာဖြစ်သူက ပြင်းထန်စွာ ရိုက်နှက်ခဲ့မှုနဲ့ ပတ်သက်ပြီး တရားစွဲဆိုသွားမယ်လို့ မိဘတွေက ပြောပါတယ်။ ကျောင်းသူ မချိုနှင်းလွင်ကို သြဘာဘော်ဒါပိုင်ရှင် ဦးသြဘာက ရိုက်နှက်ခဲ့တာဖြစ်ပြီး ဖြစ်စဉ်ကို မိသားစုက မကျေနပ်လို့ အောက်တိုဘာ ၃ ရက်နေ့က ဖြူးမြို့မရဲစခန်းမှာ အမှုဖွင့်တိုင်ကြားခဲ့တယ်လို့ ဆိုပါတယ်။ ဖြူးမြို့မရဲစခန်းက ရာဇသတ်ကြီးပုဒ်မ ၃၅၄ အရ အမှုဖွင့်ပေးမယ်လို့ လာရောက်ပြီး နစ်နာသူရဲ့မိခင်အား ပြောကြားခဲ့ရာ မိခင်ဖြစ်သူမှာ ကျေနပ်မှုမရှိကြောင်း ပြန်လည်ပြောဆိုတာကြောင့် တရားရုံးကို ဦးတိုက်လျှောက် တရားစွဲဆိုသွားမယ်လို့ နစ်နာသူမိသားစုက ပြောပါတယ်။ ကျောင်းသူဟာ ရိုက်နှက်ခံရမှုကြောင့် ခြေသလုံးတွေမှာ ပွန်းပဲ့ဒဏ်ရာတွေ ရရှိခဲ့ကာ စုစုပေါင်း ၇ ချက် ရိုက်ခဲ့ပြီး ဝါးခြမ်းစိမ်းကို ရေစိမ်ထားတဲ့တုတ်နဲ့ ရိုက်နှက်ခဲ့တာလို့ မချိုနှင်းလွင်ရဲ့ မိခင်က ပြောပါတယ်။ "အမကလည်း ကျောင်းဆရာမပါ။ အခု သမီးကိုရိုက်တဲ့ပုံစံက လွန်လွန်းနေလို့ ဒီလိုလုပ်ရတာပါ။ ကျောင်းက ဆရာမတွေတောင် ဒီလိုဖြစ်အောင် ရိုက်ခွင့်မရှိဘူး။ ပြီးတော့ သမီးကို စည်ကမ်းပျက်လို့ ရိုက်တယ်ပြောတယ်။ ဒါပေမယ့် ဒီလောက်ကြီးရိုက်ဖို့တော့ မလိုပါဘူး။ ဒီလ ၈ ရက်နေ့ဆို ပထမနှစ်ဝက်စာမေးပွဲ ရှိတယ်။ အခု သမီးက မဖြေဘူးချည်း လုပ်နေတယ်။ ကလေးကို စိတ်ဒဏ်ရာရအောင်ကို လုပ်လိုက်တာပါ" လို့ ကျောင်းသူ မချိုနှင်းလွင်ရဲ့မိခင်က ပြောပါတယ်။ အခုကိစ္စနဲ့ပတ်သက်ပြီး ဆရာ ဦးသြဘာက "ဟုတ်ပါတယ်။ ရိုက်တယ်။ ဘာလို့ရိုက်လဲဆိုတော့ စည်းကမ်းပေါ့။ စည်းကမ်းမလိုက်နာလို့ ရိုက်တာ။ စာမရရင် မရိုက်ဘူး။ စည်းကမ်းပျက်ရင်တော့ မရဘူး။ ဘော်ဒါအပ်ကတည်းကိုက လက်မှတ်ထိုးခိုင်းထားပြီးသား။ ရိုက်မယ်ဆိုတာ ပါတယ်" လို့ ပြောပါတယ်။ အဆိုပါဘော်ဒါမှာ ၉ တန်းနဲ့ ၁၀ တန်းကျောင်းသားတွေကို ပညာသင်ကြားပေးနေပြီး ကျောင်းသား၊ ကျောင်းသူ ဦးရေ စုစုပေါင်း ၈၀ ခန့်ရှိကာ သင်တန်းကြေးအဖြစ် အနိမ့်ဆုံး ၃ သိန်းခွဲမှ အမြင့်ဆုံး ၉ သိန်း သတ်မှတ်ထားတယ်လို့ သိရပါတယ်။ သတင်း - ကျော်အောင် (ကညွတ်ကွင်း)
4 years Ago
Up